Amman talks Help?
مبــــروك
جيراني و جاراتي في موقع جيران عمان،،
حبيت من خلال هاد الحوار ابارك للجيران يلي تم اختيارهم كمختارين موقع جيران عمان سنة 2012 ويلي هم :
هدى العقرباوي http://jo.jeeran.com/u/5921/
صالح ظاهر http://jo.jeeran.com/u/1758805/
ديانا سرحان http://jo.jeeran.com/u/1736537/
سيد صالح http://jo.jeeran.com/u/4424/
منى الرشيق http://jo.jeeran.com/u/1711/
لانا بندق http://jo.jeeran.com/u/1765490/
وانا .. سميه http://jo.jeeran.com/u/1760488/
وبخص المباركه سيد صالح وهدى العقرباوي لانهم استحقوا المختره سنتين على التوالي..
وبحب اشكر المسؤولين عن اختيار الاشخاص يلي بيستحقوا هاد اللقب وعتب صغير الكم بما انو اخترتوا هدول الاشخاص كان لازم تخبروهم عالاقل بالايميل او بالرسائل انه تم منحهم لقب المختار لهاد العام 2012
واخيرا بحب اشكر ادارة جيران على هاد اللقب وانشالله نكون بنستاهل هاد الوسام
جـارتـــكم سمية
الف مبروك للمختارين ـــــــــــــــــ جاركم عبده بني عيسى 0785400868
الله يبارك فيك جارنا .. شكراً إلك
الله يبارك فيك عبده بدنا نشوف منك نصائح كمان مشان نباركلك السنه الجاي
أوووووه الله يبارك فيكي يا سمية!!!
شكرا كتير وإن شاء الله أكون قدها.. اليوم معي اللابتوب بدي أضيف دفعة نصائح وصور بهالمناسبة هههه!!!!
ألف مبروك صالح انت اكيد بتستاهل و بيسعدني اني خبرتكم هالخبريه الحلوه وعم نستنا الصور والنصائح :)
تسلمي يا رب.. هيني ضفت كتير صور شوفيهم!!! :)
كتير حلوين الصور ومتقنين عالاخر المهم تبقى عطول نشيط وتجبلنا صور ونصائح حلوه
شكرااا مبسوط لإنهم عجبوكي.. إن شاء الله بضل أنزل صور وأكتب لسا عندي كتير :)
جارتي سميه مرحبا ^_^
أول شي الف مبروووك عليكي المختره وشكرا كتير عالايميل يلي بعتيه وخبرتينا فيه انه احنا لساتنا مخاتير لانه لولاكي ما عرفنا هالخبر وعنجد الله يعطيكي ألف عافيه لانك من الجيران المميزين هون
وكمان مبرووووووووووووووووووووووووووووووووك لكل الاسماء يلي حكيتيها سواء للشباب والصبايا
مسا الخير جارتي هدى بشرفني اني اكون عضو فعال بموقع جيران صراحه والف مبروك عليكي اللقب لتاني مره فعلا انت بتستاهلي كل خير حبيبتي وبدنا نشاط زياده مو تغيبي بعدها متل حال الباقيين
مسا الورد سميه ...... والله يسعدك يا رب
وخلص ولا يهمك انشالله ما بنغيب عن الموقع ورح إنضل نشيطيين وانشالله بيرجعولنا كل الغايبيين عن الموقع
اوقات الظروف بتحكم الانسان غصب عنة بنشغل المهم تضلو بصحه وسلامه وتشاركونا كل تجاربكم الجديده المنيحه والسيئه لنضل على تواصل معكم
مرحبا هدى!!!!!!
ألف ألف مبروك تجديد المخترة ^_^
يا اهلا وسهلا بصالح ^_^
والله يبارك فيك يا جاري المختفي وانت كمان بتستاهلها ومبروووك يا مختارنا ههههههههههه
طمني كيفك انت والامتحانات هلاء المفروض فاينال!!!
حلوة هاي جاري المختفي هههههه.. والله مقصر بعرف!!!!
الله يبااااااااااااااااااااااارك فيكيييييييييييييي ههههههههههههههههههه!!!!!
لسا ما بلشنا منبلش ب 31/5.. انا هالأيام مشغول بالمؤسسة الخدمية اللي تم قبولي فيها جديد.. إسمها لوياك وهي مؤسسة غير ربحية بتدعم الشباب بسوق العمل مقابل إنهم يفيدوها بنشاطهم وحركتهم بالأعمال التطوعية.. فأنا طول اليوم بلوياك باكل وبشرب وبدرس فيها... قريبا رح أكتب نصيحة عنها وأنزل صور :)
صالج خلص بما انك مشغول بالعمل التطوعي مسامحينك على تقصيرك ^_^
بس انا بستنى تحكيلنا اكتر عن لودياك وهل هي بس لفئة طلاب الجامعه ولا بيقدر الكل يشارك فيها !!!!!
والله يوفقك بالفاينال واتجيب كل علاماتك A+
هههه تسلمي بس إن شاء الله رح أحاول أكون أنشط من هيك :)
هلأ انا مشترك ببرنامج صيفي هندهم إسمه (درب).. هذا البرنامج بعطيني فرصة تدريب مدفوع الأجر بشركة أو بنك بمجال تخصصي.. انا مثلا تدريبي هذا الصيف لما أعطل رح يكون بالبنك الإستثماري الأردني.. هذا البرنامج بس للي أعمارهم بين ال16 وال24.. أما بالنسبة للأعمال التطوعية التانية صراحة ما عندي فكرة إذا أي حدا بصير.. وانا لهلأ مش كاتب نصيحة عنهم عشان بدي أكتب نصيحة شاملة ةأكون عارف كل شي تقريبا..
شكرا كتير إن شاء الله بزبط ^_^
السلام عليكم ..
مساء الخير
شكراً جارة سمية على هذا الخبر الجميل وعلى هذا الحوار اللطيف وعلى رسالة المباركة الخاصة التي أرسلتيها ..
وألف مبروك لكِ ولجميع من حمل لقب مختار 2012 ..
أتمنى للموقع ولجميع الجيران التوفيق ..
وننتظر تواصل الإدارة معنا دائماً وشكراً لهم على هذا التقدير ..
وعليك السلام جاري سيد،
والف مبروك مني ومن كل الجيران صدقني ما حدا أهل لهيك لقب قدك دايما عم بتفيدنا وتوعينا على كتير اشياء وانشالله نشوف منك المزيد
الله يبارك فيكي أختي سمية .. وألف مبروك إلك ولجميع المخاتير الجدد والقدامى .. وإن شاء الله أكون عند حسن الظن مع أني مقصر وظالم لنفسي كثيراً .. وأسأل الله العلي العظيم أن يهدينا جميعاً وأن يزيدنا علماً وهدىً وتقىً وأن يرزقنا من فضله إنه سميع مجيب.. وشكراً لكِ على هذا الرد الطيب..
آمين يارب العالمين والله يقدرنا على كل شي منيح
اللهم آمين .. اللهم آمين ...
لمبروك لكل من اصبح مختارا في موقع جيران من صبايا وشباب لعل وعسى هذا اللقب الفخري يعيد اعتبار الموقع النائم فعلا بالاشهر الاخيرة ولعل وعسى نجد تفعيلا اكثر
مبروك بالاخص للجارة سمية التي تستحق اللقل بجداة لانها من اكثر المحركين للموقع ومبروك لصالح ايضا لانه يستحق ذلك ايضا
ومبروك لبقية جيرانا الاعزاء
يسعد صباحك فراس والله يبارك فيك جاري وشكرا عالكلمات الحلوه وانشالله اكون عند حسن ظنكم ونكون قد المسؤوليه بانو نرتقى بهاد الموقع معا..
وحواري كان اولا مشان نبارك للمختارين الجداد وتانيا مشان نعلن الخبر يلي ادارة الموقع ما كلفت خاطرها تخبر الجيران او حتى المختارين انه تم اختيارهم ولا بأي وسيله تواصل.!!
وانا بطريقتي الخاصه عرفت انو ماحدا وصلوا ايميل او حتى رساله تنبيه من الموقع عن الموضوع
فحبيت استبق الاحداث واباركلكم جميعا منعا للاحراج
وانشالله نكون جميعا فعالين بتحسين مستوي التواصل والخدمه بموقع جيران عمان مع ابو بدون اللقب
صباح الخير أخي فراس .. شكراً لك جزيلاً وكنت أتمنى أن تكون مختاراً لعام 2012 وبقية الجيران المميزين ..
وصدقت: الجارة سمية نشطة في كتابة النصائح وإضافة الصور على الأماكن .. كما تشارك في الحوارات فهي تستحق هذا اللقب الفخري .. وكذلك الأخ صالح الظاهر .. أتمنى للموقع وللجيران دوام التقدم والنجاح والازدهار ..
الله يابارك فيكي سمية وهاد عشم الادارة، تجاهل الجيران بالكامل وحتى هيك خبر ماعملو شي
انا مستغرب انو مارينا طلعت من دون ماتحكي لحد وادارة جيران ماخبرت حدا ولاجابت حدا بدل عنها، يعني ادارة جيران شو بدها مش فاهم
انا والله مابعرف شو قصة الادارة؟
على العموم مبروك يا سمية ولبقية المخاتير
إلتمس لاخاك عذرا يا جااااري
مارينا حاولت جهدها انه تتأقلم معنا ومع الموقع بس كان كل الجو جديد عليها ومش مجال شغلها
وانا بدافع عنها لانو عاذرتها وبعرف انها مسؤوليه كبيره وانشالله يا فراس بتتحسن الامور بوجود مسؤول عن الموقع او بدونه لازم احنا نضل نتواصل مع بعض ويضل دورنا فعال والقصه بدها شوية وقت مو اكتر
الاداره ماقصرت معنا بس هاي مرحلة مؤقته وبتعدي
يبدو أنه لا يوجد مسؤول محدد من واجباته التواصل مع الجيران حتى الآن..
الله يسهل على عبير أبو طوق شو كانت قد المسؤولية رغم الاختلاف معها أحياناً .. لكن حتى إذا اختلفنا في الرأي كانت ترد وتجيب على الانتقادات والاستفسارات ..
أتمنى من الإدارة الكريمة أن تسارع وتحدد شخصاً كفؤاً بوظيفة "مسؤول موقع جيران" كي يتواصل مع الجيران..
انا ما لمتها لمارينا وبعرف انها مسؤولية كبيرة بس انا بلوم الادارة يللي بتتجاهلنا تماما وفعلا مثل ما تكلم سيد ، اقتبس (الله يسهل على عبير أبو طوق شو كانت قد المسؤولية رغم الاختلاف معها أحياناً .. لكن حتى إذا اختلفنا في الرأي كانت ترد وتجيب على الانتقادات والاستفسارات) يعني مهما كانت ردودنا كانت تجاوب ولكن الان لاحياة لمن تنادي
بخصوص المخترة يا سيد شخصيا انا احمدلله انو ما ما اخدتها لانو فعليا بفكر بترك الموقع مؤقتا باعتبار انو مش شايف اي تقدم فيه ولكن للصبر حدود وبتمنى انو مايجي هاليوم يللي اعلن فيه رحيلي تماما
بتمنى الإدارة تتجاوب معنا وتستجيب لطلبات الجيران .. وإن شاء الله تبقى معنا يا مختار فراس فهذه حارتك لا يجب أن تغادرها ..
جميعنا نحب الموقع ولذلك نتمنى له الأفضل دائماً .. وإن قسونا على الإدارة في الكلام فهذا فقط من حرصنا على موقع جيران ولتحقيق المصلحة المشتركة للإدارة والجيران ..
يا سيد انا مابدي اترك بس للصبر حدود وانا لما اصل لمرحلة اتأكد فيها انو الادارة خلص تنحت ومصرة ع التجاهل يمكن مو انا بس يمكن المعظم يتركو مثل ماصار لما رحلت عبير الله يسهل عليها
بعرف انو الموقع حارتي وبعرف انو الموقع عزيز عليا خصوصا الجيران يللي كسبت منهم علاقة قوية وصداقة رائعة بس للاسف الادارة مصرة على تجاهل الجيران والدليل انو مافي مسؤول واحد بعبرنا
صباح الخير يا جيراني ومبروك لكل المخاتير والله يبارك بياللي باركولنا :)
وجد يسلمو كتييييييييير لأحلى سمية لإنها خبرتنا :)
حبيبتي هاد واجبي والـــــــــف مبروك الك
تسلميلي يا قمر :) والله يبارك فيكي :)
صباح النور .. وألف مبروك إلك مختارة منى ..
الله يبارك فيك جاري سيد :) مبروك إلك إنتا كمان :)
شكراً إلك جارة منى .. نهارك سعيد
مبرووووووووووك منى منورة بالتاج اللي على راسك!!!
مبروك يا منى المخترة وانا اسف جد ما انتبهت ع اسمك، بتساهلي ومنها للافضل يارب والف مبروك مرة تانية
الله يبارك فيك فراس :) ومو مشكلة مباركتك شملتني :)
صباحو للجميع ،
مع اني زمان ماكتبت بجيران بس أكيد حبيت قول مبروك لجميع المخاتير و أكيد اولهم الشيخ صالح :)
و سمية لتقيت فيها بطلعة يمكن و هدى. :)
شيخ فراس و محمد جيلاني و بلال نشالله تكونو بخير و صحة وسلامة ؛-)
بالرغم من تغير سياسة الموقع و اختلاف البيئة السابقة ضل في شباب و صبايا اكيد اتشرفت بمعرفتهم ،
نفسكم طويل لحتى صابرين :)
نهاركم سعيد
صباح النور اكرم وشكرا كتير على كلماتك ومباركتك.. وتشرفت بمعرفتك
صباح الخير أكرم ..
الله يبارك فيك .. وإن شاء الله ترجع تشارك في الموقع .. وشكراً لك
والله نورت يا اكرم، وين الغيبة هاي يا رجل؟ شو اخبارك؟ يا عمي الجيران القدامي الهم وحشة والله وانا بخير دام انك بخير وبعافية
مبروك للجميع :) منى، صالح، ديانا، سيد، لانا وسمية .. بتستاهلو والله :)
الله يبارك فيكي .. وشكراً كثير .. وإن شاء الله نكون جميعاً عند حسن الظن ..
سيد حابيبن نشوف بروفايلك كامل وكل الخانات بصندوق الانجازات مضوية :) ضايلك بس الصور، يالله همتك :)
هلا أخت ريما .. وإن شاء الله بحاول أضيف صور على الأماكن .. وإن شاء الله بهمتنا وهمتكم بصير الموقع أحسن وأحسن .. الله يوفقكم .. وشكراً لكِ على التشجيع وعلى هذا التعليق ..
حبيبتي ريما الله يبارك فيكي يا بطة :)
ولو :) انت بتستاهلي والله يا منى، نصائحك كلهم حلوين، أنا لما أقرأهم بحس كأني كنت قاعدة معك، وبتخليني بدي أجرب المكان فورا ؛)
يا حياتي انشالله أكون قد هالمسؤولية وأضل أفيدكم بنصايحي :)
الله يبارك فيكي كلك زوء
وأكيد مبروك لمختارتنا هدى كمان، :)
مرحبا ريما ^_^
الله يبارك فيكي يا رب
مبروك لجميع المخاتير لسنة 2012 . وان شاء الله سوف نتساعد جميعا لجعل هذا الموقع اكثر فائدة وتقدم بوجودكم معنا .
الله يبارك فيكم وشكرا لمواكبتنا ومتابعتنا !!!
السلام عليكم ..
مرحبا يا فريق جيران المحترمين ..
الحمد لله أنا بخير وطول ما إنتم معنا على اتصال بكون مبسوط ..
وشكراً إلكم على هذه الثقة ومنحي هذا اللقب الفخري للمرة الثانية ..
إن شاء الله أكون عند حسن الظن وعلى قدر المسؤولية الكبيرة .
وبإذن الله سأضيف صور على الأماكن قدر استطاعتي ..
وإن شاء الله بهمتنا وهمتكم بصير الموقع أحسن وأحسن ..
الله يوفقكم في تحقيق أهدافكم مع مراعاة حاجات ومطالب الجيران ..
وشكراً لكم جزيلاً على التشجيع ..
والله يبارك فيكم جميعاً ..
وأسعد الله صباحكم وكل أيامكم
!!!!!!!!!!!!!!!!!!!!!!!!!!!!
ألف مبروك للجميع :) ...
الله يبارك فيكي جارتنا سوسن :)
الله يبارك فيكي أخت سوسن .. وعاش مين سمع صوتك .. وين هالغيبة !؟
والله بدنيا ... بس لساتني عايشة ؛) :)
الله يطول عمرك ويحسن عملك ويعطيكي الصحة والعافية ويوفقك ويدخلك الجنة بغير حساب ..
أمين يا رب الله يخليك :)
بتمنى هالنشاط من قبل الادارة يستمر على طول مو بس اليوم؟ ويكون التفاعل معنا مستمر وعلى امل فعهلا تحسين وتطوير الموقع
اخيرا ضهرتي يا سوسن؟ وين كاينة وريما عليان اهلا وسهلا فيكي من جديد ومرحبا فريق الجيران من جديد
أهلاً ... أنا موجودة هون مش كجزء من الادارة .. أنا مستخدم متلي متلكم
وعدم مشاركتي بالحورات هو إنو أنا اهتمامي و ميولي لنصائح و الصور أكتر من الحورات :)
أهلاً وسهلاً بكِ أخت سوسن سواء كنت ممثلة عن الإدارة المحترمة أو كجارة لنا أو كمستخدمة لخدمات الموقع ..
ونتمنى أن تكوني معنا دائماً في الحوارات كما في الأماكن .. كل الاحترام والتقدير لكِ..
شكرا فريق جيران على رسالة التهنئه مع انها متأخرة بس مقبوله والله يبارك فيكم
الف الف مبروك للجميع
الله يبارك فيك سيد صبري وازا مو لاقين حدا محل مارينا انا بقدم طلب مؤقت لحتى ماتخلو المستخدمين للموقع بهاي الحاله !!! :)
الله يبارك فيك أستاذ صبري .. اشتقنالك شو أخبارك؟
والله وأنا بالأكثر
انشالله في طلعة قريبه بشهر 6 منشوفك فيها
إن شاء الله .. الله يقدرنا نحضرها .. شكراً إلك أستاذ صبري على هالخبرية الحلوة ..
أي حاله؟ والله هيو المجتمع بياخد العقل.