In order to have the information of this place, enter your email now:

Al Esraa Hospital

Al Esraa Hospital In front of The Jordanian University Mosque traffic lights, Amman Queen Rania Street - University St
3 42 (36 reviews)
6 hearted
Information
Category Hospitals
Region: Queen Rania Street - University St
Address In front of The Jordanian University Mosque traffic lights
Phone 00300... see No.
  • Average Price:
    1. Average  
  • Parking:
    1. Valet
  • Payment Method:
    1. Cash
    2. Visa
  • Data Points:
    1. Accept Credit Cards

Reviews by people who tried Al Esraa Hospital

Tell us if you tried it
  •   (Average)
    4 months ago

    جربنا فيه الطوارئ أكتر من مرة، وكانوا كتير مناح.

    الموظفين متعاونين كتير ولطيفين بالتعامل.

    ومن ناحية النظافة ممتازين.

    الأطباء المناوبين يهتموا كتير بالمريض وبطلعوه فاهم كل اشي.

    وجربنا كمان قسم الولادة.

    الغرف مرتبة وجيدة.

    كادر التمريض شايفين حالهم شوي.

    وعاملات النظافة بخنقوا الواحد عشان ياخدوا الإكرامية.

    كتير بهتموا بالسترة وهاد اشي ممتاز.

    جربنا فيه الطوارئ أكتر من مرة، وكانوا كتير مناح. الموظفين متعاونين كتير ولطيفين بالتعامل. ومن ناحية النظافة ممتازين. الأطباء المناوبين يهتموا كتير بالمريض وبطلعوه فاهم كل اشي. وجربنا كمان قسم الولادة. الغرف مرتبة وجيدة. كادر التمريض شايفين حالهم شوي. وعاملات النظافة بخنقوا الواحد عشان ياخدوا الإكرامية. كتير بهتموا بالسترة وهاد اشي ممتاز.

    Al Esraa Hospital

  •   (Horrible)
    6 months ago

    من اسوأ المستشفيات في الاردن. انتظار ما سزيد عن الاربع ساعات لاجراء صوره

    من اسوأ المستشفيات في الاردن. انتظار ما سزيد عن الاربع ساعات لاجراء صوره

    Al Esraa Hospital

  •   (Horrible)
    8 months ago

    ما قدرت اشوف اشي منيح بالمستشفى... تخيلوا انو جهاز التصوير الطبقي كان خربان والمريض كان بحاجة لصورة... وبدل ما ياخدوه بالاسعاف لمستشفى تاني حكوله روح لحالك... وصدقا زي ما دخل المريض زي ما طلع من دون ما يتغير اي اشي من الاعراض فقط اعطوه مسكن وخافض حرارة!!! طب كان ممكن اي حدا ياخده ببيته هالدوا بدوش جميلتكم... بس اخدوا مصاري وضيعوا وقت المريض قبل ما يروح على مستشفى تاني... سيئ جدا ما بنصح حدا يقرب عليه..

    ما قدرت اشوف اشي منيح بالمستشفى... تخيلوا انو جهاز التصوير الطبقي كان خربان والمريض كان بحاجة لصورة... وبدل ما ياخدوه بالاسعاف لمستشفى تاني حكوله روح لحالك... وصدقا زي ما دخل المريض زي ما طلع من دون ما يتغير اي اشي من الاعراض فقط اعطوه مسكن وخافض حرارة!!! طب كان ممكن اي حدا ياخده ببيته هالدوا بدوش جميلتكم... بس اخدوا مصاري وضيعوا وقت المريض قبل ما يروح على مستشفى تاني... سيئ جدا ما بنصح حدا يقرب عليه..

    Al Esraa Hospital

  •   (Great)
    8 months ago

    تعاملت مع أقسام المستشفى لعدة سنوات وكذلك وادارة المستشفى ، فوجدت الكثير من الجوانب المضيئة التي زادت من ارتياحي وجعلتني انتمي له ، لست خياليا ولا ناكرا ، فلا يخلو مستشفى من أخطاء الا أنني اشعر بديناميكية الادارة وسرعة استجابتها لمتطلبات العملاء وحرصها على التطور والتحسين المستمر . لا بل التوسع النوعي الدائم . وبكلمات مختصرة أثق بارسال أهلي للمستشفى وبأمانة القائمين عليه واشعر بأن احتياجاتي أشبعت . والله الموفق

    تعاملت مع أقسام المستشفى لعدة سنوات وكذلك وادارة المستشفى ، فوجدت الكثير من الجوانب المضيئة التي زادت من ارتياحي وجعلتني انتمي له ، لست خياليا ولا ناكرا ، فلا يخلو مستشفى من أخطاء الا أنني اشعر بديناميكية الادارة وسرعة استجابتها لمتطلبات العملاء وحرصها على التطور والتحسين المستمر . لا بل التوسع النوعي الدائم . وبكلمات مختصرة أثق بارسال أهلي للمستشفى وبأمانة القائمين عليه واشعر بأن احتياجاتي أشبعت . والله الموفق

    Al Esraa Hospital

  •   (Great)
    8 months ago

    انا من السعوديه اجريت عمليه استئصال ورم خبيث لاخي عند الدكتورمحمددالزيتاوي والحمدالله كان كل شيئ ممتاز واشكر الجميع وخاصة الكتور محمد الزيتاوي

    انا من السعوديه اجريت عمليه استئصال ورم خبيث لاخي عند الدكتورمحمددالزيتاوي والحمدالله كان كل شيئ ممتاز واشكر الجميع وخاصة الكتور محمد الزيتاوي

    Al Esraa Hospital

  •   (Great)
    a year ago

    Good private hospital. Very clean. Good doctors and cooperative staff.

    Good private hospital. Very clean. Good doctors and cooperative staff.

    Al Esraa Hospital

  •   (Average)
    a year ago

    شخصياً انت و حزك أي دكتور بدك هههههههه جربت عندهم دكتور باطني و دكتور اذن و أنف و حنجرة الباطني كان لا حول ولا قوة إلا بالله مافي ضمير لأ بس التاني كان رائع بصراحه مختبرات و تحاليل حلوين و الحمدلله ما احتجت طواريء فيه و الله يعافي و يشافي الكل يا يارب و أن شاالله ما منحتاج لا هو و لا غيره سلامات للكل :)

    شخصياً انت و حزك أي دكتور بدك هههههههه جربت عندهم دكتور باطني و دكتور اذن و أنف و حنجرة الباطني كان لا حول ولا قوة إلا بالله مافي ضمير لأ بس التاني كان رائع بصراحه مختبرات و تحاليل حلوين و الحمدلله ما احتجت طواريء فيه و الله يعافي و يشافي الكل يا يارب و أن شاالله ما منحتاج لا هو و لا غيره سلامات للكل :)

    Al Esraa Hospital

  •   (Bad)
    a year ago

    راح اكتب نصيحة بناءً على تجارب عديدة منذ اكثر من 10سنوات..المستشفى زمان وهون بحكي سنة 2002 كان رائع من حيث قسم الطوارىء والممرضين والاطباء المقيمين واطباء الاختصاص والمختبر وفنيين الاشعة..لكن المستشفى في تراجع رهيب ومستمر منذ ذلك الوقت من حيث قلة خبرة ممرضين الطوارىء والاطباء المقيمين وفنيين الاشعة..اطباء الاختصاص المميزين قليلين مقارنةً بالسابق..المختبر جيد..بالنسبة للنظافة جيدة..اما الاسعار انا بتعالج على حساب التأمين وهنا الميزة التي يمتازون بها لتعدد شركات التأمين التي يتعاملون معها..الصيدلية ليس لي تجارب كثيرة معها لكنها جيدة..الاصطفاف سيء ومؤخرا اصبح هناك خدمة الاصطفاف مقابل اجر مفكرين حالهم مطعم او اوتيل..لا انصح بمراجعته الا للاشياء العادية لا اكثر

    راح اكتب نصيحة بناءً على تجارب عديدة منذ اكثر من 10سنوات..المستشفى زمان وهون بحكي سنة 2002 كان رائع من حيث قسم الطوارىء والممرضين والاطباء المقيمين واطباء الاختصاص والمختبر وفنيين الاشعة..لكن المستشفى في تراجع رهيب ومستمر منذ ذلك الوقت من حيث قلة خبرة ممرضين الطوارىء والاطباء المقيمين وفنيين الاشعة..اطباء الاختصاص المميزين قليلين مقارنةً بالسابق..المختبر جيد..بالنسبة للنظافة جيدة..اما الاسعار انا بتعالج على حساب التأمين وهنا الميزة التي يمتازون بها لتعدد شركات التأمين التي يتعاملون معها..الصيدلية ليس لي تجارب كثيرة معها لكنها جيدة..الاصطفاف سيء ومؤخرا اصبح هناك خدمة الاصطفاف مقابل اجر مفكرين حالهم مطعم او اوتيل..لا انصح بمراجعته الا للاشياء العادية لا اكثر

    Al Esraa Hospital

  •   (Horrible)
    over 2 years ago

    اسواء مشفى خاص ممكن الواحد يتعالج فيه وخصوصا الطوارئ انا رحت عليه لانو جنب البيت والحاله طارئه وكان عندي اشتباه بالتهاب الزايده وبس فتنا الطوارئ ركبولي محلول وقال هاد مغص من البرد وكانت رح تنفجر الزايده جوا بطني وهم ولا عبالهم الطاقم الطبي ابدا مو مؤهل ولا متدرب والتمريض شغلهم شلفقه وكل ساعتين لا يتزكرو انو في عندهم مريض متوجع

    الوالد الله يخليه اخدي علي مشفى تاني وعملت العمليه فيها

    اسواء مشفى خاص ممكن الواحد يتعالج فيه وخصوصا الطوارئ انا رحت عليه لانو جنب البيت والحاله طارئه وكان عندي اشتباه بالتهاب الزايده وبس فتنا الطوارئ ركبولي محلول وقال هاد مغص من البرد وكانت رح تنفجر الزايده جوا بطني وهم ولا عبالهم الطاقم الطبي ابدا مو مؤهل ولا متدرب والتمريض شغلهم شلفقه وكل ساعتين لا يتزكرو انو في عندهم مريض متوجع الوالد الله يخليه اخدي علي مشفى تاني وعملت العمليه فيها

    Al Esraa Hospital

  •   (Bad)
    over 2 years ago

    ذهبت لهذا المستشفى للضلروره وحاله طارئه الا اني فوجئت بوجود اطباء قسم الطواريء بخبرات بسيطه وكانهم يقضون دوره تدريبيه على المرضى

    الاستقبال جيد وتلقى الترحيب لكن المهنيه والخبره غير موجوده لذا لن اكرر الذهاب لهناك لا سمح الله ان احتجت

    ذهبت لهذا المستشفى للضلروره وحاله طارئه الا اني فوجئت بوجود اطباء قسم الطواريء بخبرات بسيطه وكانهم يقضون دوره تدريبيه على المرضى الاستقبال جيد وتلقى الترحيب لكن المهنيه والخبره غير موجوده لذا لن اكرر الذهاب لهناك لا سمح الله ان احتجت

    Al Esraa Hospital

  •   (Bad)
    over 2 years ago

    مستشفى معروف وواسع النطاق لكن لم تعجبني ابدا طريقة تصرف الموظفين مع المرضين من حيث قبول اوراقهم او تغطية التأمين ولكن الدكاترة كتيير اكويسين وديما يستقبلون المريض بشكل جيد ويتفهمون مشكلته

    مستشفى معروف وواسع النطاق لكن لم تعجبني ابدا طريقة تصرف الموظفين مع المرضين من حيث قبول اوراقهم او تغطية التأمين ولكن الدكاترة كتيير اكويسين وديما يستقبلون المريض بشكل جيد ويتفهمون مشكلته

    Al Esraa Hospital

  •   (Bad)
    over 2 years ago

    مستشفى الاسراء مستشفى يخدم منطقة كبيرة غير مغطاة بمستشفى خاص بحجمه .. زي صويلح وعين الباشا والبقعة والسلط ومنطقة الجامعة الأردنية والجبيهة

    المستشفى من ناحية نظافة منيح .. وتجهيزاته كلها مرتبة

    بالنسبة لأي مستشفى بشوف إنه إله خدمتين أساسيات بناء عليه ممكن تقيمه: الطوارئ والعمليات

    مستشفى الاسراء منيح لإشي بسيط (حرارة - رشح - ...) يعني بالعربي إذا بدك إجازة مرضية .. او للتحاليل المخبرية

    للطوارئ .. المستشفى كتير سيء

    هديك المرة كان في جارنا بيقص شجر بمنشار كهرباء .. شاء ربنا إنه يفلت المنشار من إيده ويجرح رجله جرح عميق .. المهم وكوننا ساكنين بصويلح أخدوه الناس الطيبة على الاسراء مشان الحالة طارئة

    أجا دكتور عادي وحاول يسكر الجرح لحد ما يجي الجراح وطبيب العظام .. بتعرفوا متى شرف طبيب الجراحة؟؟ بعد 5 ساعات كاملة وهم كل شوي يحكوا يلا خمس عشر دقايق!!

    أجا واحد من الناس المحترمين اللي وداه عالمستشفى بيحكي لزوجته : إذا صار عندك أي طارئ لا تفكري بالإسراء بتاتاً!! شيليه من الخارطة عندك!

    للعمليات والإقامة المستشفى منيح ..

    مني وعليي .. ما بنصح حد يجربه

    مستشفى الاسراء مستشفى يخدم منطقة كبيرة غير مغطاة بمستشفى خاص بحجمه .. زي صويلح وعين الباشا والبقعة والسلط ومنطقة الجامعة الأردنية والجبيهة المستشفى من ناحية نظافة منيح .. وتجهيزاته كلها مرتبة بالنسبة لأي مستشفى بشوف إنه إله خدمتين أساسيات بناء عليه ممكن تقيمه: الطوارئ والعمليات مستشفى الاسراء منيح لإشي بسيط (حرارة - رشح - ...) يعني بالعربي إذا بدك إجازة مرضية .. او للتحاليل المخبرية للطوارئ .. المستشفى كتير سيء هديك المرة كان في جارنا بيقص شجر بمنشار كهرباء .. شاء ربنا إنه يفلت المنشار من إيده ويجرح رجله جرح عميق .. المهم وكوننا ساكنين بصويلح أخدوه الناس الطيبة على الاسراء مشان الحالة طارئة أجا دكتور عادي وحاول يسكر الجرح لحد ما يجي الجراح وطبيب العظام .. بتعرفوا متى شرف طبيب الجراحة؟؟ بعد 5 ساعات كاملة وهم كل شوي يحكوا يلا خمس عشر دقايق!! أجا واحد من الناس المحترمين اللي وداه عالمستشفى بيحكي لزوجته : إذا صار عندك أي طارئ لا تفكري بالإسراء بتاتاً!! شيليه من الخارطة عندك! للعمليات والإقامة المستشفى منيح .. مني وعليي .. ما بنصح حد يجربه

    Al Esraa Hospital

    • كاريس3
      كاريس ابراهيم over 2 years ago

      عجبتني اخر جمله ( للعمليات والإقامة المستشفى منيح .. مني وعليي .. ما بنصح حد يجربه) يعني مدح و ذم مع بعض رائع

    • Ali9
      Ali mohamed a month ago

      بالمختصر سجن طبي الله لا يوقعكم فيه

  •   (Bad)
    over 2 years ago

    لما رحت على هذا المستشفى كانت أول مرة بزور مكان بدون ما أتفقده على جيران! بس للأسف الحالة كانت طوارئ!

    وقعت على رجلي قبل العيد وصار عندي التواء شديد في الكاحل وتمزق بالاربطة. رحت على المستشفى والباب الرئيسي كان عتمة وكان لازم امشي لحد الطوارئ واتأخروا لحدا عبرنا بكرسي متحرك! عملولي أشعة لرجلي وبعدين شافها ممرض وقال مافي كسر والتواء بسيط ودهنها مرهم ولفها وقال بسيطة بس من هون لثلاث أيام (يوم العيد) اذا ما تحسنت راجعي طبيب مختص! طبعا ما استحملت وتاني يوم رحت طبيب مختص وطلع بدها جبصين ومنع حركة لأسابيع ولا بتصير اصابة دائمة!! سؤالي ليش شلفقوني؟ لاني جاي على التأمين ومغطى علاجي؟

    لما رحت على هذا المستشفى كانت أول مرة بزور مكان بدون ما أتفقده على جيران! بس للأسف الحالة كانت طوارئ! وقعت على رجلي قبل العيد وصار عندي التواء شديد في الكاحل وتمزق بالاربطة. رحت على المستشفى والباب الرئيسي كان عتمة وكان لازم امشي لحد الطوارئ واتأخروا لحدا عبرنا بكرسي متحرك! عملولي أشعة لرجلي وبعدين شافها ممرض وقال مافي كسر والتواء بسيط ودهنها مرهم ولفها وقال بسيطة بس من هون لثلاث أيام (يوم العيد) اذا ما تحسنت راجعي طبيب مختص! طبعا ما استحملت وتاني يوم رحت طبيب مختص وطلع بدها جبصين ومنع حركة لأسابيع ولا بتصير اصابة دائمة!! سؤالي ليش شلفقوني؟ لاني جاي على التأمين ومغطى علاجي؟

    Al Esraa Hospital

    • سيد224
      سيد صالح over 2 years ago

      الحمد لله على السلامة ..

    • Haya0
      Haya Al Harahsheh over 2 years ago

      الحمد لله على السلامه ودائما الحياة تكون بخير

    • دعاء351
      دعاء أحمد over 2 years ago

      شكرا جميعا

  •   (Great)
    over 2 years ago

    المستشفى كويس والاستقبال ممتاز والممرضين والممرضات لطيفين والاسعار معقولة كمستشفى خاص وملاحظتي الوحيدة على قسم الطوارئ وبالتحديد دكتور الطوارئ (بدون ذكر اسماء) انه بغرقك ادوية ما الها داعي، وعشان ما حدا يتهمني بالفلسفة خاصة اني مش دكتور رايح احكي قصتي باختصار.

    انا معي قرحة وهو مرض مزمن وعلاجه حمية اكل وحبوب القرحة، ولانه الدنيا عيد ودكتوري معطل وادويتي خلصت ومع القهوة السادة ومعمول العيد اضطريت اروح على مستشفى الاسراء/ الطوارئ لصرف دوائي كون الالم شديد

    استقبلني دكتور الطوارئ باحترام وسمع قصتي وبدون ما يفحصني (وانا ما كان عندي مانع انه يفحصني) صرفلي الدواء اللي بدياه ومعاه دواء ثاني بعالج التقيؤ مع اني حكيتله انه ما عندي مشاكل بالتقيؤ وغزني ابرة (حقنة) لهلأ مش عارف شو هي الابرة ولما سألته قلي عشان قرحتك.

    يعني اللي معاه قرحة بعرف شو دواه ،ليش كومة الادوية ؟ التفسير الوحيد انه عشان المستشفى يكسب اكثر.

    بظل السؤال هو انه الدكتور ما بخاف الله ولا المستشفى هيك سياسته ؟ الله اعلم

    المستشفى كويس والاستقبال ممتاز والممرضين والممرضات لطيفين والاسعار معقولة كمستشفى خاص وملاحظتي الوحيدة على قسم الطوارئ وبالتحديد دكتور الطوارئ (بدون ذكر اسماء) انه بغرقك ادوية ما الها داعي، وعشان ما حدا يتهمني بالفلسفة خاصة اني مش دكتور رايح احكي قصتي باختصار. انا معي قرحة وهو مرض مزمن وعلاجه حمية اكل وحبوب القرحة، ولانه الدنيا عيد ودكتوري معطل وادويتي خلصت ومع القهوة السادة ومعمول العيد اضطريت اروح على مستشفى الاسراء/ الطوارئ لصرف دوائي كون الالم شديد استقبلني دكتور الطوارئ باحترام وسمع قصتي وبدون ما يفحصني (وانا ما كان عندي مانع انه يفحصني) صرفلي الدواء اللي بدياه ومعاه دواء ثاني بعالج التقيؤ مع اني حكيتله انه ما عندي مشاكل بالتقيؤ وغزني ابرة (حقنة) لهلأ مش عارف شو هي الابرة ولما سألته قلي عشان قرحتك. يعني اللي معاه قرحة بعرف شو دواه ،ليش كومة الادوية ؟ التفسير الوحيد انه عشان المستشفى يكسب اكثر. بظل السؤال هو انه الدكتور ما بخاف الله ولا المستشفى هيك سياسته ؟ الله اعلم

    Al Esraa Hospital

  •   (Out of this world)
    over 2 years ago

    بعد ما جربنا اكتر من مستشفى هذا افضل مستشفى بنظري جودة قمة في الروعة رحناله فحوصات عادية ورحناله حالة اسعاف بلامبلنس لما عملنا حادث اهم شي عندهم سلامة المريض اسعارهم كتير كتير منيحة نظافة ممتازة وجد موظفين 24 ساعة يعني حتى لما رحنا الفجر كلهم كانوا حولينا كل شي عندهم من احسنه

    بعد ما جربنا اكتر من مستشفى هذا افضل مستشفى بنظري جودة قمة في الروعة رحناله فحوصات عادية ورحناله حالة اسعاف بلامبلنس لما عملنا حادث اهم شي عندهم سلامة المريض اسعارهم كتير كتير منيحة نظافة ممتازة وجد موظفين 24 ساعة يعني حتى لما رحنا الفجر كلهم كانوا حولينا كل شي عندهم من احسنه

    Al Esraa Hospital

  • Anoosy106
      (Horrible)
    over 2 years ago

    موقع سئ جدا مصفات شغل اخبط يبارتك و روح خدمه شيئه و هدفهم الوال و الاخير انهم يعطو اكتر فحوصات بيئدرو عليها بغض النظر الحاله بتستاهل او لأ

    موقع سئ جدا مصفات شغل اخبط يبارتك و روح خدمه شيئه و هدفهم الوال و الاخير انهم يعطو اكتر فحوصات بيئدرو عليها بغض النظر الحاله بتستاهل او لأ

    Al Esraa Hospital

  •   (Great)
    over 2 years ago

    الموقع سيئ بس الخدمات ممتازة و الاسعار اقل من بعض مستشفيات خاصة ، الاطباء ممتازين و متعاونين و الممرضات رائعين بالتعامل

    الموقع سيئ بس الخدمات ممتازة و الاسعار اقل من بعض مستشفيات خاصة ، الاطباء ممتازين و متعاونين و الممرضات رائعين بالتعامل

    Al Esraa Hospital

  •   (Great)
    over 3 years ago

    -انا رحت اراجع عند دكتور باطني

    -جودة الخدمة جيدة بس النظافه مش ممتازة

    -كفاءة الدكتور على خبرة كوسيه

    -يوجد قسم للطوارئ وكان جيدة

    -مستوى الاسعار معقوله

    -بعد ما تتعالج بينسوك

    -يتعامل مع كل شركات التامين

    -يوجد صيدليه بداخل المستشفى بس فضل فارمسي ون

    -لا انصح الناس بمراجعته لانه يوجد مستشفيات افضل وانظف الا ازا كنت مضطر للدكتور اللي بدك تتعالج عنده

    -بصراحه عيادات ومستشفى الخالدي والاردن والتخصصي افضل بكثير

    -انا رحت اراجع عند دكتور باطني -جودة الخدمة جيدة بس النظافه مش ممتازة -كفاءة الدكتور على خبرة كوسيه -يوجد قسم للطوارئ وكان جيدة -مستوى الاسعار معقوله -بعد ما تتعالج بينسوك -يتعامل مع كل شركات التامين -يوجد صيدليه بداخل المستشفى بس فضل فارمسي ون -لا انصح الناس بمراجعته لانه يوجد مستشفيات افضل وانظف الا ازا كنت مضطر للدكتور اللي بدك تتعالج عنده -بصراحه عيادات ومستشفى الخالدي والاردن والتخصصي افضل بكثير

    Al Esraa Hospital

  •   (Bad)
    over 3 years ago

    والله مقارنتا لمستشفيات خاصة تانية سيء والنظافة مو كتير والاسعار غالية بدون تأمين وموقعه بازمة دايما بس صدقا الممرضات تعاملهم منيح وفي بعض الدكاترة الاكفاء .

    والله مقارنتا لمستشفيات خاصة تانية سيء والنظافة مو كتير والاسعار غالية بدون تأمين وموقعه بازمة دايما بس صدقا الممرضات تعاملهم منيح وفي بعض الدكاترة الاكفاء .

    Al Esraa Hospital

    • تمارا1
      تمارا سعيد over 3 years ago

      مين في دكاترة مميزين هناك؟

    • سما34
      سما خالد over 3 years ago

      دكتور اكثم الحياري تخصص قلب كتير كويس والدتي عملت عملية عنده والحمدالله .وفي دكتورة عراقية نسائية وتوليد ناسية اسمها كمان كويسة اختي كانت تراجع فترة الحمل عندها .

    • Rima22
      Rima R over 3 years ago

      كل المستشفيات بتحب تاخد كاش، ولا شو رأيك؟

    • سما34
      سما خالد over 3 years ago

      والله ما بعرف اذا كل المستشفيات بس انا بناء عتجارب اهلي واقاربي ما بتذكر حد دفع غير كاش .

  • Nano198
      (Great)
    over 3 years ago

    مستشفى منيح نوعا ما عملت فيه عمليه من سنتين و كانت الخدمه جيده فيه نظيف و كبير الاطباء فيه متخصصين و تعاملهم جيد و اسعاره عاديه بس بالنسبه الي بفضل مستشفيات تانيه بس اضطريتله لانه دكتوري كان فيه

    مستشفى منيح نوعا ما عملت فيه عمليه من سنتين و كانت الخدمه جيده فيه نظيف و كبير الاطباء فيه متخصصين و تعاملهم جيد و اسعاره عاديه بس بالنسبه الي بفضل مستشفيات تانيه بس اضطريتله لانه دكتوري كان فيه

    Al Esraa Hospital

  • 4 out of 4 ( 20 filtered )

Did you try this place?

Write a review