Al Hakawati Cafe

الكفيه نضيف كتير , و قوائم الطلبات منوعة , يقدم الاراجيل و الخدمة كانت ممتازة , الديكور جميل لاكن الجو العام خنقة من ريحة الدخان و الأراجيل , لا يقدم المشروبات الروحية , الاسعار متوسطة ,سرعة تلبية الطلبات مسوسطة , اماكن اصطفاف خارجية ,

... يعني بنصح كل الناس في .

اليوم أول مرة بروح عليه، رحت انا وصاحبي في البريك تاع الشغل، المحل مرتب ونظيف وجلساته رائعة جدا، الجو هادي ورايق والمحل مكيف، شربت من عنده قهوة وكانت كتير زاكية، من أكتر ما لفت انتباهي تعامل الموظفين، كان رائع جدا جدا، الكل بشوش ومبتسم وبطمن عليك كل شوي، وأسعاره رخيصة (جدا بالنسبة لموقعه)، كتير عجبتني القعده وقررت أصير أقعد فيه في كل بريك وحتى أسهر فيه في الإجازات ^_^

انا بحب دائما اروح على مقهى الحكواتي ، مقهى مرتب و نظيف ، القعدة يلي عندو مش كثير مريحة و ديكور حلو و بتحسو شعبي ، اسعارو معقولة ، في كل مرة بروح على مقهى الحكواتي بتكون خدمة شكل مرة كويسة و مرة مش بزيادة يا ريت لو تكون احسن من هيك.

كافية مرتب وسعرو رخيص وأرجيلتة لذيذه ... في قعدة خارجية وقعده داخلية بالنهار ما بكون في حدى ... الكراسي مريحة والحلو انو حاطت زي قماش مخمل على الطاولات مشان الشده ما تزحلق، الخدمه ممتازة بس ياريت تبع الارجيل يبتسم ويوخذ ويعطي مع الزباين... سعر الارجيلة 2.5 دينار يعني بجوز هوا ارخص كافية بالصويفية كلها :)

ومشان البنات عادي بقدرو يروحو يقعدو في يعني هوا مو بس شباب ...

في ملاحظه بسيطة ... انو المحل من جوا فاضي بتحسو فصوت الاغاني بعمل صدى فياريت تعالجو هاي المشكلة.

واذا كنت بالصويفية وبدك محل مرتب ونظيف وزاكي ... ماإلك إلا الحكواتي

محل قعدته رايقة ، جاي على شارع فرعي ما في سيارات تزعجك و انت قاعد. رحت علبه انا و أصحابي

و لعبنا شدة. عجبتني أرجليته. الخدمة عنده سريعة . أحسن اشي في هذا المقهى انه سعره رخيص

مقارنة بالمقاهي اللي جنبه. الكراسي مريحة للقعدة و الطاولات نظيفة.

i found it a cozy, small cafe have a good service and a freaky SHISHA, i went there today with my friend he invited me to have a drink it was cool,

but i have one note my drink was a bit warm i need some ice buddy,

its good to try the shisha there!

أنا رحت على هدا المحل مبارح .. مقهى شعبي فيو أرجيله طبعا .. أنا جربتها عندو زاكيه و سعرها معقول 2.5 يعني بالنسبه للمحلات الموجوده بالمنطقه سعرها كتير ممتاز ، المحل فيو مصفات خارجيه ، و فيو قعده خارجيه ، و طبعا فيو شده :)

انا تعرفت على مقهى الحكواتي عن طريق موقع جيران

وبيني وينكم من زمان لازم تدبرولنا مقاهي شعبيه بهيك اماكن

صراحة ما بنقدر كل يوم نقعد بكوفي شوب لانو الاسعار زي ما بتعرفو مش رخيصة

بس مقهى الحكواتي اسعارو بتجنن ومنقدر نقعد فيه كل يوم ونلعب شدة مع الشباب

والخدمة عند مقهى الحكواتي ممتازة والاراجيل والمشروبات رائعة يعني باختصار(قريب ورخيص وموقع مميز وخدمة صح الصح)

(عن جد الجار قبل الدار) احلا جيران