Al Jbaiha Amusement City

غير نظيف الاسعار سياحية ازمة فيها زعران مش شغل عائلات الالعاب ممتعة و متنوعة و لكن غير امنة برأي يجب عليهم هدم كل شيء واعادة بنائه ويجب عليهم تطوير المكان و توسيعه و اضافة العاب جديدة لانو حرام ها المكان الذي يعتبر من افضل مدن الالعاب في الاردن يضل زي ما هو

اول اشي حرام يسموها مكان للترفيه, لانو ما في ترفيه ابداً المكان كثير مكتظ بناس عشان تلعب لعبة بدك ساعة تستنى الدور و غيرك هيك بكون في الف واحد ملصق فيك في دور, المكان مليان زعران و طبعاً ما بنصح اي شخص يشتري مأكولات و مشروبات من هناك لانو النظافة 0,0001% و الأسعار غالية,

و اهم اشي لما تكون هناك ما بتحس حالك في الأردن , رح تحس حالك في الخليج; كل المكان لونو ابيض

و كمان شغلة هاد المكان مش خرج عائلات لانو صعب تتواجد انت و عيلتك هناك لانو وضع بشكل عام سيئ

للأسف أسوء مكان في عمان بصراحة عيب و الوضع فيها عيب جدا و هذا شيء بيعطي صورة سلبية جدا عن الأردن

أولا : المكان قذر جدا جدا جدا

ثانيا: الألعاب متهالكه ولا تصلح و بيوم من الأيام راح يحدث مصيبة كبرى

ثالثا: العاملين عليها هم من الشباب الزعران ليس لديهم أدنى خلفية عن التعامل مع الناس و الزوار و طريقة تصرفاتهم و حكيهم و حركاتهم بصراحة بتخزي كأنو الواحد مهم عايش قبل مليون سنة .

رابعا: الخدمات و الحمامات و المواقف . الخدمات متخلفة جدا و الحمامات مثل زرائب الأغنام و المواقف زي الزفت ( بتصف في الموقف المخصص لها و الأجرة 2 دينار !!!! طيب وين أصف المفروض الخدمة مجانية لأنو الزوار راح يصرفو بالداخل وهم قادمون فقط للمدينة !!! المهم أنة لا يوجد مدخل عد المواقف !!! مش عارف ليش ؟؟؟ و في باص كوستر معفن لا يصلح أبدا يأخذك للباب الرئيسي بعد الأنتظار ربع ساعة مشان الركاب)

خامسا : الواسطات و اللعب المجاني ؟؟؟ بعيني رأيتهم نعم أوراق مختومة مع نساء و أطفال للسماح لهم بالعب مجاناً - الفساد بعينه.

الطريف بالموضوع ما حصل معي ...

الأولاد يلعبون و أنا مجبر على ذلك .. المهم بصور فيهم و هم على اللعبة فيأتي شخص بدون أي ملابس رسمية أو هوية تدل على أنة موظف و شكلو أكثر من أزعر . بقولي : ممنوع التصوير !!! قلت له: غريب ليش ممنوع و مين حضرتك ؟؟ لم أرى يافطه مكتوب عليها ممنوع التصوير ؟؟ و بعدين نحنا فين ؟؟؟ في الصومال؟؟!!

المهم بجاوبني : ممنوع التصوير و بس ( و كانت السيجارة بيدة و القهوة كمان) . طبعاً أنا ما عجبني الحكي المتخلف و ناقشته فجاوبني : بقلك ممنوع التصوير و أنا خواتي راكبين فاهم مممممنوع . طبعاً لا خواته ولا غيرهم . بس أختصار للشر لأنو أزعر و حسيت باقي الزعران أنتبهو و أولادي معي أختصرت الموضوع لأنو صار يحكي : نحنا متخلفين فهمت ...!!! قلتلو : نعم نعم فهمت.

لماذا يجب أن يكون الظاهر العام لنا التخلف و عدم الحضارة ؟؟!!!

ثاني يوم العيد رحت عليها ، وبصراحة كنت خايف كثيير لأني قرات نصائح جيراني عليها ، ورحت شبه مجازفة ، بس هناك شفت انو الوضع جميل وحلو ، المكان في ناس كثيير واللعبة بتحتاج 20 دقيقة عشان تلعبها ، في ألعاب حبوة مثل الجبل الروسي وأبواللو وفي ألعاب زتخة كثيير زي الأشباح ، وعجبتني فكرة القطار اللي بلف بس من كثر الناس بطلوا يركبوا عليه ، الأسعار نوعاً ما غالية اللعبة بدينار ونص بس حلوة وممتعة ، النظافة عادية جداً ، بس نصيحة مهمة المكان لا يصلح للعائلات وخصوصاً لبنات لحالهن بيوم الأعياد لأنو ما راح يعجبهن الوضع أبداً ... المكان بالنسبة لشباب لحالهم ممتاز

للأسف من اسوأ الاماكن بعمان.. الألعاب قابله للسقوط بأي لحظه و اسعار غالية مقارنه بخدمه سيئة و غير مناسب للبنات ابدا

الجبيهة من اهم الاماكن الترفيهية بالاردن ويلي عادةا بتكون اول خيار ل النا ازا حبينا نروح على مدينة ملاهي لانو بالاردن قليل جدا ل تلاقي مدينة ترفيهية بمكان قريب والحلو فيها بتناسب الجميع كبار وصغار وهاد الشي نادر ل تلاقيه بباقي الاماكن الترفيهية بالاردن ,وفيها متل سوق صغير اغلب الاشيا يلي بتنباع فيه تحف واشياء كلاسيكية شغل هدايا , بس بنفس الوقت غير مناسبة للبنات بعد الساعة خمسة المسا بالايام العادية وبالاعياد ما بنصح اي بنت تدخلها وغير هيك سعر التزكرة لبعض الالعاب غالية نوعا ما وممكن توصل ل دينار ونص متل العروسة والجبل الروسي والسفينة .. الخ بس في العاب ب 75 قرش , الجبيهة الها مكانتها بالمجتمع الاردني ومعظمنا بيعتبرها الخيار الاول ازا حب على مدينة ملاهي لكن بباقي دول العالم الجبيهة تقيميها متدني جدا

انا بموت بشي إسمه الألعاب ..وخصيصاً مدينة جبيهه

كونها كانت المكان المفضل إلنا ونحن أطفال...

طبعاً بالرغم من إزدحامها بالصيف إلا إنه هي بتتميز بأنها مكان بيجمع الكبير والصغير...

الغني والفقير

والسائح وإبن البلد..

أسعارها رمزيه للغايه..

وبالصيف بس بتفتح..

راح أكون صريحة كتير ، مكان ما بنصح حد يروح عليه ، خصوصاً بل صيف، جاد مو مكان راقي، وأديم كتير ، و منو نضيف ، وكتير عجئة ، وخدمه يعني ما عندهم هدى الشي ، وأسعار الألعاب إلي في مبالغ فيها لا هيك ألعاب ... وكل الألعاب بذة صيانه وتجديد ، ونقصو الحيويه لا هيك مكان معروف إنو لل ألعاب ، بصرحة لازم يهدموا كل شي في ويرجعو يبنوا من أول وجديد ، فرصة استثماريه رائعة ، وغير هيك إذا تجدد المكان راح يجو كل الناس عليه لما بيجو بزور الأردن ...بس إذا ما تجدد جاد شي بحزين ، مكان كبير وموقع مميز ، بس ناسو إهتمام كتير كبير ...

عوضا عن التراجع الملحوظ لمستواها العام ... وسوء ادارة المدينة الترويحية ... فقد بات لمنظر الشباب والفتيات في هذه المدينة الاثر السلبي الاكبر ... فلم يعد للامان والامن بها مطرح ... بل أصبحت الرذيلة شعارا لهذا المكان ...

ما بنصح حدا يزورها ... بس حلو تمروا جنبها وتشعروا إنه في مدينه ممكن تكون ترويحية في عمان ...

مدينه جبيهه الترويحيه من اقدم مناطق الترفيه كانت زمان كان كل العائلات باستمرار يروحوا عليها ويتسلوا وكانت الالعاب حلوه اما في الوقت الحاضر فقد طمست واتنست بعد فتح الكثير من المولات والمقاهي ومناطق تسليه اخرى

يعني شو ويلا شو كا ما احلا بس هلأ ابدا ما بنصح فيه زعران و نورنة و المكان وسخ كل الارض وسخ و الحمامات مؤرفة على الاخر ما بنراح عليها الا ازا شتغلوا عليها و جددوها .لا ترتيب و لا نظافة و لا خدمة كلهم لازم يكونوا احسن.

مع قدمها وقلة الاهتمام بتحديثها وتحديث اللعابها لاتزال الجبيهه تتربع على عرش افضل واكبر مدينة ترويحية في الاردن هي رائعة جدا ولكن بالمقارنة مع الاماكن الترويحية في العالم فلاتزال بمنتهى الفدم ،،بدلا من الاستثمار فيها وتوسيعيها لاتزال كما هي منذ سنوات مع انها استثنار ربحي 100% فهي الوجها الاولى للسياح المقيمون في الاردن للترويح لكن القائمون عليها بعيدون كل البعد عن الطموح الاقتصادي والتوسع والاستثمار فلو تم توسيعاها وتحديث اللعاب ويجاد مواقف كافية للزوار فبلاشك ستدر الملايين ولو ملكت المال لاستثمرت بها بدون تردد ..!!!

انا من جهتي ما بحب مدينة الالعاب

بس يلي بحب الالعاب هيا اكبر مدينة ترويحية

وفيها تننوع بالالعاب

واسعاره جيدة

أنا من رأي بصراحة ازا حابب تروح عمكان روح عجبيهة

منو بتصرف كل مصاريك لآخر نكلة وبترجع تتحسر عالساندويس أبو الربع دينار الي دفعوك دينارين مشانو

لأ كلو كوم والطوابير كوم تاني اللعبة كل وقتها عدقايق والطابور بتقد في أقل اشي نص ساعة ..!

وما تنسو الألعاب الي من عصر سيدنا سليمان لساتها موجودة!!

والتيكت الي بتتحول للضعف في المناسبات :)!

وأهم اشي المعاملة الراقية من الموظفين وخصيصا أصحاب كشكات بيع التكتات!

مع هيك كل لما تيجي مناسبة بنرجع بنروح عجبيهة اللي ما النا غيرها ^_^

مدينة الجبيه من افضل الاماكن الترفيهيه التي تتميز باطلاله جميله والاعب ترفيهيه فريده من نوعها

ولكن لا تضاهي مدن الالعاب العالميه التي تتميز بالعابها المخيفه ولكن المحاوله تكفي

ايضا هنالك مشكله اصبحت تواجه سمعة هذا المكان حيث اصبحت مشكلة الاكتظاظ مشكلة كبيره يجب مواجهتها

عدا عن هذه المشكله فهي من الاماكن المتميزه في عمان وانصح الجميع بزيارتها

نصيحتي بترجمها بكلمتين "لا تروحولها" اولا قديمه صارلي من وانا صغير وهي نفس الشي ما تغيرت ،تانيا معامله زفت بتحس كل الي بيشتغلو جايبينهم من الشارع . وما بدي افتح موضوع الاسعار الي ما بيستاهل

انا بصراحة يا ناس بدون مقدمات اجمل حديقة بالاردن هي الجبيهة مكان ترفيهي نظيف رائع واكثر من رائع يتلاقى به فئات الشباب والاطفال

ليروحوا ويرفهوا عن انفسهم

كم هي جميلة مناطقك يا عمون (عماان)

بصراحة جميلة ورهيبة وممتعة للصغار والكبار وأسعار العابها معقولة لكن المحلات اللي فيها اسعارها سياحية بشكل كبير يعني مبالغ في اسعارها جدا

يعني مدينة حلوة وكبيرة شوية

بس مشكلتها بتلم كتير زعران ومافيها اي نوع من الامن والمضايقات مليانة ومافيها اي اهتمام بالعائلات مع انو المفروض تكون خاصة بالعائلات

اسعارها مو منيحة ومابتناسب الجميع

صح بعيدة كتير لاهل عمان الشرقية بس يعني فيها اكم لعبة ممتازة وبتجنن

بصراحة،،،حرام تروح هناك،،،لانو كل شي على فاضي بتروح عشان تنبسط ،،بس ما فيها شي،،حتى السفينة الى فيها ،،بدها 7 ، 8 ليدفشوها،،

مكان ما في نظافة،،إهمال،عدم اهتمام ،،ألخ،،