Amman talks Help?
ليش نايمين؟
مرحبا جيراني الاعزاء
سؤال محير
بدي اعرف لي نايمين؟ لي ما في مشاركات او مناقشات؟
معقول الشوب اثر عليكم؟
طب في جيران خففو مشاركات متل سيد صالح وبلال ابولاوي وهدى العقرباوي وسما وحنان وديمة واحمد وسمية
وغيرهم
شي غريب لي بطل حدا يبعت؟
Share your views on this topic!
(you must enter at least 20 characters)
والله يا جار فراس الشوب مأثر علينا اذا المكيفات مبطله تبرد فإحنا شو نعمل؟؟؟
كنت مشغولة كتير هاي فتره ما دخلت النت من اسبوع وصرت اخاف اطرح مواضيع من قد ما بتلغيها ادارة موقع فبكتفي بتعليق على مواضيع الاخرين
موجودين أخ فراس .. بنتابع عن بعد .. بتعرف الصيف مشاغلو كثيرة .. إن شاء الله برجع بشارك بفعالية أكثر ..
والله يا ديمة مرحبا فيكي من جدبد وحمد لله ع السلامة ، لي الخوف ومن ايشـ، اصلا الادارة الها فترة طويلة ما عم تحذف شي ابدا الا المواضيع يللي ما الها علاقة ابدا بعمان
سيد بعرف انك موجود بس استغربت من الغيبة وعم المشاركة
طب انا بدي اعرف طالما مافي مواضيع نحكي فيها لي ما نرجع نفتح المواضيع القديمة ونحدثها؟؟
احمد، معك حق الشوب اثر تماما :)
هيني صاحي اليوم !!! ليش نايميين !!! .. هههههههه
جاري فراس والله انت دايما بتخجلنا لانك دايما بتتزكرنا ..... وبتسأل عنا الله يسعدك يا رب ^_^
يعني اكيد احنا ما بنترك الموقع هوووون بس هالصيف كله وعجقه بعجقه مناسبات + رجوع المغتربين بس انشاللله بنرجع نشيطييين متل اول واحسن
وشكرا كتيررررررررررررررررررررررر عالسؤال
جيراني كيفكم؟!!!! شكلكم نسيتوني :| بس أنا ما نسيتكم و مشتاقلكم بتمنى تكونو كلكم بخير و سلامه جميعا بلا استثناء لكن بشد سلامي لسيد و فراس لإني و الله بحترمكم جدا ماشاء الله دائما أساليبكم بالحوارات و معلوماتكم مفيده و رائعة، طمنوني عنكم، أما بالنسبه لبلال وينو مختفي :| بجوز راح اتزوج و تركني لحالي :|
السلام عليكم .. مساء الخير أخي عصام .. إن شاء الله ما بننساك وبتضلك على البال يا طيب .. كل الاحترام والتقدير لك أخي الفاضل .. ونحن بخير والحمد لله وبلال موجود على الفيسبوك هذه الأيام ولا يتواجد كثيراً هنا وهو بخير ولم يتزوج بعد لكنه يجهز لذلك أسأل الله أن يوفقه ويوفق الجميع للخير .. وأتمنى أن يعود الجميع إلى الموقع للمشاركة من جديد كما أتمنى من إدارة الموقع أن تسارع في تنفيذ وعودها التي قطعتها لنا بضرورة تحسين الموقع وخاصة قسم الحوارات ومعالجة المشكلات الموجودة لجذب الجيران القدامى والجدد وإضافة المدن الأخرى وخاصة مدن فلسطين المحتلة وعلى رأسها عروس المدن القدس المحتلة .. شكراً لك أخي على تذكرنا وشكراً على هذه المشاعر التي نبادلك مثلها .. أنتظر مشاركاتك المكثفة .. دمت بخير والسلام عليكم
جارتي هدى الله يسعد صباحك، اكيد لازم احنا هون نسال ونطمن على بعض لانو هاد واجب الجار على جيرانه وانا مابعمل غير انو اطمن على الجميع متل مالجميع بعمل مع جيرانه
وانا بقدر مشاغل الناس بالصيف وانشغالهم مع اقربائهم وشغلهم وماشابه ذلك ويارب يسعدك انتي والبقية
سيد على راسي وبعرف انك مابتقصر
عصام مين قال انو نسيناك بالعكس انتا في قلوبنا والله والله يسعدك ويسبطك ونشوفك دايما ع خير
بتمنىمن الادارة المضي قدما في تنفيذ الطلبات لكن كما قالت لنا سابقا بدها وقت ومش بسهولة كل شي بصير
اخي عصام ازا بتتوافر عندك اي معلومات عن مناطق بفلسطين كمدن او اماكن ابعتها لادارة جيران حتى تجمعها عندهم وهيك بتكون انتا خدمت الموقع كمان
السلام عليكم ورحمة الله وبركاته
صباح الخير للجميع ولك أخي فراس ..
ويسلم راسك أخي العزيز ...
يسعد صباحك سيد، كيفك؟
وين بلال يا رجل؟ شو اخبارو؟
الحمد لله أنا بخير وبلال كمان
وإذا بدك اتصل فيه واطمن عليه وطمنا عنه .. أكيد معك رقمه!
ان شالله رح اتصل بحضرتو، والله شايفيه ثقلان علينا؟؟ الله يديم الصحة والعافية ع الجميع يارب
اللهم آمين ... الله أعلم ربما عنده بعض الظروف تمنعه من المشاركة الفعالة ..
هلا جاري فراس .....حلو اهتمامك بالسؤال عن الجيران :) .... والله اتوقع بشكل عام انه السبب مواضيعنا محدودة نوعا ما ... وانا عني مشغولة شوي بدراستي ... اشوفكم ع خير جيراني ..مساكم سعيد ^_^
هلا دانا، الله يوفقك وبتمنى انك ضلي بخير وجميع الجيران يارب
اكيد بتمنى انو نشوفك ع خير يارب
صباح الخير للجميع
سؤال غريب، وين اخفت كل من سما وحنان وديمة؟
صحيح جارنا العزيز صالح وين مختفي؟؟؟؟
يلى المختفيين يطمنونا عنهم حتى لو ما بدهم يشاركوا بالموقع ويا رب يكون الكل بخيرررررررررررررررررر
الله يسمع منك يا هدى، يعني اوك في جيران ما عم يبعتنو لانو بنظرهم مافي حوارات تستحق النقاش بس على الاقل يبعتولنا لنطمن عليهم
شكرًا جار فراس والجيران الاعزاء بطمنكم أنا بخير وانشغلت قليلا بالزواج والسفر وانا حاليا بامريكا وما عندي نت غير بالموبايل ان شالله بس نوصل انترنت فترجع مشاركاتي . تحياتي للجميع في عمان الحبيبة
الف مبروك يا سما، تزوجتي وماجبتي سيرة؟ الله يبارك في زوجك ويستر عليكم ويرزقكم الذرية الصالحة ان شاء الله
وانشالله تتهني وتنبسطي وترجعي بالسلامة يارب
هممممممم مرحبا جيراني والله اشتقنالكم انشاء الله تكونو دايما بخير
السلام عليكم
صباح الخير للجميع ..
اليوم يوم مبارك وهو أفضل الأيام وفيه ساعة يستجيب الله فيها الدعاء فادعوا فيها لآبائكم وأهلكم وأنفسكم ولإهلنا في فلسطين وسوريا ومصر وكل مكان .. نسأل الله أن يستجيب دعاءنا في هذا اليوم وكل يوم ..
اللهم امين ويسمع منك يا سيد والله يفرجها على الجميع ان شاء الله
وايضا يارب نسمع كل الاخبار الطيبة من جميع الجيران يارب
اللهم آمين ... اللهم آمين ..
هه ما بعرف نظامكم بس انا جديد وراح احاول كل يوم يومين اضع موضوع ^_^