Amman talks Help?
حوادث المرور الى متى !!!!!!
السلام عليكم جيراني ..
لا اعلم من اين ابدأ ولربما تم فتح هذا الموضوع سابقا ولكن انا عن نفسي ضقت ذرعا ..كل يوم تقريبا لابد انا اقرأ عن وفيات نتيجة هذه الحوادث فإلى متى !!! ... لابد من ان الاسباب الكثيرة واعتقد ان اهمها استخدامنا "الواسطات" للحصول على رخص السواقة..وحتى منا من يأخذ الرخصة بدون هذه الواسطة فإننا نتهاون كثيرا في حياتنا وفي حياة الاخرين .. لا اعلم مثلا من الهدف من أن لا نلتزم بحزام الامان !! أو من أن نجد "نص" البلد تتكلم من خلال الهاتف الخلوي اثناء القيادة !!! ..والكثير من العادات السيئة التي نتهاون بها .. اقسم بالله بأني في احدى المرات ركبت السيارة مع اخي الاكبر فوجدته يتكلم اثناء القيادة بالهاتف وبيده الاخرى هاتفه الاخر يبعث من خلاله "مسجات" !!!!! بصراحة لم يكن بوسعي شيء افعله وقتها الا ان انطق الشهادتين لأني لم اضمن وصولي حية بعد هذا المشهد .... لربما فقد منا قريب او حتى اصيب نتيجة هذه الحوادث ... أنا كتبت موضوعي هذا لاني قرأت أرقام حقيقة عن هذه الحوادث والتي تصعد بازياد ولا اعرف لمتى !! ....
نحن مسؤولين أمام الله عن حياتنا وحياة غيرنا وأي تقصير منا في ذلك سيعرضنا للحساب ...وحق الانسان لا يتهاون فيه .. لماذا لا نضع أيدينا على الجرح ونفهم سبب هذه اللامبالاة ونبدأ بأنفسنا وانطلاقا لمن حولنا ؟؟؟؟ ما رأيكم جيراني في الاسباب الاخرى لهذه المشكلة وكم منا سيأخذ على نفسه عهد بأن يبدأ بنفسه؟؟؟؟
عليكم السلام جارتي دانا ^_^ والله يعطيكي العافيه على هالموضوع ..صحيح هو مكرر بس هاد من أهم المواضيع يلي لازم نكررها بلكي على الله هالناس يحسوا بخطورة حودادث السير يلي عم يتزايد بشكل مريب
**وطبعا من الاسباب المؤديه للحوادث متل ما حكيتي السرعه وعدم التركيز واستخدام الموبايل و كمان جهل بعض الناس بقوانين المرور وعدم الالتزام بالشواخص والقواعد المروريه وعدم التوقف عند الخروج من شارع فرعي وهادي أكبر مصيبه وأحيانا بكون إهمال من شرطي السير بكون واقف منظلا عالفاضي
اما عني فأنا هلاء ملتزمه وبخاف وبحاول ما ألتهي خصوصا بالراديو لانو مره كنت بدور على قناة معينه ونسيت حالي والله سترني بأخر لحظه الحمدلله ومن يومها إرتعبت وبطلت ألتهي بشي
*وليتم تجنب حوادث المرور:
يجب الاهتمام بمشاكل المرور الى اعلى مستوى.
نحن بحاجة الى الانضباط المروري في المجتمع وذلك حرصاً على سلامة المواطنين.
التوعية المرورية للمواطنين اساس السلامة المرورية، لان العقوبة ليست السبيل الوحيد لخلق المجتمع الجديد وانما الاساس في عملية النهوض هو شعور كل فرد بانه مسؤول عن حياة الأخرين
وانا بنظري أهم شي دايما مسافة الأمان بين سيا
هلا والله نورتي موضوعي هدى ^_^ ... والله بعرف انه مكرر بس فعلا الواحد على قد ما بشوف بقرف بالاخر .. والله صارلي فترة كل ما بفتح الاخبار بلاقي وفيات من ورا الشغلة ..عدا عن الخسائر الاقتصادية اللي بنكلف فيها حالنا من ورا تصليح السيارات بسبب كتير اشياء منها التتابع القريب وتغيير المسارب بسرعة وكأنه الواحد بده يختصر دقيقتين زيادة ..والحمدلله هدى الله سترها اوعك تعيديها ههههه ...والله الجيران شكلهم زهقوا الموضوع عالاخر :)
والله يا دانا مابعرف شو احكيلك، انا شخصيا ذقت الموت من ورا حادث مروري سببه تهور الشوفير ومحاول تحدي شوفير اخر بالشارع متجاهلا اروح الركاب، الحمدلله قمنا بالسلامة لكنه يوم لاانساه ابدا
بصراحة مابعرف على مين احط الحق لانو قوانين السير عنا شديدة جدا لكن للاسف مابحدا بسال طالما عنا في عشائرية بالقوانين والجاهاات يللي بطلع لتسامح الناس يللي بقتلو
يعني عنا مشاكل كثيرة الحل بايدنا احنا الشعب، لازم نوقف ضد التسامحات يللي بتصير
لازم نعاقب لاشخص المتهور
لازم بنحبس الشخص اللي بعمل حادث
لازم يطبق المثل على الشخص اللي بقتل حدا بحادث سيارة بان يقتل تطبيقا للعين بالعين والسن بالسن
لازم يكون في تنفيذ شديد وصارم للقوانين دون اعتبار الواسطة او العشائرية اي دور حتى ياخذ القانون مسراه
لذلك الوقت سنرى حوادث باستمرار ولكن لااقول سوى الله يحمي الجميع ويعافينا من الحوادث انشالله
صباح الخير جيراني ... اول شي الحمدلله على سلامتك اخي فراس .. فعلا انا معك انه في طيش رهين عنا ،،، بس انا عني بحط الحق على الطرفين ..على قوانينا اللي تطبق على ناس وناس لأ ... وبنفس الوقت على الناس نفسهم اللي بسوقوا دون مبالاة الا من رحم ربي ..بلدنا لا تتعدى جزء بسيط بعدد سكانها من الصين ..فليش الصين بهذا النظاااااااااام واحنا ارقام الحوادث والاصابات والوفيات وحتى الخسائر الاقتصادية بازيادة !!!!!! نفسي افهم شو اللي بصير لحتى انه الموضوع بيزداد سوء بدل ما يصير احسن !!! فعلا الله يحمي الجميع .. اشكرك جاري فراس على نقاشك
موضوع مهم يتكرر كل يوم وكل لحظة وسأدرج هنا بعض كلامي القديم في الحوارات عن هذا الموضوع ..
http://sayyedsaleh.blogspot.com/2011_06_01_archive.html
السواقة أصبحت لا فن ولا ذوق ولا أخلاق
السواقة في عمان أصبحت "مقرفة".. ازدحام شديد مما يضيع الوقت والجهد والمال .... سائقون لا يلتزمون بقوانين وآداب وإرشادات السير والمرور... إلا من رحم الله تعالى.
يعني بالمختصر المفيد تعريف السواقة هذه الأيام عندنا في الأردن أصبح: "لا فن ولا ذوق ولا أخلاق" والله المستعان.
المشكلة أنّ كل مواطن أردني مستعد أن ينظّر ويكتب المجلدات عن مشكلات السواقة والسير والشوارع والحفر و"المطبات" والأزمات و... و.... الخ ... ، يعني الكل يعرف هذه المشكلات ، لكن ألا يعلم المسؤولون عن هذه المشكلات؟! ألا يمشون على شوارعنا ويروا المشكلات بأمّ أعينهم !!..... متى نوجد جميعاً حلولاً عملية لكل هذه المشكلات ... ندور بحلقة مفرغة ونبقي نتكلم ونتكلم وننفس ما بداخلنا لكن لا نرى نتيجة عملية ..أتمنى أن يشارك معنا المسؤولون والمعنيون في الأمر ويقدموا لنا حلولاً جذرية واقعية!!! واللهِ "قرفنا".
مشكلات القيادة والتسبب بحوادث السير لا تتعلق بذكر أو أنثى بل تتعلق بالسرعة الزائدة، وعدم الانتباه، وعدم الالتزام بتعليمات وإشارات المرور، وعدم إعطاء الأولوية، وعدم الممارسة الكافية، والقيادة بدون رخصة، أو بسبب عدم جاهزية المركبة، أو الطريق، وعدم وجود بنية تحتية متقدمة تستوعب الكم الهائل من السيارات، وغيرها من الأسباب المباشرة وغير المباشرة .
وللإنصاف الذكور في الأغلب هم من يتسببون بحوادث خطيرة من سائقي الحافلات والقلابات والشاحنات وسيارات الأجرة وسائقي السيارات الخصوصية المتهورين الطائشين وغيرهم .
نعم بعض البنات "يجلطنّ" من قيادتهنّ المتأنية والركيكة ولكن لا نستطيع التعميم .. كما أن بعضهن يمارسن السلوكيات الخاطئة التي يمارسها الشباب ..
المجتمع كله - إلا من رحم الله تعالى - بحاجة إعادة هيكلة وبعض الناس بحاجة إلى إعادة تأهيل وتربية من جديد .. ونحتاج لذلك إلى مؤسسات واعية تربيهم وتوعيهم من جديد على الدين والأخلاق، ويجب أن تكون هناك قوانين رادعة مطبقة على أرض الواقع وفعّالة...
"بالعربي" نريد عملية إصلاح شاملة دينية وتربوية واقتصادية واجتماعية و........الخ... وتكون على أسس إسلامية وأخلاقية صحيحة..
غير ذلك ستبقى المشكلات موجودة في شتى الأمور.
نعم جاري سيد كل هذه الاسباب هي وراء حوادثنا والحقائق تشير لانه اغلب حوادثنا ليس سببها الطريق نفسها او حتى عطل مفاجئ مثلا بالسيارة او البنية التحتية بشكل عام وانما المشكلة فينا احنا البشر اللي بنسوق هون .. واكتر اشي بصراحة لفتني بنقاشك واقتبس منك انه : (نعم بعض البنات "يجلطنّ" من قيادتهنّ المتأنية والركيكة ولكن لا نستطيع التعميم).. بصراحة حكيك في منه كتييييييييير .. ولكن برأيي السواقة شديدة التأني تبقى افضل من الطيش .. واكيد الحل الوسط هو الافضل .. ونعم أوافقك على جملة :( المجتمع بحاجة إعادة هيكلة وبعض الناس بحاجة إلى إعادة تأهيل وتربية من جديد) على سيرة هاي الجملة زكرتني في مليون حدا شفته بسوق وانا معه وكان بيشتم على اقل سبب على السواقين الاخرين وكأنه الواحد هو عبقري زمانه ومش قادر يتحمل غباء الناس !!! مش عارفة بس اكيد منكم كتير شافوا متل هالمواقف اللي بتسم البدن .... جاري سيد انا بعرف لما اتعلمت سواقة انه في نظام "النقاط" للي بيعملوا حوادث ع اساس انه لو وصلوا لحد معين بصير زي عقاب او اشي متل هيك ..فهل هاد الاشي على علمك مطيق ولا مجرد حكي فاضي درسناها بكتب تعليم السواقة !!
شكراً لكِ جارة دانا على الرد وعذراً على تأخري في الإجابة حيث كنت مشغولاً هذه الفترة
وأضيف هنا أن الإحصاءات الرسمية لإدارة السير المركزية تشير إلى أن: "90% من الحوادث ناتجة عن اخطاء سائقين" .. وأعتبر شخصياً هذه النسبة مبالغ فيها كثيراً فماذا بقي: لضعف البنية التحتية، وسوء حالة الطرق وازدحامها وقلة الإنارة في بعضها ، والمصائد والأفخاج الموجودة فيها، والنقاط المرورية السوداء المنتشرة، وعدم وجود شبكة مواصلات عامة تخفف من الضغط على الطرق من جراء استخدام المركبات الخاصة، والمشاريع الفاشلة التي لم تنته بعد كمشروع الباص عالي التردد في شارع الجامعة، وارتفاع الجمارك على السيارات الجديدة وقطع الغيار والتي تؤدي إلى عدم قدرة كثير من السائقين على شراء سيارات من جديدة من الوكالات أو عمل الصيانة اللازمة واتجاههم إلى شراء السيارات المستعملة والتي تم شطبها في بلادها، وماذا بقي لمشكلات المشاة وممراتهم وجسورهم !! .. وماذا بقي للرخص التي تعطى لغير المتمكنين من القيادة !.. وعدم محاسبة المخالفين ومساواتهم مع المتقيدين بتعليمات المرور في رسوم الترخيص ، ماذا وماذا بقي .. !!!! أكل هذا فقط 10 % !!!!
أعتقد أن الحكومة وإدارة السير تحاولان تحميل المواطنين أغلب العبء (90%) وهي تتحمل فقط الشيء الضئيل ربما لا تتجاوز (5%) !!! هل هذا معقول برأيكم!!
أعتقد أن الدولة ومؤسساتها هي المسؤولة عن 90% من حوادث السير – ولا تفهموا من كلامي أني أدافع هنا عن السائقين المخالفين- فالدولة هي التي ترخص السيارات والسائقين وتضبطهم وتخالفهم إن أخطؤوا، وهي التي تخطط المدن بما فيها من مديريات لهندسة المرور وهندسة الطرق، وهي التي من المفترض أن تقوم بإنشاء البنية التحتية الحديثة السلمية، وهي التي تربي الناس و تعَوّد السائقين على الالتزام بآداب وتعليمات المرور من خلال برامج التوعية في كافة المراحل العمرية من الصغير إلى الكبير وفي كافة المراحل الدراسية من الروضة حتى الجامعة ..
ورضي الله تعالى عن الخليفة العادل عمر بن الخطاب إذ قال:
" لو أن بغلة بالعراق عثرت لظننت ان الله يسألني لِمَ لم تمهد لها الطريق".
وفي رواية أخرى أن عمر بن الخطاب قال : "لو ماتت سخلة على شاطئ الفرات ضيعة لخفت أن أسأل عنها" .
وأما بالنسبة لنظام نقاط المخالفات فأعتقد أنه غير معمول به الآن رغم وجود تعليمات بهذا الشأن وفق علمي ..
وعندما تم تطبيقها اشتكى سائقو الباصات والسيارات العمومية من هذا النظام لأنه يحجز رخصهم لفترة طويلة أحياناً ..
وبعدها تم توقيف العمل بهذه التعليمات والله أعلم ..
http://www.jti.psd.gov.jo/index.php?option=com_content&task=view&id=260&Itemid=265
انتو طرحتوو موضوع مهم كثير و حكيتو عن حلول و مشكلات بالنسبة الي اعتقد انه الغرامه الماليه العاليه جدا هي اللي ستضبط الوضع
- غرامة مالي لعدم الالتزام بالسرعه لاتقل عن مائة او مائتي دينار
- غرامة مالية لاتقل عن خمسمائة دينار لقطع الاشارة الحمراء
- غرامة مالية لاتقل عن اربعمية دينار بسبب استعمال الهاتف (وشوف مين اللي راح يمسك موباليه بعد هيك خبريه)
- غرامة مالية للمشاة ايضا في حال العبور من اماكن غير مخصصة للعبور و استعمال الهاتف اثناء العبور( انا شفت بعيني اكثر من حادث سببه المشاة و يقطعو الشارع و يبعدو عن الحادث و لا كانه الهم علاقه)
- في وقت تجديد الرخصة يجب تعليم و توعية السواق بضبط المرأة الاساسية و المراة الجانبية لانه كثير ناس بعتبروها اكسسوار و ما بيستعملوهم لا همه و لا الفلاشات تبعت الاتجاهات و لاالفلاشات الاربعه
- العتب الاول والاخير على المرور و ادارة السير (يعني في مجال السواقة و الضبط و السيارات) لازم همه يكونون الآمر الناهي و يضبطو الوضع و اذا بدهم يضبطو والله بيمشو الناس عالصراط المستقيم
قوانين جدا منطقية يا جارتي ....لانه الظاهر ما بنيجي الا بالعين الحمرا .. والغرامات المالية بصراحة هي الدواء الناجع في وقت الواحد مش عارف اصلا كيف يعيش .. ولو تم تطبق الموضوع زي ما بتحكي 100% رح تصير الامور احسن ...بتضل عاد عنا فئة الناس ذوي الثراء الفاحش اللي هاي الغرامات مو اشي كتير بالنسبة الهم هدول بنحطهم بالسجن اكم يوم بيطلعوا خالصين ^_^ .. ان شاء الله فعلا يتم تغير القوانين وجعلها رداعة اكتر من هيك ..تحياتي لكي
والله يا مينا كلام صحيح وازا طبقو هاي العقوبات اكيد رح تخف الحوادث كتير الا ماندر من الناس يللي مابتفرق معهم
شكرا عالرد ياجماعه بس الغرامة المالية تجيب نتيجه بكل دول العالم
يعني جديد سمعت انه بولاية نيوجيرسي الامريكيه صارو يفرضو مخالفه ثمانين دولار عالمشاة اللي يستعملو الموبايل للمسجات !! تخيلوا
وبكندا مخالفة استعمال الموبايل خلال السياقه غرامتها ستمية دولار كندي !!
اما اللي ما بتفرق معاهم المصاري و روحهم رخيصة عندهم فأكيد هاي راح تصفي مشكلتهم لحالهم
اتمنى من ادارة السير انه تردع المخالفات بهالطريقة و نحس بالفرق بالشارع و نستمتع بالسواقه بدل ما تتعب اعصابنا
اذا ما كان الواحد فعلا متقن لسواقة فحرام ياخذ رخصة وفعلا كلام اخي سيد صحيح ..عن البنات الي بتكزدر بلسيارة ،،ولا السائق الي لسانة حلو بس يعدي حدى من عندة ..ولا السرافيس الي بتنافسو على الركاب او التكسيات..حدث ولا حرج ..او الختيار الي يدوب عارف يشوف قدامة ..ولا الي حاططلي كلب عجنبو بلسيارة وماشي ..احنا شعب غير ملتزم ..بكندا والصين والدول الاروبية كلها شعوبها منتضمة من نفسها ..لانها بتخاف على روحها ..بعكسنا تماما ..حتي لو بتصير المخالفات غالية ..الي فية سوسة مابتتغير ..بس انشالله احنا انعدل من حالنا بلاوول وبعدين منرفع المخالفة هيك بكون دوي فعلي للحد من الحوادث .
احد مشاكل السواقة والحوادث عنا هيا الواسطة في الحصول على رخصة السواقة، يعني تخيل ولد بسوق ومعاه رخصة ماخدها بالواسطة؟؟
مابعرف لايمتا الوضع رح يضل عنا الواسطة في كل شي
السلام عليكم يا جيران الهنا :)
بصراحه إذا توب غير عللقو على السواقه في الأردن وإنها فوضويه شو بدنا نحكي إحنا ؟
السواقه صارت اهم مبادئها دبّر حالك والله لا يرد غيرك .... وأكثر شي بتعقد منه تغير المسرب عند الإشاره بتكون صاف يأقصى مسر عل يمين وفجأه بيطلعلك واحد بيحشر حاله وغصبا عنك بدك تمشيه وبيضل يحشر حاله حتى تفتحله طريق بلاش تعلق معه بضربه سياره
انا شاب واخدت الرخصة من سنة تقريبا
والحمدلله سواقتي جيدة بس بالنسبة للسواقين الاخرين (اللي بدهم يسبقوا الطيارة ) تعتبر جيدة جدا
وبحب اقدم نصيحة
لو دائرة السير تقدم دروس مجانية للناس رح يوفروا عليهم حق الحوادث كلها
لما الله يفرجها -----------------------
الله يعجل الفرج ... !!!!!!!