De Silva

رحت عليه مرة وحدة, المكان كتير مرتب و الديكور غريب وحلو أكتر شي عجبني فيه الطاولات اللي جواتهم حوض سمك, ما جربت الأكل عندهم بس للأسف الخدمة كانت بطيئة يعني كتير غلبونا لقعدونا على طاولة ولما طلبنا برضو كانوا بطيئين يمكن كان يومها معجوق! يمكن ارجع اروح عليه بس مش مع مجموعة كبيرة!

المكان رائع جدا زرت المطعم و كان كتير رائع من تعامل الموظفين حتى مدير المطعم و الجو و الموسيقى يالي كانو حاطينها كتير حلوة و مناسبة للمطعم انا ما طلبت اكل من عندهم بس طلبت ارجيلة و و كاسة كوكتيل على زوق مدير المطعم و فعلا كان كتير طيب الكوكتيل و والارجيلة كمان كانت طيبة و الاسعار متوسطة... انا بنصح انو الواحد يجربو و انا اكيد راح ارجع عليه كمان مرة

such a beautiful place located in Jabal Amman , the service is very good and the atmosphere is very cozy . my last visit was at a gathering with some friends and i ordered a hot french vanilla which was really good !! some tables are also used as mini aquariums which is nice but not fair for the poor fish hehe

however , i recommend everyone to visit it :)

اليوم كنت فيه المكان كتيييييييييير حلو والديكور بجنن و نضيف و راقي والاسعار شوي مرتفعة بالمقابل الأكل كان مو زاكي بالمرّة :( بس اكيد هو من الأماكن اللي اكيد رح ارجع اروح عليها بس اني اكل عندو مستحييييييييل !!

كافيه روعة كتير ووالنضافة والترتيب غير شكل وعنده من الاكل تقريبا كل شي منوع كتير بين البارد والساخن والاكل والبيتزا وكل شي والطعم كتير زاكي وفي عنده اراجيل بس ما جربتها :)

والديكور حلو كتير خصوصا احواض السمك غريبة وفكرة جديدة والقعدة برا حلوة كتير

الاسعار مناسبة والخدمة كتير زوء الكل مبتسم اهم شي

جد كافييه حلو ومرتب :)

ديسلفا مكان جمييل يتربع في منتصف شارع الرينبو ،، يتمتع قعدات جدا جميلة ،، تقسم الى القعدة الخارجية و هي الاجمل و يوجد فيها داتا شو يعرض المباريات،، القعدة الداخلية و التي لا افضلها لاكتظاظها بالناس و دخنة الارجيل ،، لكن يعجبني فيها الطاولات التي يوجد بداخلها حوض سمك..

المحل نظيف جدا و ذا سمعة طيبة ،، قائمته متنوعة من مشروبات باردة و ساخنة ، اراجيل ، ماكولات ، حلويات ..

الديكور اكثر من رائع ،، بلا يقدم مشروبات روحية،، اسعاره تعتبر جيدة مقارنة بجودة المحل

تلبية سريعة للزبون سواء في الكفيه او الفليت

افضل الذهاب اليه في سهرات رمضان ..

المقهى كثير جميل ومشروباته زاكية وموقعو جيد لكنو مش مطل ولا قريب من الشارع الرئيسي ومرة دخت مرة على هاد الكافيه لحتى أبعت كم إيميل من أنا وصديقي وماقعدت نص ساعة إجتني الفتورة 18 دينار علماً اني طلبت 2 عصير بس!.. يعني هو إجمالاً كويس بس ماخدين بحادلهم مقلب بالسعر.

دي سلفا اخر مكان زرته وسمعت عنو من خلال جيران وشفت اللي مكتوب عليه وحبيت ازور دي سلفا ، عنده قعده داخليه فيها احواض سمك كبيرة والطاولات فيها احواض سمك ، في تراس برا قعدته بتجنن فيها نوافير مي وجو وهوا بجنن وموسيقى واشجار بتخلي الواحد يرتاح نفسيا ، العصائر والاراجيل والاكل رائع جدا ، والخدمه ممتازة والموظفين رائعين ، الاسعار عاديه جدا ومتوسطة والنظافه ممتازة وفي فاليه ،، بتمنى الجميع يجرب هالمكان

ديسلفا محل كثير نظيف ومرتب وعندوا منيو منوع الاكل طيب خاصة السلطة والبيتزا ومشروبات كثير طيبه والارجيل بتجنن عندوا

ديكور المحل بياخذ العقل ترس صيفي الحديقة بتجنن كثير منعشة فيها شالات ماء ونافورة ماء والصالة الداخلية عبارة عن طاولات احواض السمك

موظفين بشوشين خدمتهم ميه مية فيو نت وايرليس وخدمة اصطفاف السيارات اسعاروا مناسبه مافيو مشروبات كحولية

زبائن كثير مرتبين اجواء رايقة وموسيقى هادية.

العقدة كثير رايقة خاصه بالحديقة بره صوت شالات ماء ونافورة كثير حلو الخضار الضاءة كلها شموع مكان فيو رومانسية كثير بيعقد الاكل طيب وملك تشك عندهم طيب الارجيل ممتازة موظفين استقبالهم حلو وخدمتهم ممتازة

احلى شيء العقدة برة مريحة والواحد بنسى حالو هناك بسترخي ميوزيك هادي اخر اليل بحطوا الاغاني الطربية بتجنن

فيو وايرليس نت وفي فالية واحلى شيء فيو نافورة شوكلاة طيبة كثير قعدة الدخلية برضو ستايلها حلووو كلها احواض سمك الاسعار مناسبه لفخامة المحل والخدمات يلي بقدموئها

من اجمل المطاعم والكوفي شوب يلي موجودة بمنطقة جبل عمان

خدمة كثير ممتازة واكلوا طيب كثير ومشروباته متنوعة وكل فترة بغيروا شيء بالاكل والمشروبات ارجيلتوا بتجنن كثيرررر

قعدة الترس عندوا بالصيف بتجنن يعنى مكان شغل عائلات من الاخر

الحلو فيو مكان مرتب وهادي وزباينوا هاي كلاس والحلو كمان مابقدم مشروبات كحولية زي المطاعم الفخمة الثانية ..

اسعاروا كثير مقبولة بالنسبة للخدمة يلي بقدمها وعندهم خدمة الاصطفاف والانترنت .

مطعم ناجح بكل المقايس بتمنى يحافظوا على مستواهم بنصح يلي ماجرابوا يجربواااا .

دي سيلفا من اجمل واروع الاماكن الي بعمان، انا شخصيا بحبه كتير وبنصح الكل يجربه

ديكوراته كتير حلوة وفكرة الاسماك جديده ومميزة وفي اكتر من قعدة وكمان قعدة الترس الخارجيه انا كتير بحبها بالصيف

بالنسبة للاكل جربت اكتر من شي كله كان كتير طيب والمشروبات كمان كتير زابطة

الخدمة اكتر من ممتازة يعني من الاخر ادارة المكان جيده لانه من اول ما تفوت بتلاقي حدا يستقبلك وبيسالك كم شخص ووين بتحب تقعد وبتعامله بطريقه احترافيه وكتير مهذبين، انا من النوع الي بس اطلب من المينيو بضل اسال عن الاطباق ففي اماكن بتضايقو اما همي على العكس تماما بيساعدوني وهمي مبتسمين :)

حد علمي انهم بيعملو سهرات في ايام معينه من الاسبوع حسب ما سمعت بس ما جربت

النظافة ممتازة

الأسعار نوعا ما غاليه بس بصراحه بستاهل يعني الواحد بيدفع وهو مبسوط

بنصح اي حدا ما جربه يجربه

اتوقع عندهم خدمة اصطفاف سيارات مو متاكده لاني دايما بصف لحالي

من احلى الكافيهات بعمان و الاستقبال حلو و لطيف و الاكل عنده حكااااااااااااااااية ،،اول مرة بروحه بس مش اخر مرة اكيد

اسعاره نوعا ما مرتفعة بس بستاهل :)

من اروع الاماكن اللي زرتها .... المكان هادئ كتييييير ... الديكورات رائعة وفكرة المكتبة اللي فيه فكرة مميزة خاصة انه المكان هادئ فبيمنحك الهدوء دافع للقراءة والتركيز اكثر

اما بالنسبة للخدمات المقدمة من قبلهم خدمة ممتازة ... متعاونيين لأبعد حد ومبتسمين دائماً

في مثل هذا التاريخ من سنة قمت بزيارة هذا المكان للاحتفال بيوم خطوبتي .... وكان اختيار موفق جداً

من اروع الاماكن التي يمكن زيارتها في عمان تجربه رائعه من ناجيه المكان الاكل القعدات السيرفس الديكورات وكل شي

a great place great decor ,, personally I enjoyed the indoor tables there is an aquarium at each table technically the tables are the aquariums , the service is great ,the music is classy, the food is very well presented and professionally made , drinks are also exquisite ,I strongly advise everyone to try it once ,its extraordinary.

من افضل الاماكن بعمان و افضل المحلات بشارع الرينبو ارجيل مكان هادي موسيقى جميل خدمات ممتازة اكل لذيذ وبشهي من السلطات و الماكولات و القهوة و المشروبات ممتازة بشكل رائع انصح الجميع بزيارتو لانو من افضل الامكان اللي بتحس فيها بهدوء و اجواء دافئة ومكان حلو و مرتب و بتحس انك بشي من الخيال بالهدوء و الساحة الخارجية تتمتع فيها بالجمال اجمالا انصح الجميع بزيارته و التمتع بالجلسات و القعدات الحلوة علاء

احلى كافي عنجد احلى قعدة الخضار و السمك جد واااو .....و في فاليت و الخدمة ممتازة الاكل ممتاز المشروبات ممتاز برضو احلى من هيك قعدة جد مافي ...كل شي منيح كل شي جد لا تعليق

انعزمت مرة فيه كتير روعة المكان وأكلو كتير زاكي وقعداتو كتير رايقة،والخدمات فيه كتير سريعة وممتازة

الى الامام ومع الابداع والسهرات الرمضانيه الجميله

والارجيل رهيبه تابعو على نفس المستوى