Dana Nature Reserve

محمية ضانا من المحلات الي ممكن اروح عليها الف مرة وما ازهق. عنجد مكان بجنن . انا من الناس الي بحب الطبيعة كتير . اخر مرة رحتها كانت من سنتين . المحمية موجودة بمنطقة شوي بعيدة عن المدينة . وطبعا لطبيعة هيك اماكن احسن تكون ابعد وابعد. اول ما بتفوت في مكان لاستقبال الزوار ومكان لبيع التحف ومرافق صحية . الطريق لداخل المحمية شوي طويل وكله نزول صعب لكن في بكبات عشان تاخد الي الزوار لتحت على المحمية . اول ما توصل في مكان للاستراحة خيمة كبيرة وخيم صغيرة للي بحب يخيم هناك . انا ما صحلي اجرب اخيم مع اني بتوقع المنظر رح يكون بجنن خاصة وانه ضانة مطلة على جبال رم .

في 3 طرق للمشي بضانا فيها ممكن تتعرف على الطبيعة الرائعة الى حوليك بتتفاوت بالطول . نحنا الطريق الي اخترناه كان بمر بكهوف ومغارات وعن جد كتير حلو بس ما كان كتير طويل .

ما بذكر بالظبط اديش دفعا بس ما كان كتير . الي بحب الطبيعة ما الكم الا ضانا