Ajloun Forest Reserve

المحمية كثير حلوة و كبيرة, بتشوف اشياء كثير غريبة و جديدة

احلى اشي هناك الشجر مكون مليان نوع من انواع الفطر

و شجر الزيتون الروماني كثير حلو بوصل عمر الشجرة تقريباً من 1000 الى 2000 سنة حسب ما سمعت

و شجر هناك مش كثير كبير بس منظرو الصغير بجنن

بنصحكم تجربو المحمية كثير حلوة

محمية غابة عجلون من المناطق التي يجب على كل اردني زيارتها سواء للتخيم او للمشي بين اشجارها (هايكينج)

بالنسبة للتخيم في اماكن خاصة, خيم من خشب كتير مرتبة بين الاشجار

اما الهايكنج في طريقين خاصين بين الاشجار والاعشاب نصف ساعة او ساعة والحلو انه على جانب الطريق في اشارات بتدلك على الطريق.

الجو كتير جميل في المحمية والنظافة ممتازة والهواء عليل ومنعش

وفي اخر الغابة في بيت الصابون وبيت الخط العربي وبيت البسكويت يجب زيارتهم فقط للتعرف على جمال تراثنا الاردني العربي

فكرة المحميات بحد ذاتها فكرة جميلة وحضارية لكن يؤسفني إنه متلها متل كتير أفكار تشوهت عند التطبيق مش عيب بالفكرة ولكن عيب بالمنفذين..

رحلتنا للمحمية كانت بسيارتنا الشخصية أنا وزوجي .. بعد ما تصفحنا موقع المحمية ع الانترنت وعرفنا عنها تقريبا كل شي

وإليكم تقرير بالاختلافات الي وجدناها ما بين ما ذكر على الويب سايت وبين ما وجدناه على أرض الواقع

1- في الموقع ذكروا انه في المحمية ممرات للمشي والاستمتاع بالطبيعة مختلفة في الطول ودرجة الصعوبة وبالتالي فيه منها ممرات ممكن تمشيها لوحدك وممرات لازم يكون معك دليل.. والممرات الي بتحتاج لدليل لازم تدفع عليها فلوس بتتراوح من 9 - 21 دينار على الشخص الواحد (من غير ضريبة المبيعات)! ومش جايبين ابدا سيرة الحجز المسبق للمشي بالممرات

الواقع: لما وصلنا بعد عناء طويل وطريق شاق وصعب قالولنا انه ما بنقدر نمشي باي ممر - باستثناء الممر القصير الي اسمه الايل الاسمر اعتقد- لانه ما في حجز!

انا مش فاهمة .. الممر الي ما بده دليل لايش نحجز؟ ولما قلنالهم انه ع السايت ما في ذكر للحجز الا لاماكن التخييم قالوا احكوا معنا تلفون!

2- ممر الايل الاسمر المتاح للجميع وبدون دليل قالوا لنا الموظفين انه بياخد مشي ساعتين.. قلنا ممتاز

شدينا الهمة وبدينا نمشي.. صدقا انه انهينا الممر ورجعنا لنقطة البداية بعد مشي 13 دقيقة فقط!

3-المطعم كان مغلق وما فيه اي بوادر انه يفتح بالاجل القريب رغم انه احنا رايحين يوم جمعة وبفصل الربيع والاجانب اكتر من العرب بالمحمية

4- دكان الطبيعة وهي عبارة عن دكان صغيرة فيها منتجات من الطبيعة .. اسعارها مبالغ فيها جدا وما في تنوع بالمعروضات

5- على الويب سايت قالوا انه فيه اماكن مخصصة لاشعال النيران لكن لاواقع انه ممنوع باي مكان تشعل نار

6- المكان الوحيد للجلوس والاستراحة هو المطعم المغلق والشاليهات المخصصة للمبيت فقط

7- بالنسبة للاخت الي سألت عن الاسعار الاسعار موجودة كلها على موقع المحمية ع الانترنت مع ضرورة الانتباه الى انه الاسعار غير شاملة ضريبة المبيعات

لكن بشكل عام رسوم الدخول للمحمية دينارين + 16% ضريبة مبيعات

نصيحتي.. للناس الي بتحب المشي والمغامرة والاكتشاف فيه حوالين قلعة عجلون ممرات طبيعتها بتسحر وببلاش وفيه اماكن تستريح فيها وتاخد راحتك ع الاخر

وسلامتكم

بصراحة عجلون غير عن كل اماكن الاردن مافي مثل جو واشجار وطبيعة عجلون وهواها جو جميل ولطيف جدا انا اشتغلت فترة فيها وكل مازرتها بحس اني اول مرة بزورها جربوا وزوروها مارح تندموا واحلى اشي لما تطلعوا على القلعة مرتفعة جدا ومناظر جميلة جدا

كتير رحت محميات من قبل بس المحمية هاي عنجد بهرتني . طبيعتها بتجنن بس الاحلى من هيك مقدار التنظيم الموجود فيها بسهل على الزائر كل اشي وبخلي يستمتع بوقته وبس. لانها فيا كل ما بحتاجة الزائر من خدمات مع انه الحمامات ممكن تكون انظف شوي بس ممكن نحنا حظنا هيك كان هداك اليوم . احلى مافي المحمية انها تخصص هايكنج . وحسب ما فهمت في طريقين . نحنا اخدنا الطريق الطويل لبيت الصابون بدون مرشد . الطريق اجمالا كانت كتير منظمة وفي قارمات ارشادية والطريق مبينه لكن وصلنا لمكان احتجنا في مساعدة الدليل وساعدنا كتير . كان كتير خدوم المرشد وصبر علينا حتى عرفنا الطريق بالظبط. كان الطريق شوي فيه تحدي بس بناسب كل الاعمار وبحسس الواحد بحيويه . بس فس اشي ما فهمته بنص المحمية في برض ضغط عالي . وهاد اشي كتير عجيب لانها محمية المفروض كل الاشياء الي رح تأزي الطبيعة تنشال . المهم جربوها واحكموا بنفسكم.

طلعنا رحلة على المحمية من تنظيم برية الأردن، كانت منسقة و حلوة، وصلنا على المحمية بعد ساعة من الانطلاق من عمان، عملنا هايكنينج جوا المحمية، في شجر نادر جوة المحمية، والجو كتير بياخد العقل، في أماكن مخصصة للنوم جوا المحمية على الطراز الريفي القديم كتير حلوين، و في جوا المحمية مطعم، كتير تفاجئت انو في عنا بالأردن مكان حلو متل هيك، خصوصا انو أغلب الناس دايما بروحو على دبين و ام قيس و اشتفينا، ما بخطر ببالهم يروحو على محمية عجلون، يمكن بدها شوية ترويج سياحي، بنصح كل حدا يروح عليها، لأنو عن جد تجربة غير شكل، ليتمتع بالهوا النظيف والمناظر الخلابة، خصوصا بالربيع، وماتنسو تروحو على بيت الصابون وبيت الخط وبيت البسكوت.

ما أجمل الطبيعة! أشجار و أعشاب و هواء نقي ... برأي كل شخص لازم يعمل نقاهة و يشم هواء نقي كل فترة و فترة و تشرب من النبع كمان .. أنا رحت مع أصحابي في الشركة عليها. كانت رحلة بتجنن و الهواء حجميل و تعرفنا على كثير شغلات مثل بيت الخط العربي و بيت الصابون و كمان تغدينا في إحدي بيوت الناس و كان الأكل كثير زاكي. بالنسبة للسعر 120 لـ 4 أشخاص.

Went with a group to have a hike, the reserve is well maintened, we that we visisted in spring days, march, wonderfull trees and plants that you would never see except in ajloun, the hosts were very helpful and passionate about nature, just my draw back when you get to a hike you could easily lost from not very clear signs to stay on track, maybe that part of the fun (Lost ) .

I highly recommend for everyone, specially if they can stay over in one of the wood bunaglos

بصراحة المكان كتير حلو و بتميز بأشجاره الكثيفة و بنظافته و بإطلالته الخلابة و هوائه النظيف.

و بتميز هذا المكان بإمكانية المشي بين اشجاره بطريق واضحة مع وجود اشارات تدل على الطريق الصحيح لعدم الضياع في الغابة و ايضا يوجد مكان للمبيت في الغابة بسعر 81 دينار للشخصين و 120 دينار لأربعة اشخاص و انصح الجميع بزيارة هذا المكان.

Went there with the company 2 weeks ago. The reserve is amazing, inhabited by amazing wild life. They did a good job maintaining it. They offer one day pass as well as accommodation in a very nice bungalow. For hikers, beginners or professional they have many trails that you can pick and enjoy the scenes.

كانت أول مرة بزور المحمية وأول مرة بعرف انه في عنّا هيك مكان رائع بالأردن، طبيعة خلابة ومناظر حلوة جدا، وفيها عدة نشاطات، مشي سريع وتخييم، كانت تجربة كتير حلوة وأكيد بعيدها، والحلو فيها انها مرتبة ونضيفة ومنظمة،

كنت مع مجموعة من زملائي وعملنا Hiking (مشي سريع) كانت الطريق كتيرحلوة وسهلة وكل منطقة فيها أحلى من التانية، وان شاء الله المرة الجاي رح أجرب التخييم.

اللي ما زار المحمية بنصحه يزورها لأنه فعلا ما بتتعوض واللي ما زارها راح عليه كتير :)

One of the nicest places you can go to see the nature, I was with Jeeran trip to this place a few weeks ago, besides the beautiful nature, we have visited (بيت الصابون ) and (بيت الخط العربي). Also we had lunch in one of the locals house which was a very nice experience.

من افضل الاماكن الطبيعية في الأردن و تمتاز بيئيه خلابة ،من ناحية التنظيم فهي جداً منضمة حيث تجد الإرشادات علي جميع الطرق

و اذا احتجت الي ألمساعده فالمرشد عندهم ممتاز ،بالاضافة الي وجود امكانية التخييم هناك فهناك بيوت خشبية مجهزة لهذا الامر ،تجربتي الشخصية بصراحة كانت ممتازة و وممتعة جداً و بنصح كل واحد حاب يغير جو و يشوف الطبيعة الخلابة انو يزور هذا المكان

رحنا مع الشركه على هي المحميه . كانت رحله رائعه كتيير ، المناظر الموجوده كتيير رهيبه كلو شجر و غابات الواحد بترتاح نفسيتو فيها ، المحميه عباره عن غابه و عاملين بداخلها طريق عشان الناس تمشي فيها ، فيها كمان أماكن للتخييم .. يعني يلي بدو يغير جو و ينبسط و يضل يمشي يروح على عالمحميه و رح يمشي ليزهق :)

محمية عجلون من اروع الاماكن اللي زرتها بالاردن ... مكان ملئ بالاشجار المناظر خلابة .. في اماكن متوفرة كتير للقعدة بين الاشجار بامكاناك تمشي لساعتين .. تتوافر الحمامات العامة

اذا بدك مكان هادي ورايق بنصح بتجربته

المحمية نظيفة وفي دلائل عالطريق بتدلك انت وين رايح ..

فيها كتير اماكن مميزة متل بيت الصابون وبيت الخط العربي

I went to this amazing place with my company as part of the social activities we do every now and then, All I can say it is a piece of heaven! You enjoy the hiking experience in every step with the amazing views, tress and fresh air. It was beyond my expectations.

We choose the hike in Reo dear trail; it’s easy, it took us almost 1 hour to get back to the reserve center. We went by ourselves without a guide the trail was easy and we didn’t get lost we only used the map and the signs.

While hiking we found some bungalows and cabins in the middle of the reserve with an amazing view I asked later on the how we can rent them and the whole accommodation thing , it cost 81 JD for couples and 120 JD for 4 people. I will defiantly go and try it the for a different experience

We were told we chose the best time for this trip, spring; the land was green and all covered with wild flowers like a colorful carpet.

If anyone want a peace of mind this place is highly recommended where you can enjoy the beauty of nature and relax

This place truly fits the rating description "Out of this world". We went there as part of our quarterly office trip and it was fantastic.

You won't believe that this place exists in Jordan. Lush "Balloot" forests that covers hills as the eye can see. The RSCN did a fantastic job with the facilities over there as well. We took a hiking trail from the reserve offices to the soap shop at the other end of the forest. It took us an hour and I would consider it a mid-to-easy hike.

I cant wait to go there again.

زرت محمية عجلون لأول مره الأسبوع الماضي كانت تجربة مميزة جدا الطبيعة كتير حلوه الطريق للمحمية سهل وكتير حلو خاصه بهذا الوقت الجو كتير حلو والمناظر حلوه كتير وفرصه مميزة للمشي بين الأشجار في كذا طريق بتقدروا تسلكوه في علامات للدلاله على الطرق والأماكن القريبة من المحمية مثل بيت الصابون بنصحكم اتجربوها خاصة بهالوقت

مكان صعب انو الواحد يوصفو جميل جداً الهوا نضيف الشجر بجنن ،اشجار غريبة مناظر حلوة وهناك ممكن تعمل Camping، كل شي في رائع والواحد بفتخر انو في ببلدنا متل هيك مكان جربتو مع الشركة وكانت رحلة بتجنن وتجربة مختلفة ، بتتمنا انك تبقى في على طول ، الاطلالة في حلوة كتير وهناك عملنا Hiking وطبعاً هاد كان احلا مافي الرحلة من انك بتكتشف المكان كلو وكيف الطريق وتمشي بين الشجر ، بالنسبة الي بتمنا اعيد زيارة المحمية مرة تانية واستمتع اكتر بعتبرو من الاماكن المميزة في الاردن والواحد بجرب في تجربة حلوة كتير مابنساها اكيد..

it was one of the most amazing experiences for me, everything was more than amazing, the view, the broken signs i really like it because it's make us lost in ajloun.

you can go there for hiking and discover the areas in this place, after hiking you can find a place to eat, it's amazing.

Last but not least, they have small houses for camping!

you should live this experience.