Cafe Najjar

قمت بزيارة بن نجار من حيث لخدمة جيدة جدا ومن حيث المكان رائع والجلسة كاتن جيدة ومن الموقع جيد وسهل الوصول اليه ولكن بالنسبة للسعر مرتفع جدا وقمت بحضور مبارات الريال وبروسيا دورتموند وقام بوضع كفر شارج ولم نطلب سوى الارجيلى كنا شخصين ومياه وكانت الفاتورة مرتفعة جدا.

انا جربت هادا الكافيه للمره التانيه بعد سنه من تجربتي الاولى والتجربه كانت جيده .. انا رحت مع الاصدقاء لهناك وكنا حاجزين من قبل ما نوصل .. فعلا كانوا ملتزمين منيح ومجهزيلنا المكان الطاولات عجبتني الخدمه كتير كتير .. كانوا مهتمين فينا جدا ومنظمين والموظفين هناك كانوا اكتر من رائعين ..

بالنسبه للمشروبات انا جربت عصير كيوي كان نوعا ما منيح بعطيه ٧ من ١٠ .. وطلبت كمان تشكن سيزر سلاد كانت عباره عن خس مقطع واكمن قطعة جاج مشوية وبرشة جبنه مع صوص .. السلطه بعطيها ٦ من ١٠ يعني لو كان عليها شوية حامض ولو كانوا مكترين قطع الجاج كانت رح تطلع افضل .. اسعاره اغلى من غيرهم يعني العصير ٢.٧٥ دينار والسلطه ب٤.٧٥ ومع السيرفس والمي بتدفعلك ١٠ دنانير او اكتر شوي !

عندهم اماكن للاصطفاف وعندهم فاليه ..

بالنسبه للحمامات كانت نظيفة بس الاضاءة كتير خافته يا ريت يحسنوها شوي

بالنسبه للاراجيل انا ما بأرجل بس اصدقائي كلهم حكوا عنها منيحه كتير عندهم

I went there with a fairly large group of friends earlier today, it was a bit cold so we sat in the closed indoor area, the hookah was pretty good I tried the lemon and mint flavor and it was perfect, the atmosphere is generally okay but we had a great time, they have two menus one that you'll find in every cafe (general stuff, cold and hot drinks and hookah and stuff) and one specially for Kabab, the place is very clean, also good service, they have valet parking, prices are not very expensive but a bit high. Recommended.

من أحلى الكافيهات بشارع مكة, قعدته رايقة والقهوة والكابتشينو زاكي عندهم! أنا عملت عيد ميلادي فيه وكتير كانو لطيفين بالتعامل وسريعين. عنده خدمة فاليه وأسعاره متوسطة

مكان موقع مميز جميل قعدتو بالطابق التاني هاديه و جميلة بأيام نهاية الأسبوع عجقه و خنقه بفقد رونقه المحل غالي أزكى شي أرجيلتو صراحة غالبية المشروبات عندو مش كتييير بأستثناء القهوة التركية جدا طيبة بنفع شغلة الواحد بس يضربلو نفس أرجيلة أما جلسة أو سهرة عائلية مو كتير مناسب و ما بترتاح بالقعده كتير

تجربتين:

الأولى غير ناجحة لأني طلبت قطعة براوني (قديمة وناشفة كتير) وكاسة عصير مانجا (أظنها مكرتنة من النخب الثالث أو خربانة ما بعرف). وللأسف راحوا كب.

والتجربة الثانية كانت ناجحة بامتياز لأني طلبت كاسة شاي، وما خيبت الظن. في حين أختي اشتكت من القهوة.

مو موفقين باختيار المواد، توقعته أحسن بكتير، وعليه أن يتحسن لأن موقعه خرافي.

نجار كافيه الموجود باول شارع مكة مكان رايق قعدته مريحة جدا, هو بتكون من طابقين, عنده قعدة داخلية على كنبيات وخارجية على كراسي. انا بفضل الطابق الثاني

المحل عنده منيو متنوع بقدم ماكولات ومشاريب لذيذة

ارجيلته ممتازة, اسعاره متوسطة او اكثر شوي, الخدمة ممتازة والشباب سريعين وخدومين

عنده خدمة الفاليه, ايام الخميس الى السبت يفضل الحجز المسبق لانه بكون عجقة المحل

رحتو قبل اسبوعين ، وبصراحة من اسوء التجارب اللي مريتها بحياتي: 

السعر: فوق المتوسط او غالي

المشروبات: الكميات قليلة كتير و بتقدر تحكي عينات، العصير كان سخن

الاكل: سيئ، طلبنا سلطة بس ما كان فيها كل المحتويات اللي بالمنيو. وطلبنا منقوشة جبنة كانت مغرقة زيت

الارجيلة: جيدة 

المكان: ضيق نوعا ما ولكن القعدة على السطح كتير حلوة

طلبات اجبارية: نعم، ١ ماء * ١.٣٥ د لكل شخص !

لما طلبنا الحساب قعدو ١٥ -٢٠ دقيقة لمل جابو.

الملخص المحل سيئ جدا مع انو المكان استراتيجي و الامكانيات بتسمحلو يكون احسن

 

قعده رايقه. .خفيفه دم..مافي عجقه و في مصفات. بس مشكله الخدمه هاي بكل مطاعم عمان موجوده عندهم..بدك تنتحر وانت بتحاول تنادي عالجرسون

المحل جيد بجميع المقاييس من الارجيلة للاسعار و القهوة و الموقع المميز المطل و مصفات السيارات و الهدوء بمعظم الاوقات ولكنه جميل خلال الصيف فقط ولا يمكن ان اتخيل اني اروحه بايام البرد لانه الصاله الداخلية مو مريحة متل الترس الخارجي

بالنسبه للمكان: مريح كثير، في صالة خارجية و داخلية (بفضل الخارجية) و خاصة الطابق الثاني منهاز

بالنسبة للأكل و اللأراجيل: الأكل عادي بس الأراجيل ممتازة.

بالنسبة للأسعار: مش غالي ولا رخيص .... يعني أسعاره منيحة بالمقارنة مع باقي المحلات

من الأخر : اذا صحلكم يوم... بنصحكم اتروحوا عليه لأنة رح تنبسطو =)

المكان مرتب و هادي و الخدمة منيحة القعدة حلوة صبح و مسا يعني اذا حابب تطلع تشرب قهوة الصبح على رواء فهو احسن مكان :) و مريحة مافي ناس مزعجين كلو ناس مرتبة اكيد احسن شي تطلبو القهوة بأنواعها لانو مختص فيها، الاسعار عادية و متوفر مصفات

قعدته حلوة و رايقة، الخدمة جيدة و الاسعار عادية وفي خدمة الاصطفاف

المكااان رهييييب ،المقر تبعنا ، الارجيله تبعتوا نضيفه ، والمكان رايق ومرتب ، ما في ناس توجع الراس ، الخدمه تبعتهم رهيبه ، حتى صحاب المحل بكونوا موجودين مرات ، وتعاملهم رهييييييييب

الوصول القريب الى كافيه النجار يجعله مميز حيث يستصعب البعض الوصول الى أماكن بعيدة فترة السحور.أكلاته الخفيفة والمميزة جعلت المكان يتميز هذا بالاضافة الى جلساته الهادئة

المحل جيد والئعدةةةةةةة كتييير حلوه خاصة في الترس الفوق ، بس المشكلة الخدمة كتييير بطيئة ، راس الارجيلة صغير ما بتلحق كمن نفس ونو خالص ، بس القهوة كتيير طيبة

مرتب كتير اسعاروا مش رخيصه بالمره برضو مش كتير كتير غاليه ماشي حالها بس السيرفيس وهاي الاشياء شوي كتيره صراحه احسن اشي عندو باركينج بتصف سيارتك وبتريح راسك ويا سلام .

روحت عليه مررره المكان حلو وهادي والئعده رااايئه كتيرررررر بس مشكلتوا انو الطلبات بتطووول يعني احنا طلبنا أشياء نشربها مش طبخة منسف كتير تأخر الطلب بس المكان نظيف وفي خدمة الاصطفاف واسعاره غاليه متل غيره

ما عليه حكي ... اسعاره عاديه ... القهوة ممتازة ... الارجيلة الأرجيله عظيمة مع العيلة ..... الخدمة ممتازة المكان نظيف عظيم المكان بتمنى الكل يزوره

المحل من الاخر هادي و شغل اجتماعات عائلية و القهوة عنده الها طعم راااائع و الاراجيل معسل الفاخر والخدمة ممتازة و الاسعار عادية و في مواقف للسيارات