Amman talks Help?
انسرقت سيارته قدام عينه !!!
صباح الخير جيراني..
رح خبركم هالقصه صارت من 3 ايام وعنجد انا محتاره فيها كتير ويلي محيرني الجهات الامنيه المعنيه بهيك موضوع وردات فعلهم يلي بتاخد وقت !!!
كنا مجموعه من الموظفين بمكان عملنا وقت البريك وفي شباك بالغرفه بطل على موقف السيارات الخاص بالموظفين واذا بجي شب عشريني بفتح سياره وبشغلها وبطلع فيها !!!
احد الزملاء علق " ليش ابو محمد مروح بكير اليوم انشالله خير " !!!
ماخلص كلمته ولا " ابو محمد " واقف جنبه يعني باختصار انسرقت سيارته قدام عينه!!
بعد 5 دقائق كانت الشرطه متبلغه عن السرقه بالتلفون ورقم السياره ونوعها يعني لو تحركوا بسرعه كان لحقوا السياره عند اقرب نقطه او دوريه !!
هاد اليوم الرابع وما بينت السياره وانا بصراحه ردة فعل الجهه المعنيه بالموضوع حيرتني!!
Share your views on this topic!
(you must enter at least 20 characters)
صباح الخير يا جاره سميه
والله انصدمت من القصه يعني الواحد لازم يكون واقف جنب سيارتو عشان ماتتسرق؟؟؟!!!!!
عندي سؤال هلا السياره بس تنسرق كيف بيشغلوها انا بعرف بالسيارات الحديثه صعبه جدا سرقتها بل تكاد شبه مستحيله
والله ما بعرف شو احكيلك يا جارة..
هاي مو أول مرة
أبوي انسرق وهو طالع من البنك.. مسافة وصل السيارة وانتبه، خبر الشرطة..
والا همة بيقولو روح لمدير البنك واحكيلهم.. :(
وكمان الأحلى من هيك بس عرفوه للحرامي بيقولو حرام وضعو ع الله !!!!!!
ومرة واحد خبطو بالسبارة حطو الحق عليه قال حرام الشب بيدرس!!
جارتنا غفران
هل يمكنهم ايضا سرقه السيارات الحديثه؟؟؟
ما بعرف بس سيارتنا قلبت و ركناها قدام البيت بليل .. بالنهار لقيناها cover بس :(
جاره غفران
الله يعوض عليكم بس الموضوع بصراحه يعني غريب واحد يصف سيارته بجانب كافيه وفجأه ما يلاقي سيارته معقول يصير هيك مثلا؟؟؟
جار أحمد غلاء المعيشة والطفر أوك ما بيبرر بس شو يعملو الله يعين الشعب
غلاء الاسعار مجود حجة تافهة للحرامية، غلاء الاسعار موجود من زمااان بس المشكلة انو السرقات صارت كثير بالفترة الاخيرة يعني من بعد ماصار في العفو بمكرمة ملكية بان يفرج عن المساجنين الغير خطيرين وطبعا هادول استغلو الفرصة ونشرو الفساد في البلد ، لو الحكومة وقتها عرفت كيف تتعامل مع العفو بطريقة افضل وعرفت تفرج عن الاشخاص ذوي الاخلاق الحميدة والسلوك الحسن ما كان صار اللي بصير هلا
بصراحه يا جار الموضوع ما الو علاقه ابدا بموضوع غلاء المعيشه لانو الحرامي حرامي حتى لو عندو فلوس كتير رح تضل هذه الصفه موجوده فيه ...
بس بدي اسال هل السرقه تتم حتى علىالسيارات الحديثه اللي فيها خاصيه انها ما بتشتغل ابدا الا بوجود المفتاح الاصلي؟؟؟
والله يا جاري احمد السرقة بتم بشكل مختلط، يعني بتلاقي ناس بركزو ع سيارت معينة وناس بتركز ع سيارت عادية وهيك يعني والدليل السرقات يللي بتصير بالفترة الاخيرة رح تشوف انو السيارات المسروقة مختلفة الانواع والموديلات
مم أنا ما بعرف زمان كيف كانت الأوضاع بس عنجد بالنسبه للرواتب الحياة غالية..
أوه ما بعرف عنها .. متى أفرجو او ليه؟
العام الماضي يا غفران صار في اعفاء مكرمة ملكية وكان المفروض الحكومة السابقة تفرج عن فئة معينة تستحق الافراج ولكن الي صار انو الحكومة افرجت عن جزء كبير من المساجنين المطلوبين باستمرار وهادول هما يللي عاملين المشاكل كلها بالفترة الحالية
اها والله خوفتني :(
أنا فكرت غلاء الأسعار والمغتربين إنو الأردن بتدخل الكل و هالحكي
أول مرة أسمع عن الافراج هاد..
طب ليه ما يلموهم مرة تانيه
ع اي اساس؟ ما هما مش ماسكين اي حرامي وازا صار ما صار بتلاقي انو الشخص المتضرر بسامح اما خوف او نتيجة للتدخلات العائلية متل الجاهة او العطوة وما شابه ذلك
أنا بضايقني كمان إن معاملة الشرطة للخليجيين..
يعني أبي سيارة من دبي >> ما بخالفوه قول أوك لأنو مو كتير بعرف الطرق فممكن افوت دخلت خطأ أو اتوه بس لم اكون مسرع أو مو حاطط حزام الامان ما بخلفوه او لما حد يغلط معو إنو حادث بدفعوه كتير بحجة التأمين :(
يعني ما الهم شي معين إذا ما في خسارة ما بعملولو شي بس ما بدافعو إبن البلد معو فهمت كيف؟؟
هاد احد مشاكل السير عنا، يعني في تمييز بالمعاملة بهيك امور
يعني هو لو في عدل الدنيا بخير بس في تمييز كتير واضح
هههه بلاش نوصل للسياسه :p
جارتنا غفران
انا بصراحه مع رايك وضد رايك يعني في اخواننا بيجو من دول الخليج سواقتهم جدا سيئه من حكم سواقتهم مش من حكم انهم ما بيعرفوا الطريق
وضد لانو بصراحه بيعملو حركه للعجله الاقتصاديه في البلد وبتصير حركه انتعاش في الاسواق والمراكز بالاردن وخاصه عمان
إنت قصدك عل سعوديه لأنها الوحيده للأسف من إلي زرتهم ما عندهم كتير إنضباط..
و بعملو ازمه للاسف خصوصاً هاد الصيف لأنو ماشالله عن كل إلي بتركو بلدهم :p
مو عن عنصريه بس لأني ما بحث في تنظيم
ما سعوديه بشكل خاص انا بقول بشكل عام اي دوله خليجيه وهما عالعموم اهلا وسهلا ببلدهم التاني
والله يا احمد مابعرف كيف او ازا بتزبط !!
بس احنا شفناه فتحها بمفتاح وشغلها وطلع !!
والله يا سمية صار الموضوع عادي عنا بالاردن؟، يعني سرقة السيارات صارت زي السلام عليكم، والمشكلة انو الجهات المسؤولة مابتعمل شي ولابتفيد بشي وفي كتير حكي انو اصلا في تعاون بين السارق وبعض الجهات الامنية (يعني لو هاد الحكي صح مصيبة كبيرة )
الله يفرجها على ابو محمد وتتلاقى سيارته بسرعة بدون اي نقص او سرقة ويبعد عن الجميع متل هاي الامور
يسعد صباحك جاري فراس
بس بدي اسأل يعني شو العمل؟؟؟ حتي السيارات الحديثه يمكن سرقتها كمان؟
والله يا جاري احمد المشكلة انو مافي حل لهاي القصة، المبكي المضحك في الموضوع انو صار السارق يتصل فيك علنا ويطلب مبلغ معين مقابل يرجعلك السيارة نضيفة مية المية وبدون اي تتش فيها، وكمان بعزمك ع غداء وهاد الشي صار كتير مع ناس ومنهم جارنا جيلاني مع احد قرايبينو، والشرطة مابقدر تعمل شي ابدا لانو مو طالع بايدها شي
صباح الخير جيراني والحمدلله لاقو السياره على طريق الغور بس بدون ولا عجل فيها حتى السبير !!
والله هذا شي بصراحه بيخوف؟؟!!!بس الحراميه اكيد بيترصدوا لنوع معين من السيارات ام لا؟؟!!
حمدلله انو لاقو السيارة حتى لو فيها نقص، يعني الريحة ولا البلاش وان شاء الله يارب ماتتكرر هاي الامور، وفعلا في بعض احرامية بترصدو لنوعية معينة من السيارات او بعض الاشخاص يللي بكون وضعهم منيح
اكيد احمد بتكون سيارات غالبا مو حديثه يلي اي مفتاح ممكن يفتحها وهلأ في شي جديد بستخدموا الحراميه يلي هوي بشغلو السياره بالريموت مابعرف كيف بس هيك فهمو صاحب السياره بالمخفر
اصدقائي الموضوع مبين زي عين الشمس والسيارات اللي بتنسرق كلها بتروح على مكان معين اللي هوه (((الحمر))) وبتصلو في صاحب السيارة وبطلبو منو مصاري وبحكولو وين يحط المصاري وغالبا بكون في شارع المطار يعني الموضوع مبين زي عين الشمس بس مش عارف ليش التهاون والتغاضي عن الموضوع !!!!!!!!!!؟؟؟؟؟؟؟
لا حول ولا قوه الا بالله ...يعني الواحد اذا دخل مطعم او كافيه لازم يقعد جنب السياره؟؟؟
بالنسبة لسرقة السيارات في عمان الموضوع صاير منتشر بشكل مخيف
قريبي انسرق البكب من قدام البيت و قضى 6 شهور و هو بيدور و بالاخر دفع فدية 2000 دينار للحرامية بس طلعوا اصيلين و حلفو عليه يتغدى عندهم
مش عارف بس بتخيل لازم الواحد يفك الماتور بس يصف السيارة او يشيل عجالها او اي اشي يصعب على الحرامي سرقة السيارة بس ما يسهل الموضوع على الحرامي و بالنسبة للي بيترك المفتاح جوا السيارة و هي شغالة بحب احكي احكي : "* ^&*%$#@.,ْْْْ~~ٍِ][/ "
وصل يا جيلاني وانا فهمت عليك هههههههه
وجد شكلو هاد هو الحل الوحيد لمنع سرقة السيارات
جاري جيلاني
بصراحه انصدمت من قصه قريبك اللي الحراميه حلفو عليه ليتغدى عندهم !!!! والله كلام بيحير العقل يعني وين الدركعنهم هدول؟؟
الله يعينو !!!!!!!!!! شو لهل درجة الواحد ما بيأمن على سيارتو حتى بالمصفات الخاصة
والله يا جيراني الاعزاء هاد هو الوضع يللي صاير عنا في البلد، الحرامي بسرقك وبعدين بعزمك
شي مضحك مبكي
بصراحه يا جيراني في كتير تصرفات استفزازيه بنشوفها في هاي البلد بس هيك النظام شو بدنا نعمل !!!
والله يا جاره سميه الموضوع مش موضوع نظام الموضوع الناس هيك استفزازيه وبيحبو يستفزوا