Al Sarwat Restaurant

ماشالله دايما زحمه و كتير طيب من ساندويشات شاورما و مشاوي و اسعار المشاوي مقبوله

يقدم اكلات و المشاوي عندو طيبة جدا انا بنصحكم توكولو مشاوي عندو الكلام مو مثل التذوق

Despite their setup being crowded almost any time of the day and waiters being sometimes overwhelmed I still like this place for the grilled chicken they serve and the banana w/ milk cocktail! It's gonna be hard to find a parking so you better be prepared for some walking!

مطعم نظيف واكله زاكي ويبيع شاورما لحم ودجاج وعرايس وكبه وكباب عراقي واسعاره طبيعيه وعماله محترمين بس كتيير زحمه ومافي مكان صف لان موقعه عل الشارع العام كتيير مزدحم بس بنصح الناس تاكل منه يستحق التجربه

المطعم بالماضي كان افضل..اما الآن سي لأبعد الحدود من حيث جودة الطعام اقصد هنا الشاورما..ازمة خانقة وعدم نظام..بطىء في الخدمة..لا يوجد مكان للاصطفاف

تقرريباً يوم ورا يوم بشتري ساندويش شاورما من عندو

عنجد بحبو وبشتهيه كمان

بس اليوم جربو زملائي دجاجة مشوي عالفحم وكانو يقولو عنو زاكي كتييييييير

وكمان ساندويش كباب كمان كان زاكي

من الآخر كتير بنصحكم فيه

مطعم السروات كتيييييير بحب من عنده المشروبات الرمضانية (الليمون والخروب).. بروح عليه خصوصي عشان أجيبهم من هناك والإشي الوحيد اللي بغلبنا فيه الصفة بس بستاهل توصله خصوصي وتتغلب عشانه.. بحس الليمون من عنده فعلا طبيعي وزاكي والخروب على كيفي مش كتير تقيل وبشهي.. برأيي إنو أحسن مكان لخروب وليمون رمضان!!!

قمت بشراء القطايف منو ، المحل نظيف و أكله كله زاكي ، يوجد تنوع في قائمة الطلبات ن خدمة الزبائن جيدة جدا ، لديه خدمة السفري ، لا يوجد اماكن اصطفاف مخصصة.

مطعم رهيب .. أكله رائع !!

سيئاته بسيطة : 1- الموظفين شوي جامدين .. 2- مواقف قليلة 3- الروحة عليه برمضان ..

غير هيك كلو تمام

أحسن مطعم بالأردن!

أكله زاكي جدا

أسعاره ممتاااااااازة وبعتبره ارخص مطعم بعمان

الجودة ممتازة وما بتتغير

المشاوي عنده زاكية والدجاج عالفحم اشي خيالي

شاورما اللحمة مافي زيها خصوصا صحن الشاورما مع الحمص والطحينية

مطعم بكل هاي المواصفات طبيعي يكون ازمة وصعب تلاقي مكان وتستنى دور للطلبات

تعامل الموظفين رائع وبالهم طويل ومحترمين

انا لما اروج عندهم بشتري شاورما بالصمون العراقي كتيييييييير زاكية بس المشكلة انها ما بتشبع و مو كتير غالية بس ب 1 دينار، المحل مو منظم بالمرة و لما ينادو على الارقام بنادوها بصوت واطي و دائما ازمة و احتمال انو صفة السيارة بامان رح تكون 2% بس لانو مافي اماكن للوقوف

مطعم ممتاز... بس خذ أكلك وروح كل في البيت، دائما ازمة وضغط كبير... بس المشاوي والدجاج على الفحم والدجاج المشوي والسلطات كلو تمام وأسعارو ممتازة... العيب الرئيسي هو موضوع المواقف،صعب تلاقي عندو ف بتصف بعييد كثير

ازكى شي الفروج المشوي على الفحم ....... نصيحة

نظافة المحل تعتبر جيدة

التعامل محترم لاكن وقت الانتظار المسويات شوي طويل

الجو العام بالنسبة للعوائل يفضل طلب خارجي

مطعم السروات راااااااااااائع جدا واكله طيب خصوصا المشاوي والدجاج المشوي ، ومقبلاته ممتازة واسعاره مقارنة باي محل معقولة جدا ، المشكلة الوحيدة فيه هو مصف للسياراة بالاضافة الى حاجته الى تنظيم الكوادر العاملة فيه لكن بالمجمل المطعم ممتاز وانصح الجميع بتذوق مشاوي السروات

مطعم السروات عندي كتير حكي عليه بس الحسنات قبل السيئات.. هو كتير منيح وشغله نظيف.. الشاورما زاكية سواء كانت جاج ولا لحمة.. وبنصح الكل يجرب الشاورما بخبز الصمون مش بس العراقيين.. المشاوي عنده كتييير زاكية.. يعني اليوم يومك لو رجعت على البيت لقيت جاجتين حلوين هيك بالبيت مع كم حبة بصل من عنده يعني فخامة.. بالنسبة للسيئات مافي نظاااااااااام.. انا تقاتلت معهم أكثر من مرة على الدور.. المحل دائما أزمة في كل الأوقات... على الكاش قال ببدي الكبير على الصغير إذا هيك لبعد بكرا ما طلعنا من المحل.. العاملين كتير مناح بس مش كلهم.. في صراحة منهم بشتغلو هون وما دخلهم برضا الزبون إحنا بس أيدي عاملة يعني لا بضحك بوجهك ولا إلو دخل باخذ الوصل وهو محملك جميلة.. بالمناسبة بس تفوت جوا ما بتصدق وانت تطلع من الشوب والخنق.. كمان ما في مجال يا دوب ١% الأمل إنك تلاقي صفة.. الأسعار بشكل عام منيحة لا هي رخيصة ولا هي غالية كتير.. انا رضاي عن الأكل ممتاز بس عن المحل مش كتير.

Food quality is great, but the place is very crowded, espcially in ramadan it takes me more than an hour to get one grilled chicken, about the prices, I think its fairy! .. give it a try you might love it!

السروات جربته كتير

المطعم مو كتير فخم وانا شخصيا ما بحب قعدته!! هو يعتبر بالنسبه الي مطعم شعبي

بس الحق يقال الاكل عندهم كتير زاكي وفي تنوع

جربت عندهم المشاوي زاكيه اللحمه عندهم نظيفه، وفي الدجاج عالفحم كتيييير بحبه، ويا سلام على الشاورما بالخبز العراقي كمان زاكيه

بشكل عام

الاسعار كتير معتدله

جودة الاكل ممتازة

الخدمة كويسه

نظافته جيده

مش دايما بتلاقي مكان تصف سيارتك

مطعم بقدم تشكيلة من المأكولات وعندو أصناف كتيرة من الاكل ، بس بيشتهر بالمشاوي والفروج والشاورما ، واكتر اشي مشهور فيه الشاورما كتير زاكية خاصة بخبز الصمون العراقي .

الاسعر عادية مش غالي بس الخدمات كتير بطيئة عندهم يعني فرصة تاخد معك ارجيلة وتسحبلك نفس عبل ما تجهز طلبيتك !!!

ما فيه مصفات للسيارات وازمة كتير كونو جاي على دوار الواحة.

باختصار شديد مطعم جيد واكلو حلو جدا لكن المشكله في العمال وطريقة تعاملهم مع الزباين ولذلك نمنى من الجهات الموضفه للعمال التقيد بالمعامله الحسنه للزبائن وذلك لوجه المطعم وحسن سمعته لان العمال هم طرف اساسي في هذا الشيئ وشكرا

بصراحة بعد تجربتي السيئة معو، رجعت جربت مرة تانية ورضوخا لطلب الاصدقاء، المهم نسينا الماضي وجربناه مرة تانية الاكل كان طيب والخدمة كانت منيحة يعني احسن من قبل

بصراحة شعور جميل انو الواحد يجرب مكان كان سيء مرة تانية ممكن يكون احسن لا نفترض انو اسوء