Amman talks Help?
طلعة المخاتير 10/6/2012
امبارح طلعنا نحن المخاتير طلعة مرتبة مع ادارة جيران وبشكرهم بالبداية على اختيارهم الرائع للموقع يللي بنظري كان افضل موقع زرتو سواء مع جيران او شخصيا
كان موجود كل ادارة جيران تقريبا ومنهم عمر قدسي ومحمد رمضان وصبري وستينة وريما والبقية بالاضافة للمخاتير منى وصالح ودلال ولانا
اللقاء كان كتير حلو دردشنا فيه بشكل عام وبشكل خاص عن طلبات الجيران وبالاخص الطلبات الاكثر طلبا متل اضافة موقع فلسطين يللي وعدونا انو يعملو عن قريب بس طبعا هم بحاجة لمعلومات عن المدن وبالتالي انا بوجه طلب للجيران يللي عندو اي معلومة او صور عن مدن فلسطين ياريت يبعتها لادارة جيران
بالاضافة لطب اخر يللي هو انو الاهتمام بالحوارات والتركيز على موضوع متابعة الردود يعني بمعنى انو اعرف انو في ناس تابعو او ردو على حوار معين موجود
كمان في طلب وعدونا بتلبيته باقرب فرصة وهو وجود شخص متفرغ لادارة قسم الحوارات والجيران بشكل عام
بشكل عام اللقاء من وجهة نظري احلى لقاء طلعتو لانو العدد كان قليل واخدنا راحتنا فيو وما كان في عجقة وتعرفنا على بعض جميعنا
بشكر من جديد ادارة جيران وستينة بالاخص لاختيارها الرائع جدا للموقع وبشكل كل شخص اجي امبارح وانا كتير مبسوط انو تعرفت عليكي يا منى شخصيا لاول مرة ودلال ولانا بداك
طبعا للاسف ماقدر يحضر كل من سيد وبلال وسمية وهدى لظروف معينة وعلى امل انو نلتقي من جديد
شكراً يا زكي عل حوار، فعلاً كانت جامعة حلوة وتعاد انشالله
الله يحلي ايامك يا صبري وعلى امل انكم تستمرو في تحسين الموقع كما وعدتمونا ان شاء الله واكيد الجيران رح يصبرو عليكم وفعلا كانت براي احد افضل اللقاءات الي صارت
شكرا الك فراس وان شاء الله مثل هيك طلعات رح تتكرر . انبسطنا كتير لوجودكم معنا . ورح نعمل الي منقدر عليه على تحسين الموقع . بس فراس ديانا مش دلال :)
صباح الخير فراس ولكل الجيران، انبسطنا فيكم كتير، شكرا لأنكم جيتوا وان شاء الله بنضل نلتقيكم دائما :)
ملاحظة صغيرة: أنا اللي اخترت المكان، مو مشان شي بس مشان الأمانة يعني :) ولا شو يا ستينة ؟؟ ؛)
جد يسلمو لأحلى إدارة ع طلعة مبارح كانت كتير حلوة وكتير انبسطنا :) وجد تشرفت بمعرفتكم شخصياً كلكم :) من الإدارة للمخاتير :) وانشالله نضل نجتمع متل هالجمعات الحلوة هاي ع طول :)
ريما انا ، انت شو الفرق :) المهم كانت طلعة كتير حلوة والفضل لاختيار المحل كان لريما صحيح فالمفروض الشكر كان لالها :)
بس تصحيح بسيط جاري فراس المختارة اسمها ديانا مو دلال :)
شكراً للمختار فراس على إضافة هذا الحوار الجميل
وشكراً جزيلاً لإدارة موقع جيران على هذه الدعوة الكريمة وكنت حاب أكون معكم أمس لكن لظروف خاصة - حيث أن ابنتي كانت مريضة وذهبت معها للمستشفى والحمد لله الآن هي بخير- أعتذرت عن حضور هذه الطلعة متمنياً أن أكون معكم في طلعات أخرى إن شاء الله ..
حاولت قدر استطاعتي الحضور لكن قدر الله وما شاء فعل .. (راحت عليّ هاي الطلعة وخيرها بغيرها بإذن الله) ..
والحمد لله إنو الأغلب حضروا وتكللت الطلعة بالنجاح ..
أتمنى لكم دائماً التوفيق وإن شاء الله جميع المخاتير كانوا على قدر المسؤولية وتناقشوا حول تطوير الأماكن والحوارات ..
والحمد لله على سلامة الأخ بلال كان مريض مبارح وممكن يكون هذا أحد أسباب عدم الحضور ...
الف سلامة يا سيد، انشاء الله القادم اكثر وافضل
الله يسلمك أخي صبري .. والله يجيب الخير للجميع ..
بالبداية شكرا يا ستينة و شكرا يا ريما وشكرا يا صبري ولعمر وطبعا كل الشكر لجميع من ساهم في اللقاء الرائع
وبخصوص دانا او لانا عاشت الاسامي وانا بعتزر بس بتعرفي بالليل انا مابشوف ههههههه
منى الله يسعدك وانا كتير مبسوط اخيرا انو تعرفت عليكي شخصيا
ريما مو مشكلة شكرا الك لانك اختري هاد المكان الرائع جد وبتمنى انو كل لقائاتنا الجاية تكون في نفس المكان لانو مريح جدا
سيد الله يعافي بنتك وتقوم بالسلامة ان شاء الله
الله يسلمك أخي فراس ..
شكراً للجميع ...كانت طلعة حلوه
بعتذر من المختارين والادراه لعدم حضوري وذلك لاسباب شخصيه وانشالله تكون الطلعه طلعت بنتيجه بخصوص مطالبكم بتحسين الموقع والمتابعه من الاداره :)
حصل خير يا سمية وان شاء الله الطلعات الجاي بتقدري تحضري معنا من جديد
وبخصوص الطلبات هيك صار الاتفاق انو يعجلو بتنفيذ الطلبات باسرع وقت
سمية تمنيناكي معنا . بس ان شاء الله المرة الجاية تكوني . والحمدالله على السلامة :)
الله يسلمك حبيبتي وانشالله الايام جاي