Ballouta Shoes

بلوطة كنت أزوره من لما كان بصويلح وكانت بتعجبني بضاعته من حيث إنه شكلها مختلف عن اللي بالسوق، أتوقع هوي بيستورد بضاعة إله وما بيشتري من مستورد. الأسعار مرتفعة شوي بالنسبة لبضاعة صينية وسط. متل معظم محلات عمّان اللي مش شركات عالمية ما بتوقع بيقبلوا التبديل. في شغلى دايقتني وفاجأتني، إنه عجبني جزدان وكنت بدي إشتريه، فالزلمة نزّلي المعروض، اللي ألف وحدة ماسكته والغبرة أكلت وشربت عليه يمكن، طبعا ما اشتريته، هوي خبرني إنّه ما عندهم إلا قطعة قطعة، هل معقول القطعة اللي بتنباع ما في غيرها؟ أو إذا بدي إشتري اتنين ما في مثلاً؟ إذا ما في إلا قطعة قطعة ففي خلل هون. الزبونة دائما بتفكر إنّه شو الله جابرها تدفع حق شغلة ألف وحدة مسكتها قبلها؟ بشكل عام بنصحكم تزوروه، لأنه بضاعته مختلفة، مختلفة عن المحلات العادية ومختلفة عن البراندز كمان.