حوارات عمان مساعدة؟

شو أحسن مستشفى بعمان؟

رانيا27
من: رانيا وليد |قبل: 3 أعوام ضمن: أماكن عمان
مغلق



شو بنظركم أحسن مستشفى، وأسواء مستشفى بعمان ؟ وليش؟
أنا بشوف أحسن مستشفى هوه الإسلامي..
http://amman.jeeran.com/places/islamichospital

أما أسواء مستشفى هوه المركز العربي وفي كمان مستشفى الجامعة.. http://amman.jeeran.com/places/almrkezalarbi, http://amman.jeeran.com/places/universityhospital

Abudayah44
من: Abudayah |  قبل 3 أعوام

الحمدلله الطب عنا بالأردن متقدم عن كثير من الدول وبوافقك الرأي انو المستشفى الإسلامي هو أحسن مستشفى لأنه تابع للمركز الإسلامي. بس ياريت ترجع إدارته القديمة بيكون أحسن وأحسن.

وكمان عجبني مستشفى الأردن والإسراء

أسوأ (مسلخ) عفواً.. مستشفى.. هو البشير وبالأردن كمان في مستشفى الحاوز ومستشفى فيصل.. حتى انو مستشفى الشفاء بغزة احسن منهن..

حسب تجربتي.. في مستشفى الحاوز مرة أغمى علي نقلوني على عرباية معاقين بدون كوشوك على العجال.. وحطوني على سرير انا وكمان شخص.

المشكلة الكبيرة بهاي المستشفيات انو اذا صار حادث وكان في 5 إصابات المستشفى كله بنعجك.. كيف لو لا سمح الله صارت عنا كارثة انا بتوقع الناس تموت بالشوارع.

عبير5
من: عبير عبد الكريم حسن |  قبل 3 أعوام

في كم مستشفى بالاردن معروف انهم على مستوى عالي من النظافة والمعاملة الجيدة، وهي: الاردن .. التخصصي..وابن الهيثم.

رانيا27
من: رانيا وليد |  قبل 3 أعوام

أها صح عبير سمعت مستشفى ابن الهيثم منيح..

رانيا27
من: رانيا وليد |  قبل 3 أعوام

تنزكر وما تنعاد يا أنس :)

ماجد40
من: ماجد داود |  قبل 3 أعوام

مستشفى الاردن سيء كتييير .....اسال مجرب

تمارا1
من: تمارا سعيد |  قبل 3 أعوام

صباح الخير ماجد ..

صار معك موقف معين فيه؟

ماجد40
من: ماجد داود |  قبل 3 أعوام

ادخلت بنتي مستشفى الاردن .. قسم طوارئ الاطفال ..كانت بنتي معها رشح وحرارة ..لما فحصها الدكتور الوضع حكى انه الوضع طبيعي واعطانا ادوية .. رجعت على البيت وما حسيت اي تحسن على البنت وبعد يومين رجعت على المستشفى ..حكوا لي نفس الحكي ..ما اقتنعت .. رحت على المستشفى الخالدي ...حكوا لي معها التهاب حاد بالقصبات ولازم تنحط تحت المراقبة 48 ساعة ... ولما طلبت انه ادخلها المستشفى ..اعتذر لي وقال ما في مكان ... رحت على المستشفى الاسلامي وحكي لي نفس كلام الدكتور اللي بالمستشفى الخالدي... وكان فيه مجال ادخلها بالمستشفى الاسلامي .. وبعد 4 ايام والحمد لله خرجت من المستشفى.

وكمان هناك مشكلة اخرى صارت مع مرتي بخصوص مستشفى الاردن وناوي ارفع عليهم قضية.

تمارا1
من: تمارا سعيد |  قبل 3 أعوام

اها، في مستشفيات اسمها كبير بس على الفاضي، اللي بعرفه انه مستشفى الاردن خدماته منيحة، بس فعلا صدق من قال: اسال مجرب ولا تسأل طبيب.

رانيا27
من: رانيا وليد |  قبل 3 أعوام

الحمدلله على سلامتهم...لما يصير هيك شي مع الواحد بياخد موقف من المكان..

Doaa70
من: Doaa Heyari |  قبل 3 أعوام

احسن مستشفى هو المدينة الطبية واسوأ مستشفى الجامعة الاردنية

تمارا1
من: تمارا سعيد |  قبل 3 أعوام

ندوش.. صباح الخير، عندك تجربة مع المدينة الطبية؟

Doaa70
من: Doaa Heyari |  قبل 3 أعوام

اهلا تمارا
نعم عندي تجربة الي ولعائلتي بالمدينة مستشفى معروف وخدماته جيدة جدا وكتير بهتموا بالمريض ودكاترة على مستوى عالي من العلم

ايمن1
من: ايمن ابو سليم |  قبل 3 أعوام

المدينة الطبية كل شي جديد وحديث من الاجهزة والمعدات الطبية بتلاقيه فيها.

Doaa70
من: Doaa Heyari |  قبل 3 أعوام

بالضبط ايمن دائما في عمليات تجديد وتطوير على مستوى الاجهزة والابنية وكفاءة طبية عالية

رانيا27
من: رانيا وليد |  قبل 3 أعوام

صح ندوش مستشفى الجامعة كتير سيء، وبشوف كمان المدينة الطبية مش زي قبل.. كانت قبل فيها دكاتره معروفين وشاطرين بضل أفضل من غيرها.

Doaa70
من: Doaa Heyari |  قبل 3 أعوام

اهلا رانيا

مستشفى الجامعة من اسو أ المستشفيات من جميع النواحي الخدمات النضافة مستوى الاطباء والممرضين الي بحسهم مجرمين .

اما المدينة هو احسن مستشفى جربته ومتل ما حكيتي بضل احسن من غيرو وانشالله ما حدا يجرب اي مستشفى.

wsam0
من: wsam dabas |  قبل 3 أعوام

بصراحة احسن مستشفى هو الاستشاري في وادي صقرة اسال مجرب لاني ممرض بالطوارىء.

طارق1
من: طارق ابو كمال |  قبل 3 أعوام

صباح الخير، مش كان في حكى بين الناس أنه بده ينباع؟

ahmad18
من: ahmad nasser |  قبل 3 أعوام

احسن مستشفى، مستشفى التخصصي اما مستشفى البشير من اسوء المستشفيات عن تجربة.

froha20110
من: froha2011 |  قبل 3 أعوام

مستشفى الاسلامي بعد اكثر من تجربة ولكن مرات الحسنات الهم بتغطي على بعض الغفوات والاخطاء لكن بيضل قريب اكتر من الناس ام مستشفى الجامعة لايمكن ارجع اتداوى فيه لكثر تجاربي السيئة وكمان لسوء النضافة والخدمات ام باقي المستشفيات ماعندي خبرة فيهم

طارق1
من: طارق ابو كمال |  قبل 3 أعوام

مرحبا، بما أنك جربت المستشفى الاسلامي، ليش ما تشاركنا رأيك فيه على أماكن عمان؟

http://amman.jeeran.com/places/islamichospital

لؤي0
من: لؤي مراد |  قبل 3 أعوام

أؤيد آراء الاخوه والاخوات. مستشفى الجامعه من أسوأ مستشفيات العالم وليس فقط الاردن من ناحيه التعامل والاهتمام بالمرضى وللاسف غالي جداً بالمقارنه مع غيره في المملكه. للاسف اضطررت لتجريب هذا المستشفى نتيجه لقرب الحادث من موقعه. يجب مراقبه اداره هذا المستشفى بشده من الجهات المختصه. الحمد لله اني انتقلت فور استطاعتي للمستشفى التخصصي وله كل تقديري من ناحيه التعامل والخدمات وتفاجئت كل المفاجئه لدى مقارنه أسعاره بأسعار مستشفى الجامعه حيث كان أرخص بكثير.

دعاء61
من: دعاء المشايخ |  قبل 3 أعوام

اسوء المستشفيات مستشفى البشير يلي ما شفت حد فاتو غير مات ومستشفى الاردن عن تجربة مرتين سيء للغاية
وانا شفت مستشفى الاسلامي كتير منيح الممرضات كتير ممتازات وبتعاملوا بانسانية وفي بالطوارئ دكتور مختص دايما

نور0
من: نور كل الحلا |  قبل سنة واحدة

اريداعرف عن مستشفى الحمايده كيف معاملته امنيحه

نور0
من: نور كل الحلا |  قبل سنة واحدة

ممكن فيه احد هون بيرد عليه كيف مستشفى الحمايده بالاردن بليز

فراس571
من: فراس قاسم |  قبل سنة واحدة

صدقا مابنصح فيه بالمرة وروحي اي مستشفى تاني وادفعهو زيادة ولاتدخلوه

حمّل تطبيقات جيران على هاتفك المتنقل الان!