Amman talks Help?
الصيف في عمان
بدخول العطلة الصيفيه مع فرحة الاطفال بيزداد ع الأهل دور الرعاية وتوفير اجواء آمنه ومريحة لأبنائهم خاصة الترفيهيه والتعليميه ،لكن بنلاحظ لما بيفكر الاهل بيسجلوا ابنهم في نادي رياضي او مسبح او فرقة كشافة لتنمي مواهبهم وتحمي كثير منهم من الإنحراف ...
بيكون المبالغ خياليه فاما عبئ اضافي او ان يحرم الطفل يتمتع اللي بيشكل فراغ واثر ممكن بشخصيتوا ...فمين عندوا افكار خاصة لأطفال عمان الشرقيه كثير حزنت لما مريت من يومين بشوفهم بدون خدمات شبابية ولا نوادي المفروض انها متوفرة بالمراكز التنموية من اشراف البلديات لكن بعز الحر لا مكان لهم سوى التراب والشوارع الفرعية من دون منهج او فكرة بتسخر الهم نظرة للمستقبل او حتى بترسخ الشعور الإنساني المستمد من العطاء والفكرة والمحبة ...ممكن اسمع رايكم وحلولكم لمثل تلك المناطق لأجل طفولة بريئة.
Share your views on this topic!
(you must enter at least 20 characters)
والله موضوع ع الوجع صراحة :( كتير بعرف ناس مو قادرين يعملوا شي لولادهم خلال العطلة الصيفية لإنه صراحة الأسعار عم تقتصر ع شريحة معينة من الناس والباقيين ما في داعي يستفيدوا من عطلتهم :(
بتزكر وأنا صغيرة كان في مكتبة للأمانة قريبة ع بيتنا كانت ماما تسجلني فيها ب3 دنانير بالسنة وكانت توصلني عليها كل يوم وأضل هناك من ساعتين ل4 ساعات حسب إزا كانوا عامليين شي ألعاب أو تسلاية إلنا لنغير جو وكنا نقرأ قصص ونستفيد ونشيع وقتنا بشي مفيد ومسلي وبنفس الوقت كنا نقدر نروح معنا كتابين لمدة 14 يوم فجد كانت العطلة الصيفية ممتعة بالنسبة إل :)
لو في بعمان الشرقية متل هيك مكتبات للأمانة جد الأطفال بيستفيدوا وبيتسلوا بنفس الوقت وحرام أقل ما فيها بيضلوا بجو بارد أريح من شمس الصيف..
مسا الخير جارة منى
القراءة فكرة جدا رائعة خاصة للفتيات ...
لكن لو نفكر للشباب وللفتيات ببرامج متكامله حتى لو كانت باسعار رمزيه نخفف شوي من معاناة الاهالي في مناطق شرق شرق عمان.......
يا الله شو منظر مؤثر ومحزن ومخري كمان لما بنلاحظ الفرق ما بين الرفاهية بعمان الوسط والغرب ننصدم جد وين التنميه وصلت...! بتمنى من امانة عمان " عمدة المدينة " لما بيزيدوا عدد المناطق التابعة الهم بيفكروا بتنميتها اكثر من جمع الضرائب...!!!
والله يا جارتي معك حق بس المشكلة العين بصيرة والإيد قصيرة :( يعني جد لو الأمانة تغلط وتفكر بمصلحة الصغار شوي ممكن يطلع معهم شي بس عنا بيحبوا كلمة هات أكتر من خود :(
انا متلا اليوم بس لقيت مركز علشان اسجل فيه ابني وبقدر اسجلو فيه بناء على مقدرتي المالية
يعني انا الي فترة عم دور ع مركز مناسب وللاسف كل ما الاقي مركز او نادي اتفاجأ باسعارو الغالية جدا ومعظهم فعلا تركيزهم على ذوي الدخل العالي بغض النظر عن المنطقة او العكس التركيز على سكان الغربية دون الشرقية
ومابعرف هاي الامور يللي لازم التركيز في توعية الطفل والاهتمام به لابد ان يخفضو اسعارهم حتى يستفيد نسبة كبيرة من الاطفال بدلا من ان تجدهم بالشوارع
طيب مين المسؤول عن هاي الاسعار؟ مش المفروض يكون في اهتمام اكتر بالطفل باعتبار انه جيل المستقبل ونواة الغد؟؟
بخصوص مكتبات الامانة يا منى هي موجودة وتقريبا في كل منطقة وعنا مثلا في المقابلين مكتبة للامانة بس للاسف هي عبارة عن تصغير لمكتبة والكتب يللي فيها جزء بسيط جدا ويمكن تفكي المطلوب ولكن للاسف الحديقة الخارجية لها عبارة عن ملتع للزعران او المعاكسين او للحبيبة
الله بيهونها يا جاري جد شي بيفلق :( أنا أختي عم بتعاني من نفس القصة يعني عندها 3 ولاد وعم بتدور ع شي نادي صيفي كويس تحطهم فيه صراحة اكتشفت إنه الأسعار تقريباً أغلى من أقساط الفصل الواحد بالمدرسة يعني مو هيك الإستغلال :s ومشان مكتبات الأمانة أنا كنت أروح عليها قبل 10 ل15 سنة أيام الطفولة بس بتزكر كان فيها كل أنواع الكتب وكانت كبيرة وحديقتها مرتبة ما بعرف هلا شو صار فيها، يمكن لإنه بطل حد يقرأ وصار الكل يقعد ولاده ع النت و ع الألعاب بطل حد يهتم فيهم :(
بجوز متل ما قلتي ماحدا صار يقرأ فبطلت الامانة تسال؟ بس هاد غلط يعني المفروض يكون في اهتمام عالي من قبل المسؤولين متلنا متل الدول الاخرى يللي بتهتم في الطفل وخصوصا الاجنبية بشكل كبير وبتركز على كل احتياجته وغالبا بتكون مجانية او باسعار رمزية المهم عندهم الطفل يوعى بعقلية وتوعية كاملة وفاهم شو بعمل او شو بدو يعمل
فعلا نقطة اخرى يللي هيا استغلال النوادي الصيفية للاطفال باسعار عالية جدا تكاد تكون اغلى من الاقساط الصيفية ولااعلم السبب لذلك؟ المفروض النادي الصيفي اقل تكلفة ولكن اللي بصير النادي الصيفي اكتر واغلى سعر
الله يفرجها يارب ع الجميع ويكون في عون اختك يا منى وعون البقية
يسعد صباحكم جيران
جار فارس صح لسانك شفتها عن قرب مكتبة المقابلين ومثل ما وصفت لكن المقابلين اهون بكثير من وضع المناطق الشرقيه ...
والغريب المستهجن مافي برامج من امانة عمان لكل منطقة تتوزع ع الأهالي بالخصوص الا بعرف برنامج في امانة عمان لكن كمان ربحي فاحش وبعيد ...!
اما المدارس الخاصة فتستغل الأشي وتعلن عن برامج صيفيه بالتعاون مع نوادي صيفيه والمربح ع ظهر المواطن
وبيضطر كثير اهالي تسجيل ابنائهم لأن صحابهم هناك...!!!
لكن بيظل التفكير بؤرة الحدث مين المسؤول وين "الإنسان اغلى ما نملك "بحاجة لتأسيس الموضوع مو محتاج لمليارات ...!
للاسف الشديد الانسان الى ما نملك اصبحت كلمة ولكن هدفها ربحي بحت من قبل الاخرين وبالاخص المراكز او المؤسسات التعليمية بحيث بات الطالب اغلى ما نملك لانه فقط يدفع فلوس
يسعد صباحك يا رب :) والله يا جارتي قصة إنه الإنسان أغلى ما يملك كل ما فيها عم تغبش لحد ما تنتهي من الوجود، بطل في حد يسأل بالإنسان الكل صار يسأل عن ياللي بجيبته وبس :s جد موضوع بيفلق وبيوقف شعر الراس.. الله يهونهقا ويتلاقى حل
سعيدة بتواصلكم جيران
لكن خطر ببالي فكرة ما دمنا كلنا بنشكي نفس الوجع ...عمروا حدا لفت نظر المسؤولين للأشي رسميا
الأهالي خصوص...
وفي حدا عندوا فكرة مجتمعية لإيجاد برنامج لامنهجي منتكامل بالعطلة الصيفيه لأبناهم بالتعاون مع الأهالي والجمعيات الخيرية ...؟!
والله يا جارتي لو حد فطر يطالب بهيك شي الرد معروف "الشعب مو ملاقي ياكل فكل واحد يضب ابنه ببيتهم وخلص" لإنه عنا بيهتموا بالأطفال أكتر من الكبار :s
للاسف الشديد مافي داعي نحكي بشكل رسمي لانو هالموضوع اصلا مطروح ع اجنداتهم من زمان بس ما حدا بسال و ازا في اهتمام بركزو فقط ع ناس وناس ومافي مساواة ابدا
بالتالي انا بوقف مع منى بحكيها انو الواحد يضب ابنو في البيت افضل
لكن ازا صار ماصار اكيد في كتير رح يطالبو بالاهتمام في الطفل وحقوقه بشكل متساوي مع اطفال اخرين لانو الطفل هو جيل المستقبل
يالله يا جيران والله بعرف ان الموضوع مقيد شوي لكن اذا كل واحد رح يحكي هيك بالمجتمع ما رح نوخذ حق..!
والاطفال عمرهم ما بيوصلوا لوحدة من درجات التفتح الذهني ...
شو الصيف بسكليته ع الشارع وبس من غير فكرة ..!
ليش ما بنفكر مثل "تيلي ماتش" جد كل مجموعة بحي تتواصل مع بلديتها او الأمانة تعمل عريضة ولازم توصل عن طريق مجلس النواب كضرورة وليست كمالية الفكرة ابدا ...!
رح ظل متفائل ولكن الموضوع محتاج لصوت عاااالي وجماعة متفقين ...
اخ يا منى فتحتي على مواجع وزكريات طفولة انا كمان كنت اسجل بالصيف بمكتبه امانة وكان جنبها ملحق ثقافي عند حديقة حمزة بماركا الشماليه (كنت هناك عايشه لصف الرابع ) كنت دائما اخد جائزة صديق المكتبة لاني كنت هاديه وهي عبارة عن مقلمة فيها كل ادوات واخدت جائزة بالرسم بتزكر كانت صورة لاهرامات وكان في ندوات لتعليم كتابه قصة قصيره وانا بعمر 6 سنين يحكوا عن مقدمه وحبكه وكيف لازم كاتب يوصل للعقده يعني هسا واحد عمره 6 سنين ما بفهم هيك حكي بس انا هسا بكتب منيح بفضل هديك مراكز الي ما كانت اتكلف شي انا حزينه يا منى انو على زمنا مع انو لا في تطور ولاشي انو نحن كنا نحصل على خدمات افضل من هسا اهتمام بطفل صار فعلا مقتصر فقط على اطفال الاغنياء يعني حتى متحف الاطفال الي هو مشورع هادف جدا ورائع جدا كون انو واحد لازم يدفع 3 دنانير على راس مهما كبر الراس او صغر يعني 5 اشخاص بدفعوا 15 مو قدرة اي حدا على هاد شي وايام مجانيه اكتظاظ بضيع فرصة التعلم واستفاده يجب ان تخصص ايام مجانية لمناطق معينه مثلا يوم كذا لاهل منطقة كذا وهاي منطقة تكون معروفة انو دخل قانطيها متوسط او متدني يعلموا في هذا اليوم مجاني
حبيبتي ديمة :) جد كانت أيامنا كتير حلوة وكنا نستمتع ونستفيد وكانوا يشجعونا لنعمل شي نستفيد منه والحلو كنا نعملوا ونحنا مبسوطين حتى لو ما أعطونا جوائز :) ولو أعطونا كانت الجوائز كتير بسيطة زي ما حكيتي مقلمة أو علبة ألوان أو حتى دفتر :) يا الله شو كنا ننبسط فيهم.. هلا لو تعطي ولاد هالجيل شي متل هيك ما بيعجبه :( جد زمن غريب..
بالنسبة لفكرة متحف الأطفال فعلاً معك حق بهاي النقطة إنه فرصة يقسموا وقتهم صح أو مثلاً بيقدروا يعملوا الأيام المجانية بحجز مثلاً ويحكوا لكل حد متى ممكن يجي بدل ما تقلب جوا سلطة :s
والله يا جارتي هدى بعرف انو الواحد فينا لازم ينده بوصت عالي لياخد حقو بس المشكلة الكبرى انو في ناس ما بدور على المصلحة العامة قدر مابهتمو بالمصلحة الشخصية حتى لو كانت ع حساب الاخرين
اكيد لو الجميع حد ايدو بايد التاني وشكلو ايد وحدة لياخدو حقهم طالما هو حق مشروع وفي فائدة كبيرة للطفل بشكل عام لانو فعلا نحن بحاجة لتنمية مهارات الطفل
وهاي كانت مشكلتي مع ابني الكبير ( عمرو 4 ونص ) دورت ع مراكز فيها تنيمة او تثقيف او حتى تسلية ما لقيت الا باسعار مرتفعة او مابقدر عليها لا مركز واحد وانا صدقا رح احكي عنه لاحقا
هاد المركز خلال 3 ايام ابني صار يعرف يعد صح ويحكي صح وحتى انو صار حفظ بعض الايات القرانية ( اي نعم اي طفل بالتعلم بعمل هيك ) بس انا كانت مشكلتي انو الولد طول الوقت ع التلفزيون وهلا صار وقتو للدراسة اكتر من التلفزيون وهاد يللي اقنعني انو المركز فعلا فاد الولد وخلاه يتثقف وصار كمان يسال ويستسفر عن امور كتيرة
والاهم انو صار عندو اختلاط واصدقاء يحكي او يلعب معهم
والله يا دمة هالموضوع مابعرف شو قصتو؟ لي مافي اهتمام كتير بالمكتبات العامة يللي موجودة في المناطق الشعبية الا ما ندر طبعا
مكتبة المقابلين مثلا انا زمان ما دخلتها من جوا بس كل يومين باخد الاولاد الها باعتبار انو في مكان للالعاب والجلسات العائلية الصغيرة وبتفاجا انو هيا عبارة عن مكان للزعران والمعاكسات وملتقى الحبيبة والاراجيل وحتى الحارس الموجود هناك مابعمل شي بالرغم انو بشوف طوش كتير او معاكسات او حتى تكسير كتير وبضلو ساكت؟
مين المسؤول عن المكتبات العامة؟؟؟ سواء من الداخل وتزويدها بكل انواع الكتب واحدثها والساحات الخارجية يللي المفروض تكون مكان للقراءة او لعب الاطفال طالما فيها العاب الهم؟؟؟
الله يرحم المكتبات عنا الدول اجنبيه حتى مع تطور قراءة الالكترونيه ما استغنوا عن كتب وقراءه اي حدا عندهم بألف كتاب وكاتب مهنة راقيه وبتوفر دخل معيشي محترم وفي نسبة مبيعات كتب لا يستهان بها نحن ما عودتنا انو حبب الطفل بالكتاب مع انو على ما اعتقد رح يحل اي باد مكان كتب مدرسيه في سنوات القادمه
أتقد انو في كلامك صحة يا ديمة وانا شايف انو الاي باد رح يكون بديل للكتب وبالاضافة لذلك فعلا الدول الاجنبية لديها اهتمام كبير في الكتب والكتبا عكسنا تماما وهاد دليل على ضعف ونقص المعلومات لدينا وبالتالي يتحول هذا النقص تلقائيا للطفل