AL Najmeeh Sweets

يعني بالنسبه للجوده مش دايما منيح ، مرات بتلاقي عندو الكنافة زاكية مرات بتحسها إلها 100 سنة بتتسخن

الأسعار بالنسبة لنوعية الكنافة سيئة ، بتوكل كنافه بدون مكسرات عادي

والكيك كمان مش دايما منيح

المشكل عندو زاكي بس :)

وبالنبة للدفع ما بتقدر تدفع بالفيزا مع انو المكينه موجودة بس منظر

هاد المكان انا كتير بحبه وكل ما يكون عندي مشوار هناك لازم اوقف عندو الحلويات كتير زاكيه بكل انواعها والايس كريم بشهي كتير والموظفين بشوشين واول ما تفوت بضيفوك قهوه ساده مع حبة حلو شي بجنن بحب البقلاوه والهريسه الشاميه من هاد المحل بعملوهم كأنك بسوريا عم تاكلهم بس الشي الوحيد يلي ما حبيتو موقع المحل جاي بعد الاشاره بالزبط ومافي موقف تصف السياره وشرطي السير دايما هناك بخالف يعني ازا بدك تنزل عالمحل بدك تعاني كتير وغير هيك حبيت كل شي

بحب الكنافة الناعمة الي بعملها،،من اطيب محلات الكنافة و الحلويات،،موقعه عند مثلث الجبل الشمالي مقابل الدفاع المدني و مطعم حمامة السلام و مطعم ابوسل،،المحل مرتب النظافة منيحة جيدة،، تعامل الموظفين جيد كمان في طابق التاني لقعدات عائلية،،بزبط بس مش كتيير كبيير

بسرعة بجهزو طلبك بغض النظر عن العدد الموجود داخل المحل لانهم بتعاملو بسرعة،،الاسعار كتيير منييحة بس اسؤ اشي في الموضوع انو شرطي سير دايما هناك ليل نهار كتييير صعب انك تلاقي مكان تصف فيه،،بس ازا كنت بدك تصف السيارة ،، انا بنصحك انك تمشي بعدو شوي بتقدر تصف و بتقدر تطلع طلعة صغيرة بعدو بتصف السيارة براحة :)