Darabuka

Love the decorations. The decoration of the ceiling on the upper terrace is amazing. It reminds me of 1001 nights, vintage, rustic... very authentic. The view is stunning. Comfortable seating.

Food not bad. While the SAJ and pizza were good, the noodles were super salty.

Hubbly Bubbly (Argeeleh) very good. I loved it.

Service: very slow. MY GOD.... It took them more than 40 minutes to bring in the order and when they did, we asked where are the drinks? The waiter re-appeared and said: Can you repeat the beverage order again?!!!!!

If they work on their service and pay a little attention to their food, wonderful place.

امبارح عزمت صاحبيتي كنت نسيت انو مافي مطرب الا الأربعاء والخميس..

الأجواء شوي مملة لانو أغاني دمار p:

وكمان مو عجقة زي بالعادة..

بس معاملتهم كتير بتعجبني..

بحس حالي يالبيت لو الطاولات شوي تبعد عن بعض

ومع انو طلبنا فوتوتشيني وبطاطا وأجنحة حارة غير الكفر شارج 3 عالشخص.. والمشاريب والمي والأراجيل

كلو ماكلفنا 50د !!!

بيعجبني طلباتهم ما بتطول .. والجرسونات بشوشين

بس حسيت بالآخر صار مقهي

دايقني قعدتو لانو كتيييييييير لزق لدرجة اني حسيت الطاولة كتير راصيتني..

وكمان الطابق الي فوق درج كتار وغلبة ازا بتروح الحمام.. والسقف قريب وعجقة..

انا رحتو يوم الخميس وفي كفر شارج 3JD للشخص.. لانو في مطرب ويوم الاربعاء كمان

المطرب بيجنن عنجد دمو خفيف وصوتو حلو وبينقي الاغاني اللابقتلو .. بس بيغني عالطلب ازا حاب تسمع غنية معينة.. وقامو بنات رقصوا .. بس مو انو عالم مو محترمة

كلهم بيرحبوا فيك وبيحسسك انك في بيتهم

طلبنا كزينو كوكتيل عجبني الاسم.. طلع عادي كوكتيل وقطع بس زاكي

وأرجيلتو زاكية وخفيفة

إتشجعت أروح على دربكه بعد ما شفتو في جيران، لإني مش من الناس المغامرين، يعني إتروح عشان تغير جو ويجو ينكدو على أهلك !!

رحت على دربكه على ال-11 صباحا الأربعاء الماضي ، الصفه بحكم الوقت كانت متوفرة لإن ما كان حدا بالشارع لسه.

المكان بوخد العقل، قعدت على الطابق الثاني وكان المنظر ساحر على وسط البلد وجبل عمان والهوا برد الروح.

طلبت قهوه امريكيه، مو هالشئ الكبير إلي ممكن أحكم على محل في بس كانت طيبه، شوي إتأخر بس إنو عادي.

الطاولة اللي بجانبي طلبت فطور، كان شكلو مبين إنو زكي و الريحة بتجنن، ما حاولت كتير أدقق بلاش أحسد الجماعة ويتشردقو ويروحو فيها، فاختصرت . :)) :p

الشباب هناك محترمين وانبسطت كتير والله وأكيد برجع أعيدها ان شاء لله .

دفعت حوالي 3.5 دينار لإنو في ضريبه وفي ١٠٪ خدمه (سياحي) وعشان هيك 4 نجوم لإنو أسعارو غاليه شوي، بس بضل مكان غير شكل.

اطيب فطور واطيب اومليت واطيب مناقيش بحياتي بدوئهم كان فطور خيالي بالنسبه الي يعني بدينا النهار بهيك طلة من فوق جبل عمان والمنظر مع فنجان القهوه كان شي خرافي والمنيو كان منوع كتير وفي تشويسيز كتير والديكور مريح كتير خصوصا قعدة التراس بالطابق التاني والموسيقي اكيد متناسبه مع الوقت وفي مكان قدام المحل تصف السياره بالنسبه الي انا ماعرفت اوصل لانو مابعرف عمان منيح بس الحمدلله وصلنا وكان المكان فوق ماتوقعت صراحه والموظفين بشوشين وخدومين وسريعين وبنصحكم تجربوا وتستمتعوا بالجو متلي انا واهلي

انا صرت من رواد دربة كافية. و عم بقيمه ب 5 نجم لانه بستاهل كل نجمة.

المحل موجود باخر شارع الرينبو، في طابقين الاول قعدة شتوية مطلة و دافئة، و الطابق الاخير الترس اللي بطل على بيوت عمان القديمة و البلد و جبل القلعة، حلو صيف و شتاء.

الديكور رهيب و ملفت للنظر. جربت اكله كتير طيب و الحلويات بانواعه مثل Nutella Crip و apple pie و brownie و غيرهم. ارجيلته زاكية كتيير.

المنيو عندهم منوع عندهم مشروبات غريبة و طيبة.

الخدمة عندهم سريعة الى حد ما يعني حسب عجقة المحل، و اسعاره متوسطة الى جيدة.

بنفع لاعياد الميلاد انا حضرت في عيد لصاحبي.

في ايام بيجي مطرب و بعزف على العود.

One of My Best Restaurants in Jordan, the shisha is More Than Great , So As The Food, The Service Perfectly Perfect ,, And The Place Too, and The More Attractive Thing Is The View Advice You To Visit It

الطلة رائعة، بس المشكلة انه الطاولات عليها شراشف جد وسسخة، كلها بواقي اكل و خبايص اشي بيقلعط، بعدين ما بعرف ليش بيضيفو بوشار اول ما تقعد!! انه زي الي بيحطولك على الفاتورة غصب عنك طلب زيادة انت مشمضطرله، بس طلته مش بطالة، مش هالديكور الفظيع، ماشي حاله، اغلبيته كوبلز

هاد الكافيه الو طلة كتير حلوة على وسط البلد و جبال عمان و بتكون اوضح في الصيف على تراس الكافيه،و طبعا بتسم بالطابع القديم و الديكور الانتيك و فيه صور كتير حلوة لعمان القديمة، مكان حلو وهادي للناس اللي بحبو يأرجلو او يشربو شي ساخن او بارد مشان الاكل عندو بدون تنويع و البيتزا مو كتير بزبطوها ، بس لأعدة رايقة بنصح كتير ناس يروحو عليه :)

جربت عنده أصناف كتير متل الازانيا والمعكرونات بأنواعها كانت ـكتر من رائعه........والشوربات طعمها خيالي المطعم كتير مرتب وأجوائه مريحه ونظافته والخدمو اكتر من رائعين والمصفات متوفره

القعدة كتير حلوة، بس للأسف ما لئيت الخدمة و الاكل متناسبين مع اسعارو، انو ما رحت هناك مشان اكل كبة من نبيل او سبرنغ رولز نبيل بمطعم مصنف انو سياحي، غير عن الجرسين غير الاردنيين الي ما يتناسبو مع الفكرة الفلكلورية الي بعبر عنها المكان

أحلى دربكه والله :]

كتير حلو وقعدتو رهيبه على التراس بالصيييف وأرجيلته زاكيه ...

نصيحه، من ال 10 - 12 صباحا بعمل فطور مناقيش و جبنه وحمص ممممم كتير زاكي :)))

وأحلى شي لما يجي التمساح ويغني ويعزف ويطبل جو كتير رهيب بصير.

ااكتر من رائع

خدمة منيحة والجرسونات مؤدبين

االاكل زاكي والخيارات متنوعة

االسعر شوي غالي