Al Esraa Hospital

Good private hospital. Very clean. Good doctors and cooperative staff.

شخصياً انت و حزك أي دكتور بدك هههههههه جربت عندهم دكتور باطني و دكتور اذن و أنف و حنجرة الباطني كان لا حول ولا قوة إلا بالله مافي ضمير لأ بس التاني كان رائع بصراحه مختبرات و تحاليل حلوين و الحمدلله ما احتجت طواريء فيه و الله يعافي و يشافي الكل يا يارب و أن شاالله ما منحتاج لا هو و لا غيره سلامات للكل :)

راح اكتب نصيحة بناءً على تجارب عديدة منذ اكثر من 10سنوات..المستشفى زمان وهون بحكي سنة 2002 كان رائع من حيث قسم الطوارىء والممرضين والاطباء المقيمين واطباء الاختصاص والمختبر وفنيين الاشعة..لكن المستشفى في تراجع رهيب ومستمر منذ ذلك الوقت من حيث قلة خبرة ممرضين الطوارىء والاطباء المقيمين وفنيين الاشعة..اطباء الاختصاص المميزين قليلين مقارنةً بالسابق..المختبر جيد..بالنسبة للنظافة جيدة..اما الاسعار انا بتعالج على حساب التأمين وهنا الميزة التي يمتازون بها لتعدد شركات التأمين التي يتعاملون معها..الصيدلية ليس لي تجارب كثيرة معها لكنها جيدة..الاصطفاف سيء ومؤخرا اصبح هناك خدمة الاصطفاف مقابل اجر مفكرين حالهم مطعم او اوتيل..لا انصح بمراجعته الا للاشياء العادية لا اكثر

اسواء مشفى خاص ممكن الواحد يتعالج فيه وخصوصا الطوارئ انا رحت عليه لانو جنب البيت والحاله طارئه وكان عندي اشتباه بالتهاب الزايده وبس فتنا الطوارئ ركبولي محلول وقال هاد مغص من البرد وكانت رح تنفجر الزايده جوا بطني وهم ولا عبالهم الطاقم الطبي ابدا مو مؤهل ولا متدرب والتمريض شغلهم شلفقه وكل ساعتين لا يتزكرو انو في عندهم مريض متوجع

الوالد الله يخليه اخدي علي مشفى تاني وعملت العمليه فيها

ذهبت لهذا المستشفى للضلروره وحاله طارئه الا اني فوجئت بوجود اطباء قسم الطواريء بخبرات بسيطه وكانهم يقضون دوره تدريبيه على المرضى

الاستقبال جيد وتلقى الترحيب لكن المهنيه والخبره غير موجوده لذا لن اكرر الذهاب لهناك لا سمح الله ان احتجت

مستشفى معروف وواسع النطاق لكن لم تعجبني ابدا طريقة تصرف الموظفين مع المرضين من حيث قبول اوراقهم او تغطية التأمين ولكن الدكاترة كتيير اكويسين وديما يستقبلون المريض بشكل جيد ويتفهمون مشكلته

مستشفى الاسراء مستشفى يخدم منطقة كبيرة غير مغطاة بمستشفى خاص بحجمه .. زي صويلح وعين الباشا والبقعة والسلط ومنطقة الجامعة الأردنية والجبيهة

المستشفى من ناحية نظافة منيح .. وتجهيزاته كلها مرتبة

بالنسبة لأي مستشفى بشوف إنه إله خدمتين أساسيات بناء عليه ممكن تقيمه: الطوارئ والعمليات

مستشفى الاسراء منيح لإشي بسيط (حرارة - رشح - ...) يعني بالعربي إذا بدك إجازة مرضية .. او للتحاليل المخبرية

للطوارئ .. المستشفى كتير سيء

هديك المرة كان في جارنا بيقص شجر بمنشار كهرباء .. شاء ربنا إنه يفلت المنشار من إيده ويجرح رجله جرح عميق .. المهم وكوننا ساكنين بصويلح أخدوه الناس الطيبة على الاسراء مشان الحالة طارئة

أجا دكتور عادي وحاول يسكر الجرح لحد ما يجي الجراح وطبيب العظام .. بتعرفوا متى شرف طبيب الجراحة؟؟ بعد 5 ساعات كاملة وهم كل شوي يحكوا يلا خمس عشر دقايق!!

أجا واحد من الناس المحترمين اللي وداه عالمستشفى بيحكي لزوجته : إذا صار عندك أي طارئ لا تفكري بالإسراء بتاتاً!! شيليه من الخارطة عندك!

للعمليات والإقامة المستشفى منيح ..

مني وعليي .. ما بنصح حد يجربه

لما رحت على هذا المستشفى كانت أول مرة بزور مكان بدون ما أتفقده على جيران! بس للأسف الحالة كانت طوارئ!

وقعت على رجلي قبل العيد وصار عندي التواء شديد في الكاحل وتمزق بالاربطة. رحت على المستشفى والباب الرئيسي كان عتمة وكان لازم امشي لحد الطوارئ واتأخروا لحدا عبرنا بكرسي متحرك! عملولي أشعة لرجلي وبعدين شافها ممرض وقال مافي كسر والتواء بسيط ودهنها مرهم ولفها وقال بسيطة بس من هون لثلاث أيام (يوم العيد) اذا ما تحسنت راجعي طبيب مختص! طبعا ما استحملت وتاني يوم رحت طبيب مختص وطلع بدها جبصين ومنع حركة لأسابيع ولا بتصير اصابة دائمة!! سؤالي ليش شلفقوني؟ لاني جاي على التأمين ومغطى علاجي؟

المستشفى كويس والاستقبال ممتاز والممرضين والممرضات لطيفين والاسعار معقولة كمستشفى خاص وملاحظتي الوحيدة على قسم الطوارئ وبالتحديد دكتور الطوارئ (بدون ذكر اسماء) انه بغرقك ادوية ما الها داعي، وعشان ما حدا يتهمني بالفلسفة خاصة اني مش دكتور رايح احكي قصتي باختصار.

انا معي قرحة وهو مرض مزمن وعلاجه حمية اكل وحبوب القرحة، ولانه الدنيا عيد ودكتوري معطل وادويتي خلصت ومع القهوة السادة ومعمول العيد اضطريت اروح على مستشفى الاسراء/ الطوارئ لصرف دوائي كون الالم شديد

استقبلني دكتور الطوارئ باحترام وسمع قصتي وبدون ما يفحصني (وانا ما كان عندي مانع انه يفحصني) صرفلي الدواء اللي بدياه ومعاه دواء ثاني بعالج التقيؤ مع اني حكيتله انه ما عندي مشاكل بالتقيؤ وغزني ابرة (حقنة) لهلأ مش عارف شو هي الابرة ولما سألته قلي عشان قرحتك.

يعني اللي معاه قرحة بعرف شو دواه ،ليش كومة الادوية ؟ التفسير الوحيد انه عشان المستشفى يكسب اكثر.

بظل السؤال هو انه الدكتور ما بخاف الله ولا المستشفى هيك سياسته ؟ الله اعلم

بعد ما جربنا اكتر من مستشفى هذا افضل مستشفى بنظري جودة قمة في الروعة رحناله فحوصات عادية ورحناله حالة اسعاف بلامبلنس لما عملنا حادث اهم شي عندهم سلامة المريض اسعارهم كتير كتير منيحة نظافة ممتازة وجد موظفين 24 ساعة يعني حتى لما رحنا الفجر كلهم كانوا حولينا كل شي عندهم من احسنه

موقع سئ جدا مصفات شغل اخبط يبارتك و روح خدمه شيئه و هدفهم الوال و الاخير انهم يعطو اكتر فحوصات بيئدرو عليها بغض النظر الحاله بتستاهل او لأ

الموقع سيئ بس الخدمات ممتازة و الاسعار اقل من بعض مستشفيات خاصة ، الاطباء ممتازين و متعاونين و الممرضات رائعين بالتعامل

-انا رحت اراجع عند دكتور باطني

-جودة الخدمة جيدة بس النظافه مش ممتازة

-كفاءة الدكتور على خبرة كوسيه

-يوجد قسم للطوارئ وكان جيدة

-مستوى الاسعار معقوله

-بعد ما تتعالج بينسوك

-يتعامل مع كل شركات التامين

-يوجد صيدليه بداخل المستشفى بس فضل فارمسي ون

-لا انصح الناس بمراجعته لانه يوجد مستشفيات افضل وانظف الا ازا كنت مضطر للدكتور اللي بدك تتعالج عنده

-بصراحه عيادات ومستشفى الخالدي والاردن والتخصصي افضل بكثير

والله مقارنتا لمستشفيات خاصة تانية سيء والنظافة مو كتير والاسعار غالية بدون تأمين وموقعه بازمة دايما بس صدقا الممرضات تعاملهم منيح وفي بعض الدكاترة الاكفاء .

مستشفى منيح نوعا ما عملت فيه عمليه من سنتين و كانت الخدمه جيده فيه نظيف و كبير الاطباء فيه متخصصين و تعاملهم جيد و اسعاره عاديه بس بالنسبه الي بفضل مستشفيات تانيه بس اضطريتله لانه دكتوري كان فيه

رحت عليه كتيير،،خدمة عادية،،

النظافة متوسطة،،الموظفين و الحراس بحسهم مكشرين كتيير شو السبب الله اعلم ،،،،في شوية اهمال،،،،،

ياريت الخدمة تكون احسن من هيك

رحتله للمختبر مرتين ، كان المختبر جدا نظيف ، و الكادر اللي بالمختبر كان اكتر من رائع ، ودودين جدا وقضوها تنكيت ، يعني الواحد بنسى همه شوي معهم ، أسعار المختبر عادية زي أي مختبر ، فيه صيدلية ،أكتر من هيك ما بحكي لأني ما جربت إلا المختبر ، بس إن شاء الله السنة الجاي رح أضيفه للتأمين لأني ارتحت فيه كتيييييييييييير.

انا بشوف انو هالمستشفى شغل اسعافات اوليه وبس اكثر من هيك حرام والأصطفاف عندوا مشكله كبيره اوكى في شارع ورا المستشفى بس برضو ما في صفات زي الناس ومره دخلت زرت صاحبي هناك الغرفه كانت ريحتها معفنه نقلنا على غرفه ثانيه طلعت اللي قبلها احسن....هادا الحكي قبل 4 سنوات ما بعرف كيف صار هلأ إن شاء الله يكون صار أحسن

انا مني وعلي ما جربته بس كان في زيارة لهونيك وشفت انو كتير نضيف ومرتب ومستواه ممتاز الاسعار فيو كتير غالية متل ما خبرونا قرايبا بالمقارنة للخدامات ما لازم يكون غالي بهالشكل ،،، بالنسبة للخدمة الطبية ممتازة ،، ومقارنة لمستشفى الخالدي وابن خلدون مستحيل يكون في مقارنة لأنو الفروقات كبيرة وهاي من تجربة شخصية ،، بالنسبة للأصطفاف صعب كتير هوناك ولو بدك تصف بالشارع في مخالفة بتنتظرك متل ما انتضرتني هههههه،،

مقارنة بالمستشفيات التانيه الخاصة متل الاردن والخالدي وابن الهيثم سيء ... الممرضات في منهم بخوفوا لانو اهتي بس ولدت هناك كانت تخاف تطلب منهم شي لانو مش طايئيين حالهم ........ الاكل كلن اكتر من سيء