Bel Mondo Cafe

انا من الناس الي بحب البل موندو لابعد الدرجات لانه راقي وجيد جدا وبمنطقة انا بحبها ( ام ادينة تقريبا ).

اسعارهم عادية مو كتير ولا شوي بالنسبة لخدمتهم لانه بصراحة خدمتهم 5 نجوم.

الخدمة كتير سريعة والنظافة كتير مهتمين فيها والموظفين كتير مساعدين وبحبوا شغلهم ( اخر مرة رحت كانت الطاولة كتير وسخة لانه المكان عجقة وما في اماكن قدمولي قهوة مجاناً بعد ما نضفوها عشان قعدت وكانت وسخة )

الارجيلة رايقة وممتعة ومو زي اغلب الكوفيها هاي الايام صارت كتير تروح طعمها على شي تاني.

عندهم كل انواغ القهوة والاراجيل والمشروبات عامةً واسعارها عادية.

الديكور تبعوا بصراحة انا بحبه بس ما بحب القعدة الي جمب القزاز الخارجي لاني بحس حالي قاعد بالشارع.

عندهم قاليه وعندهم باركينج وهيك ما رح تتغلب بالصف بالمرة.

المكان حلو مرتب وديكور حلو و سريعيين بالخدمة وحلوة القعدة صيف و شتا المنيو منوع بالنسبة للمشروبات الساخنه كلها طيبة اما العصائر بس بفضل عصير برتقال او ليمون مرة جربت عصير الجزر كان عبارة عن ماء و برش جزر و صعب تشربه وبس خبرنا المسؤول اعتذر عن الخطا و طلب انوا نختار اي نوع عصير تاني بدل منها فمن وقتها ما بطلب الا برتقال او ليمون بالنسبة للحلويات طيبة و مرتبه و ساندويشات كمان و المصفات متوفرة و في خدمة valet parking والاسعار متل اسعار بقية كافيهات و مناسبة مع مستوى الجودة يعني عصير مع قطعة حلو بحدود 9 دنانير و بشكل عام جيد و بنصح فيه

بيل موندو من ارقى المحلات , كتير قعدتو حلوة و رايقة خصوصا برا عند الشباك

المحل كتير نظيف الخدمة شوي ببتاخر بس ما بتحس بالوقت و ما بتنزعج حتى لو تأخرو لانه المكان هادي و رايق

في فاليه ما بتتغلب بسيارتك و المحل على شارع رئيسي ما بتوه

انا برتاح وانا قاعده فيه الناس الي بتجيه ناس راقيه و كتير في ناس كبار بالسن و عائلات

كتير بنصح بتجربته ..

هاد المكان حلو وهادي ومريح وكتير كبير وخدمته ممتازه وقعدته كتير حلوه في الصيف والاغاني كتير رايقه, بس أسعاره غاليه شوي

انا جربت المكان الجمعه الصبح ......ما كان في فطور بس مناقيش .....بس الساندوش عندو كثير زاكي

القعدة حلوة والارجيلة زاكية ................المكان كثير نظيف بس الخدمه بطيئه شوي .....المشكلة انو ما كان انو كان شوب وما شغلو المكيف حتى بالصالة الداخلية ...اسعارة مقارنة بتناسب الاكل والمكان ومقارنة باماكن ثانية فهي عادية

بس انا انبسط كثير فيه مع الناس الي بحبهم

صراحه حلو وكبير وقعدته حلوه مرات صحيح البويات او الجرسون مرات يكون مبسوط بوجهك مرات يكون زعلان بس المطعم لي فيه ذكريات كثيره برمضان يجيب هذوله الدراويس اللي بظلوا يلفوا حول نفسهم ويغنوا لوديع الصافي واغاني تراث بجنن بتجنن والقعده حلوه احلى شي برمضان وبوفيه حلويات وارجيله بتجنن بيل موندوا مو غالي حتى الغدا يوم رحت وجربته غدا عنده صحن واحد سعره 25 ليره سالاط ولحوم وبطاطا وكثير ششغلات هو الصحن ينزل يعبي الطاوله بمكوناته والاشياء اللي معو بس زاكي (( هو المعدل الاسعار ما بين 7 لعشره كقهوه )) وهو كان بهالحوالي

من أحلى القعدات بعمان..بس في أكم مشكله..إذا بتروح مع شباب. الجرسون بصير يحكي معك من طرف مناخيرو..وإذا بتروح مع عائله أو بنات بصير زوق و بخفف دمه..والمشكله التانيه.مره طلع الشيف من المطبخ أنا انصدمت من منظره كله مدقدق إيديه كلهم تاتووز مقرف من يومها بطلت أطلب أكل عندهم بس بشرب قهوه

انا بحب هاد المكان

نظام و ترتيب والخدمة و كل شي رائع فيه

عندهم تنويع بكل شي و جلسته رائعة

ارجيلته ممتازه

بيل موندو هو مكان عائلي جدا جميل مع العائلة معظم الاشخاص التي تدخله كبار بالعمر و هو هادء جدا يعتبر كلاسيكي و اسعاره غالية نوعا ما اراجيله مش قوية و يقتطع تقريبا مبلغ دينار او نصف دينار تبرعات اجبارية لمستشفى الحسين

بصراحة مكان راقي ، الخدمة ممتازة

لكن الأسعار شوي غالية ، بالمقابل ما بتشوف هناك ناس جايه تتولدن وتتمسخر .. القعدة عائلية ورايقة جدا

بس اراجيلهم سيئة !

I know its popular! i just don't like it!

the place is very close to my home so i decided to give it a try since its so popular as i noticed. However the place is so boring! The people sitting around are mostly over 35 years old.

My problem with Bel Mondo is the fact that in my opinion it lacks uniqueness!

Well first lets start with the store itself the decor isn't bad per say, but I don't find it inviting like other coffee houses I have been in, People smoke sheehsa all over the place which makes it hard to breath!

Okay, some could say I am a pretentious coffee snob, up to a certain point I say sure I am, but it’s not the fact that they have nothing to offer it’s that what they do offer is not what they claim it is, their cappuccino is simply powder and hot water, you can get the stuff at many convenience stores these days. This drink can still be enjoyable but calling it cappuccino when it is far from what you would get in a real coffee house is just wrong in my book.

مكان جدا جميل ، مناسب لتحضر مباراة بمكان مريح

مع انه في اراجيل بس بتحسش بريحتها وهاد اشي عجبني كثير

المشروبات انا عجبتني القهوة واللمون مع النعنع اكثر شي

بالنسبة للأكل ما اله دخل بنصحش حد بده يوكل يروح هناك

مناسب لإجتماعات العمل واعياد الميلاد كثير

بيلموندو خلف شركتي بالزبط يعني بس بنزل درج بصير فيه

كتير مكان حلو ومرتب بس ما بعرف ليش ما حبيته يمكن حسيته للفئة العمريه الاكبر من عمر الشباب بس هو حلو

قعدته كبيره ومريحه

المحل نظيف

ادارته كويسه

الموظفين نشيطين

اكلت فيه ستيك كان كتير زاكي

اسعاره شوي غالي

في عنده ساحه مواقف سيارات

انا زرته انا وصديقتي في رمضان وكان مليان وجلسته كتير حلوه والاجواء الرمضانيه كانت بتجنن وخدمته ممتازه والارجيله كتير زاكيه والعصير روعه حتى انه موقعه ممتاز وخدمه الاصطفاف ممتازه واسعاره جيده فلما انزوره بتشعر بارتياح

كوفي شوب جيد ..عنده اطلالة مميزة خاصة وانه موقعه مرتفع .. نوعية طعام جيدة بها خصوصاً وانه مش مطعم والخدمة بطيئة نوعاً ما والاسعار غالية شوي مع الخدمات التي يوفرها، لايوجد اماكن لركن السيارة ولكن هناك خدمة الفاليه.. ستنتظر على الاقل 5 دقائق لاستلام سيارتك وخروجك من الشارع المزدحم سيستغرق على الاقل من 5 الى 10 دقائق ...اجمالا مكان لطيف ونظيف يفضل الذهاب اليه مع مجموعة من الاصدقاء ويفضل ان تذهبوا بسيارة واحدة او اثنين ان امكن للتقليل من زمن انتظار الفاليهّ!

بيل موندو كتير حبيته .. كبير وديكوره حلو ..

ارجيلته مميزة ..

تعاملهم كتير لطيف ومزوقين كتير ..

الله يوفقهم :)

كوفي شوب بقمة الرقي بالذوق العام وبالتعامل المحترم وبأشهى المأكولات بنصحكم بزيارتو لانو القعده فيه لاتنسى من الجلسات المطله على الخارج او من الجلسات الداخليه وديكور مريح للعينين والنفسيه

الكافيه كتير مرتب وقعدته مرتبه

واسع والطاولات بعيدة عن بعضها

الخدمة في ممتازة والارجيلة كتيييييييييييييييييييييير زاكية ( الليمون بالنعنع )

ونظافة المحل ممتازة

موقعه واضح وفي مواقف للسيارات

واسعاره معتدلة

بنصح الكل يزوره

وفي رمضان بعملوا سهرات كتير حلوة مغني وهيك

قعدته كتير حلوة و مشروباته تمام بس اسعاره بالنسبه للي بيشبه مرتفعه شوي

على كل حال مرتب و ناوي اروح كمان مرة

مكان جدا راقي و هادي و الخدمات ممتازة جدا و لديه مواقف سيارات

و المكان واسع ..................... و في رمضان في سهرات كتير حلوة

و بنصح الكل اجربوا ................ لانو كتير مرتب و اطلالة على ترس كتير حلوة و اسعار مناسبة

و بتمنى من الكل اجربو و ما رح يخسر