Amman talks Help?
طعام الاطفال الصحيح والصحي
مرحبا جيراني الاعزاء
بعرف انو الموضوع غريب لكن لانو بالفترة الاخيرة حاسس انو في كتير اطفال عم ينزل وزنهم بشكل غريب ومنهم اولادي وهاد لاحظتو بالفترة الاخيرة كمان على اطفال تانيين
سؤالي هلا يا ترى لي عنا بعمان بشكل خاص هاي الظاهرة عم تصير ؟ومابعرف ازا في حدا منتبه عليها او لا؟
وياترى شو هوا الاكل الصحي المزبوط للاطفال ليستعيدو صحتهم وعافيتهم؟
بتمنى المشاركة من الجميع لاهمية الموضوع
Share your views on this topic!
(you must enter at least 20 characters)
بنزل وزنهم؟!!
يمكن إن من حركتهم أما كاكل للاسف أنا بحس إن كلو غير صحي .. من كانديز لا جنك فود
حتى بالمقصف إلي بالمدرسه ما بعرف شو بتسموه هون الكافتيريا أو دكان ..
المشكلة انو عم ينزل وزنهم وانا لاحظت هالشي ع اولادي؟ مابعرف شو السبب
اولادي بعدهم مش بالمدرسة، الشوكلا مو صحية ابدا والمشكلة انو بطل الواحد يعرف شو هو الاكل الصحي من الغير صحي
شغل البيت ديماً صحي ونضيف ومضمون
اكيد، بس متل ايش شغل البيت؟ احيانا بكون شغل البيت فيه قلي وزيت وهيك امور صح؟
مو مقالي كل شي مسلوق هو مفيد
يعطيك العافيه فراس
موضوعك جدا مهم وبالنسبه لخبرتي مع الصغار بحب احكيلك انو هاد شي طبيعي خصوصا بالاعمار مابين 3 و 10 سنين ، كل الصغار بهاد العمر ببلشو يكبروا ضعف نموهم وبتزيد حركتهم بالمقابل بزيد اكلهم وبنزل وزنهم بشكل ملحوظ هاد شي مابخوف بالمره فراس بالعكس هوي شي طبيعي بس انت ركز عالفيتامينات والمعادن انو ماتنقص من اكلهم او بتقدر تعوضهم بالفيتامينات الحبوب شكلها حلو وطعمها لزيز الصغار بحبوها
أهم مقومات الوقاية لتجنب إصابة أطفالنا بانخفاض الوزن:
هناك عدة قواعد لابد من مراعاتها. و أهمها:
1 تقليل الضغط النفسي على الطفل بأن يستبدل الأبوان بعبارات التأنيب عبارات الحب والرفق والرحمة ليس عندما لا يأكل فقط بل دائما، حيث يعمد بعض الأطفال إلى جذب انتباه أبويه بالكف عن الأكل عندما يجد منهما بعض الصد لقدوم طفل جديد أو لإحساسه بنوع من الغيرة بالتمييز بينه وبين ابن لهما أو لغيرهما. فإذا علمنا هذه المشكلة فيكفينا معالجتها وليس من الضروري أن نهتم كثيرا بالأغذية التي تزيد الوزن.
2 تنويع الغذاء وأسلوب تقديمه، مع الانضباط في وقت تقديمه وعدم
وهي جزء من احدث الدراسات بخصوص هالموضوه انشالله تفيدك :
3 تقديم كميات قليلة من الأكل بحيث تكفيه دون زيادة، فلأن يطلب المزيد أفضل من كثرة الطعام في طبقه وخوفه بأن يطالب بأن يأكله كله، فهذا سيشجعه اكثر لتناول غذائه وكما يقولون: كل ممنوع مرغوب. ولنتذكر ان معدة الطفل صغيرة لا تتحمل الغذاء الكثير فلنحرص على الغذاء القليل المركز.
4 الحرص على اختيار الأغذية عالية الطاقة، والتي توفر في ذات الوقت عناصر مهمة أخرى لنموه، ويمكن اختيار ما يناسب الطفل صحيا من الأغذية التي سنوردها بعد قليل.
5 عدم تقديم الغذاء في الوقت الذي يلعب فيه الطفل، فإن الطفل يكره أن يترك شيئا يحبه ففي هذه الحالة سيكون اللعب أحب إليه من الطعام. والمفروض تخصيص وقت اللعب بعيدا عن وقت الطعام.
6 عدم تقديم الغذاء بعد اللعب مباشرة، لأننا لا نشتهي الطعام بعد المجهود البدني وكذا الحال عند الأطفال.
7 محاولة جعل اجتماعنا على الوجبة اجتماع محبة بين أفراد الأسرة، فنسعى بقدر الإمكان لتقليل الخلافات ونقاشها فيما بيننا وبين الأطفال بعضهم مع بعض. فقد يختلفون أيهم يجلس بجانب أبيه أو أمه، ومن منهم يجلس مقابلا للتلفاز. إلى آخر تلك الأمور، فلا بد أن تحل بشكل جذري ودون عقاب أحد.
8 عدم تقديم الغذاء البديل للطفل إذا لم يأكل مع الأسرة، حيث تجد أن بعض الأمهات تقضي وقتا طويلا لملاحقة الطفل لعله يأكل، وفي ذلك تعويد للطفل على أنه لن يخسر شيئا إذا لم يأكل مع الأسرة، ولكن عندما لا يجد أكلا بعدانتهاء الأسرة، فإنه سيحرص في المرات القادمة على تناول غذائه مع أسرته. بشرط ألا تبدي الأم أي علامة على قلقها عليه إذا لم يأكل معهم، فكلما كانت الأم حازمة سيكون النجاح حليفها، ولكن إذا كانت محاولتها ضعيفة فإن الطفل سيخسر الغذاء والتربية معا.
انت طرحت موضوع كثير مهم صحيح انه أغلب طعام الاطفال عبارة عن سكريات واطعمة مليانه بالمواد الحافظة الي بتأثر على الطفل لانها بتعمل اشباع وغير هذا كمان بتعمل السكريات على انتاج طاقة لطفل وانا معلمة صف أول يعني شوف في فترة اما قبل الفرصة الوضع سليم والنقاش طبيعي وحركة الاطفال طبيعي في الفترة التي بعد الفرصة بتكون الحصة اشي فوضوي لاني اذاضبطة الصف بهاي الفترة بكون عملت انجاز من كثر حركة الطلاب
أفضل عذاء صحي مغذب لطفل وجبة الفطور اذا احتوت على الزيت والزعتر بيكون الطفل حصل على نشاط كافي طبعا معه عصير برتقال
وجبة الغداء تحتوي على البروتين النباتين والحيواني ومواد غنية بالحديد مثل البركلي والسبانخ وعصير غني بالفيتامينات
مرحبا جاري فراس ^_^
اول شي الله يخليلك اولادك ويحميهم واحكيلي انت كم ولد وبنت عندك!!!
وتاني شي بالنسبه للغذاء الام الها دور كبير انها اتعود الطفل على الغذاء الصحي وحتى انها اتشجعوا بأنها تعمل الوان وطرق تقديم واشكال تشجع الطفل على الاكل من فواكه وخضار وتنوع بالاطعمه
وحتى الاشياء الزاكيه يلي هي مضره اتخليه ياكل منها بشكل محدود يوميا ..... وطبعا اكل المطاعم اكيد ازا اكلوا مره او مرتين كل شهر ما بكون فيه ضرر
وكمان الاهل ما يضلوا ينقوا على الطفل بكلمة(يلى كل) خليه يجوع ويطلب الاكل
بالبداية بشكل من ساهم في هاد الحوار لاهميته بوتمنى من كل شخص عندو معلومات جديدة او نصائح يدخل ويحكي بالموضوع واخص بالذكر يللي عندو خبرة بهاي المواضيع لاهميتها القصوى
تاني شي اشكرك يا سمية على هاد الطرح والمعلومات يللي دكرتيها
سونة اهلا وسهلا فيكي جارة جديدة النا وبتمنى منك المشاركة باستمرار في الحوارات وخصوصا كونك معلمة اجيال
هدى الله يسعدك، انا عندي ولدين بفضل الله
المشكلة يللي عندي انو في بعض الاطعمة او الفواكه او الخضرة مابرغبوها الاولاد ابدا وكمان هاد لاحظتو على اولاد قرايبي ومنهم اولادي صارو يقلدوهم وهاي كمان نقطة مهمة وهية تقليد الاطفال لبعضهم في كل شي وهون لازم ننتبه ع هاي الامور
البركة بوزارة الصحة والمنتجات التي تحوي على مواد حافظة ومسرطنة ويسمح لها بدخول الأردن أو من منتجات المصانع في الأردن - مع العلم أن معظم هذه المواد تم حظرها بشكل تام في الاتحاد الأوربي من زمان وكذلك من وزارة الصحة الأمريكية.
والله يا ثعلب كمان التجار يللي ما بخافو الله الهم دور بهيك امور وطالما هما مش خايفين من حدا ف اكيد رح نلاقي هاي المنتجات وبمباركة وزارة الصحة
مرحبا جيران .. اشتفتلكم كتيير .. المهم .. الله يخليلك اولادك فراس .. ومن ناحية الاكل الصحي فأي شي بينعمل بلبيت صحي والاهم المقالي لازم يستعمل الزيت مرة وحدة لاقلي ليكون صحي واكييد مو كل يوم .. وبصراحة الاولاد مشكلتهم بلعب بياخد اغلب الوقت.. وعشان ياكلة مزبوط مايخذو بين الوجبات اكل خارجي .. يعني ساندش ..ليجوعو مزبوط ويوكلو ..مع تقديم المكافئة الهم بعد الاكل يعني بسكوت بنبون اي شي بيرغبوة مبدئيا لحد ما يتعودو علاكل ..وكمان التلاعب بلاكا ..كتيير برغبوة..يعني شكل بطة جبل ..وهاي كتيير سهلة .. الصحون في اشكال حلوة بتشهي جتى لكبار يكلو فيها ..ههه..
وعفكرة الاولاد كتتر بحبو الرز خاصة الابيض يلي بكون جنبو يخنات زي الفاصولية الخضرا او البزيلا ..او الخضار مشكل وغييرة .. والفطور ممكن كعك مع حليب .. كورن فلكس مع الحليب لانة الالياف ضرورية ايضا لجسم الطفل مع الحليب ..وبين الفترة وتانية لازم اندخل الخبز الاسمر للبيت لياكلو منو ..وراح يحبوة اكتر من الابيض .. لانو تغيير ..نضجك عليهم شوي انو مخلوط مع شكلاا .. وفي كتيير اشياء منقدر احنا كأمهات وأباء انو نخترعها ليحبو الاكل
والفواكة مش ضروري
انهم ياكلوها حب ممكن سلطة فواكة او كوكتيل بلبيت وهاد بديل للحب ونفس الفائدة..اما بنسبة للمقارنة فأنت بتقدرتضحك عليهم ..( ييي هاد الولد مش شاطرماراح يصير عندو عضلات )يعني اي شي ...
وممكن المكافئة اذا اكل بوووووووووسة كبيرة منك او من الام بس ضروري ما يضل الروتين نفسو كل يوم ليشتاق الطفل للجديد ..
وفي اكتر من طبخة بفضلوها الصغار .. واكييد مو مقالي .. البن كتيير مفيد .. واذا كان بتاريخ اليوم مابكون حامض ممكن انضيفلة الفواكة وكتتر بحبوة وزاكي .. الاطفال عالم ..وأذا حابين نتعامل معاهم بلاكل ..لازم الاختراع والتطور بلاسلوب ..والاساليب ..
والاهم من هاد كلو نفسية الطفل بلبيت .. مافي ضغط علية مافي ..مشاكل حولية لانو الطفل بتأثر اكتر من الكبار
هاد اشي بسيط من عالمهم .. عن تجربة ..
الالوان الصناعية بكل الاكل ..مافي شي بدون هلمواد . بس احنا بلبيوت من حاول انقلل منها ومن مضارها علينا ..وعأطفالنا .. الله يحميهم كلهم ..
مرحبا بعودتك يا ميمي وان شاء الله يارب اولادك يكونو زبطو بالامتحانات
وشكرا كتير لهاي الاضافة الرائعة لهاد الموضوع