Alsahel Alakhdar

المحل كتير نضيف والكنافة عندو منيحة وزاكية بس فيها دهن كتير

والسعر مو غالي بس بالعموم المحل جييييييييييييييد

والله انا ما عجبني اكلت من عندهم عيش سرايا وطلع طعمها سيء جداً

بس نظافة ممتازة

قوالب الكيك سيء جدا طعمها

كنافة السهل الاخضر بحسها أزكى كنافه في عمان .. طبعا المحل بقدم جميع أنواع الحلويات من كيك و كنافه و حلو .. الكنافه عندو كتير زاكيه أنا كل ما بجي على بالي كنافه بروح باكل من عندو ، فيو قعده داخليه و خارجيه بالصيف بس و صعب شوي أنو تلاقي مصف لأنو الحسين كلو أصلا أزمه بس ممكن أنو تلاقي مصف ..

السهل الاخضر اسم رائع لكن الفرع اللي في جبل الحسين اصبح الكيك عنده مش زاكي و بتحسه كانه قديم بس بالحليوات التانية زي الوربات زاكي و بين نارين كمان زاكية و كنت احب البوظة من عنده بالشتا، النظافة ما عليها كلام طبعا و اسعاره تمام

مميز جدا بالكنافة والوربات وانا صراحة ما بحب اكلها الا من عندو لانها جد مميزة وما في منها بكل عمان بس الكيك عندهم مو كتير بيكون بايت وناشف وغير هيك ما بنصحكم تاكلو جوا لانو في نسبة منيحة من النمل الطيار والنضافة مو كتير

من الاماكن المرتبة والحلويات عنده طيبة وخصوصا بين نارين ، بس مشكلته انه كل فرع عنده مختلف عن الثاني من ناحية الجودة

جودة الطعام والنظافة: جيدة جدا

الأسعار: عادية كتسعيرة باقي محلات الحلويات

أنواع الأطعمة : حلويات شرقية - كنافة - مشكل- جاتو - بيتفور

هل يقدم أفكار فنية ومبتكرة في صنع الحلويات؟: يقوم بتغليف الحلويات في عبوات جميلة مختلفة.. وتوجد عنده كنافة مفرزة للسفر

يلبي طلبيات الحفلات والمناسبات

تتوفر مصفات أمام المحل لكنها قليلة وربما تكون أغلب الوقت مشغولة

خدمة الزبائن والتعامل جيدة

توجد جلسات في داخل المحل وخارجه

انا جربت السهل الاخضر فرع الوحدات - الكنافة عنده زاكية و اسعاره مناسبة . المحل نظيف بس ما عندهم اماكن للاصطفاف .

كمان الحلويات المشكلة وخاصة عش البلبل زاكية عندة

السهل الاخضر معروف من زمان كتير

كان الوالد ياخدنا لعندو لما كنا صغار

الكنافة زاكية

بس زمان كانت ازكى

وكانو يعملوها بضمير

اما الكيك فوسط مش هالشي العظيم كتير

حلويات سهل اخضر كثير لذيذة و نظيفة

وباخص كنافة من عندو اشي بشهي و بيفتح نفس

و خدمة زبائن مقبولة و اسعار كثير مناسبة

وبنصحكم فيه

بنصح الجميع إنو إيجربه من عندو فعلاً مكان مميز. طبعاً أسعار مناسبه كتير و مو غاليه . مستوى علي من النضافه و أسلوب راقي بالتعامل مع الزبائن

كنافته الخشنة من فرع مجمع جبر دايماً جديدة وزاكية

أنا تجربتي مع فرع السهل الاخضر الذي يتخذ من جبل الحسين مقرا له، حلوياته زاكية ما عدا الكنافة، بحسها قديمة وبعيد تسخينها مرتين أو أكثر، مرة اشتريت من عنده قالب كيك كان روعة، لشدة لذته وبعدها اشتريت من عنده قوالب كيك بنكهات مختلفة بس كان طعمها الله لا يدوقكم، بشع للغاية، ما بعرف ليش؟! القعدة الخارجية عنده اللي ع الرصيف بتخليك تحس انك قاعد في الشارع، الكل بيطلع عليك وأنت تاكل وقية كنافة، لدرجة أنه بتكوموا عليك المتسولين كل واحد بيطلب حسنة، ساعتها بتزهق وبتحس بالذنب انك عم تتحلا وغيرك عم يشحد ويتقلا، واختصارا للمعاناة النفسية بتحط شلن بيد المتسولة وبتترك باقي الكنافة ع الطاولة وبتغادر الى غير رجعة زي ما عملت أنا.

بتعامل اكتر شي مع الفرع الي بشارع وادي صقرة وكتير بحبو

اكتر شي بحب اخد من عندو وربات بالجبنة او القشطة والي بشتغلو بالمحل كتير رايقين وبضحكوا مع الزبون بس بصراحة المحل القعدة فيه مو حلوة لانو عالشارع الرئيسي وتحت الشارع فكل الغبرة بتيجي عاللي قاعد

السهل الاخضر محل مش مميز للحلويات ، الكنافة والجاتو اللي ببيعها بتكون قديمة ، ومش زاكية ، الخدمة عنده ماشي حالها ، والسعر عنده عادي ، يعني بناسب الجميع (-:

عندو الحلويات كتييير رائعة وعمولة باحترافية وسمعتو معروفة بكل عمان

الخدمة عندو ممتازة وراقية والحلو اللي عندو كتيير زاكي ونظيف