حوارات عمان مساعدة؟

مسبات الشعب الاردني بتوطي الراس

هدى335
من: هدى العقرباوي |قبل: عامين ضمن: إجتماعيات
مغلق

مرحبا لكل الجيران ...وانا بتأسف اني رح احكي بموضوع المسبات وبعرف انو مكرر وانحكى فيه كتير من قبل بس مضطره احكي لانتشار هالظاهره بشكل بخزي وبدون أي خجل

مبارح كنت بشارع الجامعه الاردنيه وشفت شب من شباب هالجامعه الغير محترمين عند الرئيسي بنادي عصاحبه : ولك تعال يا ابن ((التوووووووووووووووووت)) راح اتطلع عليه صاحبه وحكالوا ولك ينعن ((سب الرب)) وكل هالأحداث والاتنين بيضحكوا وبأعلى صوت بيحكوا ومش عاملين اعتبار للناس للماشيين .
هلاء صراحه كان نفسي أسب عليهم الاتنين من مبدأ الساكت عن الحق شيطان أخرس وانهم الاتنين ما بيستحوا على وجهم واحكي للاول:- لو امك خلفت ((توووووووت)) ولا خلفتك / واحكي للتاني:- فأي كفر أعظم من سب الرب الذي خلقك فسواك فعدلك،مبسوط عحالك اطلعت من ملة الاسلام !!
*بس كانت مشكلتي الوحيده إني بنت !!!!

عم بفكر بالموضوع مش لاقيه اي مبرر يعني هاد الموضوع لا بدو وعي ولا بدو ثقافه ولا تدريس والمشكله الاساسيه انو في ناس متل الببغاء طول اليوم هالمسبات علسانوا ... كلنا عنا مخ وبنعرف انو هيك مسبات مرفوضه تماما وحرام وما عم استوعب سب الدين أو الام أو الاخت أو الاب أو أو .....الخ
(( يعني لهدرجه هالاشخاص بطل عندهم شرف وصاروا متمسحين ، ولّا الموضوع فياعه اني بعرف اسب ،ولّا لازم يكون لساني زفر عشان اواكب التطور)) وازا كان الجواب أي من هالخيارات فكلو أسوأ من بعضوا

وعلى رأيي الشاعراحمد شوقي الله يرحموا ((إذا أصيب القوم في أخلاقهم ... فأقم عليهم مأتماً وعويلا))

Hisham31
من: Hisham Jibren |  قبل عامين

مرحبا جيراني ،،،
والله يا هدى الموضوع اللي بتحكي فيه موضوع منتشر بكل مكان صار، وين ما نروح بنسمع الناس بتسب على بعض بشكل وقح ولا كأنو في ناس في الشارع غيرهم، طبعا هاد كلو برجع لعدم وجود أخلاق عند هالناس ، الناس نسيت انو دينا الإسلامي دين أخلاق، ومهما كانت الأمة متحضرة ومهما كانت الأمة غنية ،،، بدون أخلاق فهي أمة فانية لا قيمة لها.

..
اذا نطق السفيه فلا تجبه فخير من اجابته السكوت
فان كلمته فرجت عنه و ان خليته كمدا يموت


هدى335
من: هدى العقرباوي |  قبل عامين

اهلا وسهلا بجاري هشام (^_^)

وفعلا كلامك مزبوط 100% في بعض الناس الشي الوحيد يلي بيربطهم بدين الاسلام هو الهويه الشخصيه يلي مكتوب فيها ديانتهم الاسلام .............. لانهم لا يمتوا للدين الاسلامي بصله
وللاسف في ناس فاهمين انو التخلي عن الدين، والتفريط في التقاليد، ونسيان التراث هو احدى مظاهر الرقي والتطور

سيد220
من: سيد صالح |  قبل عامين

إنه لشيء مخزِِي ومحزن أن نسمع هذه الشتائم في مجتمعاتنا وتصدر من الصغار والكبار إلا من رحم الله ..من المؤسف أن نرى بعض شباب اليوم يتبادلون الشتائم الدنيئة فيشتمون الأخوات والأمهات وكل شيء وهم يضحكون ويمزحون .. يا للعار!! منها ما يخدش الحياء ويحرج الناس خاصة العائلات والنساء ومنها ما لا يفهم لتحويرة إدعاء للأدب ومنها والعياذ بالله يصل إلى سب الذات الإلهية وسب الدين وغيرها والذي بين حكمه العلماء الأفاضل ووصلوا إلى حد تكفير الفاعل وردته إذا انتفت الموانع وتحققت الشروط أمام عالم أو قاض يخشى الله تعالى .. أساس المشكلة هو التربية في البيت والشارع والمدرسة والمجتمع .. فهذا الذي يتعلم الشتائم وهو في سنواته الأولى وما زال لا يستطيع نطق الكلمات بإتقان هو نتاج هذه البيئة الفاسدة .. فهو يتشرب ما يسمع من أهله وإخوانه ومجتمعه .. علينا العودة إلى الدين الصحيح والتربية على أسس الإسلام والأخلاق الحميدة .. وعلينا الأخذ على هذه الفئة الشاذه ونهيها عن المنكر وأمرها بالمعروف وعلى الجهات الرسمية والأمنية وغير الرسمية من مؤسسات المجتمع المدني ردع هذه الفئة ونبذها واتخاذ الإجراءات الكفيلة بتوقف هذه الظاهرة ..

سيد220
من: سيد صالح |  قبل عامين

شكراً لكِ أختي الفاضلة هدى على طرح هذا الموضوع المهم والمكرر لتكرر هذه الظاهرة السيئة في مجتمعاتنا للأسف ..

لقد استهان بعض الناس بهذه الشتائم المخزية ولو كان عندهم شيء من خشية الله تعالى لما تجرؤا على هذا الأمر ..

قال صلى الله عليه وسلم:
"إن العبد ليتكلم بالكلمة من رضوان الله لا يلقي لها بالا يرفعه الله بها درجات، وإن العبد ليتكلم بالكلمة من سخط الله لا يلقي لها بالا يهوي بها في جهنم"
التخريج (مفصلا): أحمد في مسنده وصحيح البخاري عن أبي هريرة
تصحيح السيوطي: صحيح

هدى335
من: هدى العقرباوي |  قبل عامين

صباح الخير مختارنا القدير سيد (^_^)
انا لازم اشكرك على مشاركاتك يلي بتقدمها النا وانا دايما بستفيد من معلوماتك القيّمه
يلي دايما بتبين فيها معلومات رائعه عن دينا الاسلامي ........... يلي بحثنا تربية النفس على الرضا والصبر واللين والمسامحة

والحل الوحيد لهادي الظاهره الايمان بالله والرجوع لدينا الاسلامي لانو يشكل محطة إنطلاق أمام الانسان لانو يزوده بالقيم والاخلاق والتسامح ، ويساعده على ضبط نفسه وبهالطريقه بنخلص من ظاهرة الانحطاط الاخلاقي

وحسب العبير النبوي ((الحياء والايمان في قرن واحد ، فإذا سلب أحدهما تبعه الآخر))

سيد220
من: سيد صالح |  قبل عامين

مساء الخير مختارتنا هدى ..
الله يبارك فيكي ويجزيكي الخير ..
مقصرين أختي الفاضلة ..
أسال الله العظيم أن نكون جميعاً عند حسن الظن
شكراً لكِ على هذا الرد الجميل

سيد220
من: سيد صالح |  قبل عامين

حديث عظيم من جوامع الكلم .........
حديث معاذ بن جبل رضي الله عنه :{ قلت يا رسول الله أخبرني بعمل يدخلني الجنة ويباعدني من النار ، قال لقد سألت عن عظيم ، وإنه ليسير على من يسره الله عليه تعبد الله لا تشرك به شيئا ، وتقيم الصلاة ، وتؤتي الزكاة وتصوم رمضان ، وتحج البيت . ثم قال ألا أدلك على أبواب الخير ؟ [ ص: 67 ] الصوم جنة ، والصدقة تطفئ الخطيئة كما يطفئ الماء النار ، وصلاة الرجل من جوف الليل ، ثم تلا { تتجافى جنوبهم عن المضاجع } حتى بلغ يعملون .
ثم قال ألا أخبرك برأس الأمر وعموده وذروة سنامه ؟ قلت بلى يا رسول الله ، قال : رأس الأمر الإسلام ، وعموده الصلاة ، وذروة سنامه الجهاد . ثم قال ألا أخبرك بملاك ذلك كله ؟ قلت بلى يا رسول الله فأخذ بلسانه قال كف عليك هذا ، قلت يا نبي الله وإنا لمؤاخذون بما نتكلم به ؟ فقال ثكلتك أمك ، وهل يكب الناس في النار على وجوههم أو على مناخرهم إلا حصائد ألسنتهم }
رواه الترمذي وقال حديث حسن صحيح . قال الحافظ ابن رجب : وخرجه الإمام أحمد والنسائي وابن ماجه ثم قال : هذا يدل على أن كف اللسان وضبطه وحبسه هو أصل الخير كله وأن من ملك لسانه فقد ملك أمره وأحكمه وضبطه .

Saleh139
من: Saleh Thaher |  قبل عامين

مسا الخير مختارتنا وبلال وهشام :)
للأسف هاد الإشي منتشر قدامي كتير وكتير تجمعات شباب فيها المسبات وقلة الأخلاق ومفكرين حالهم رجال بلسانهم الزفر.....

*بلال ذكرتني بموقف صار معي بمباراة.. انا بلعب بالوسط متأخر وأحيانا بصير مشاحنات بدون قصد... يعني مرة دعست على رجل شب ووقع ومن واجبي أساعده وأستسمح منه بس للأسف ضل يصيح وانا بقول والله اسف ولما بلش يسب أنذروه وصار الحق عليه... برأيي دائما التفاهم هو الحل الأنسب واللسان الزفر بقلل من هيبة الزلمة......

* هدى في دور من الأهل بهالقصة يعني قدامي بصير مواقف بيحكي الواحد فيها "هذا أب بحب مصلحة إبنه اللي مكيف عليه وهو بسب؟؟" شو الأب اللي بحكي لإبنه تفففففف على عمو تف فرجيه إنك زلمة! والأب اللي بكيف على إبنه لما يحكي كلام وسخ؟ من هون ببدى الموضوع إنه الولد المسكين بشوف الأب بضحكله فبفكر إنه إشي حلو الواحد يتف او يسب كلمات وسخة....

* في كمان مصيبة هي رفاق السوء، الشباب بعودو شب على إنه لما بنسب على الواحد بكون هدفنا نمزح مع بعض ونعمل جو، وهو بشخصيته الضعيفة بقبل يسبو على أخته وغير أخته وهم بتقبلو الموضوع من جهتهم كمان.....

Saleh139
من: Saleh Thaher |  قبل عامين

* بالنسبة للي بسبو الرب والدين الله يبعدنا جميعا عنهم وصحيح الكلام اللي قلتيه إنو اللي بسب الرب خرج عن ملة الإسلام ولازم يتشهد عشان يرجع وما بنفعه الإستغفار قبل ما ينطق الشهادتين... ((قال تعالى: إِنَّ اللَّهَ لاَ يَغْفِرُ أَن يُشْرَكَ بِهِ وَيَغْفِرُ مَا دُونَ ذَلِكَ لِمَن يَشَاء))

هدى335
من: هدى العقرباوي |  قبل عامين

صباح الخير جاري صالح (^_^)
والله يا صالح مزبوط الاب لمّا ابنو يسب بتحس الدنيا مش واسعته من الفرحه وبكون مفتخر بأبنو ......انا عندي احد اقاربي عنده ابن بعمر 9 سنوات وهاد الولد ايجا بصعوبه بعد فتره طويله من الزواج والله لا يوريك الدلع والدلال وقلة الادب يعني انا بس اسمع انهم جايين عنا بكتئب لانو بسب وبيخرب على كيفوا وكل هالاحداث والام والاب بيضحكوا ومش مسدئين حالهم وانا بكون نفسي ارتكب جريمة قتل بس المشكله انهم ببيتنا واحترام الضيف واجب

* اما موضوع سب الرب انا ما عندي تعليق عليه بس بتمنى من اي شخص بيسمع الاشخاص بسبوا الرب ما يمرقوا الموضوع كأنوا عادي لازم يكون في ردة فعل باتجاه هالموضوع عشان يحس الشخص انو تافه وفي ناس بتغار على دينها الاسلامي

Saleh139
من: Saleh Thaher |  قبل عامين

ومساء الورد لمختارنا سيد صالح ما إنتبهتلك عشان كنت بكتب وما عملت ري فريش :)

سيد220
من: سيد صالح |  قبل عامين

مساء النور أخي صالح .. وشكراً على لطفك وذوقك الحسن..

Mohanad164
من: Mohanad Azab |  قبل عامين

هاي ظاهرة مو جديدة ابدا في عمان، فاصبحو الشباب الي بشتمو و بسبو بعض او الرب ما بعرفو قيمة او المعنى و العواقب من المسبة فتعودو و تمسحو و اخذ لسانهم على المسبات و اصبحت جزء من لغتهم.
لما تكون تحضر مبارة بين فريقين اردنيين بتسمع مسبات، و بالجامعة بتسمع مسبات، و حتى اولاد المدارس بمختلف اعمارهم بتسمعهم بسبو..

هدى335
من: هدى العقرباوي |  قبل عامين

صباح الخير جاري مهند (^_^)
انا بخالفك الرأي هادي الظاهره جديده بمجتمعنا يعني من سنتين تقريبا بلشت تطلع موضة هالمسبات انا قبلها ما عمري كنت اسمعها بس هلاء صارت موضة العصر

وفعلا المسبات صارت متلها شي روتيني بالحياه عند بعض الاشخاص والمصيبه انو وهو زعلان أمنا بالله .... بس حتى لمّا يكون فرحان بسب طب ليششششششششششش؟؟؟؟

وانا حاسه انو الطفل بمجتمعنا اول كلامه حيبطل بابا او ماما حيسير اول النطق مسبات

Mohanad164
من: Mohanad Azab |  قبل عامين

صباح النور جارتي هدى :))
صدقيني اكثر من سنتيت بس اخر وقت زادت و بطلت العالم تستحي والله يا هدى.
و بكونو يضحكو و فرحانين لانهم زي و حكيت مش عارفين شو معنى المسبة و انهم بهينو عرض و شرف الاخر و هذا يسمى بقذف المحصنات!!
وما بتقدري تقولي غير الله يبعد عنا هذول الجاهلييييين.

Khalil3
من: Khalil Nakhleh |  قبل عامين

مرحبا او السلام عليكم ورحمة الله وبركاته
(مرحبا) تحية اتعلمتها من صحابي واصدقائي ومعارفي
اما(السلام عليكم ورحمة الله وبركاته) تحية الاسلام اتعلمتها من ابوي وامي وجدي وجدتي واخوي واخني
طبعا انا آسف للاطالة وعارف انه الحكي هادا مو موضوعنا،
بس يدخل في صلب الموضوع من الاساس لماذا يا ايها الاب المكافح ويا ايتها الام المدرسة تسمحي لابنك بتكرار هذه الالفاظ والمسبات؟ صارت عادة عند الشباب اذا بده يحكي او يسلم على فلان من الناس بدل تحية السلام
بتطلع الجوهرة من فمه (مرحبا يا ابن........)او (وينك يا ..........)او (شو اخبارك يا اخو........) او اذا زعل ونرفز (ربك..دينك..محمد..الرسول...ملائكة...بحسب الله ما......) يا جماعة الخير والله حرام عليكم يعني هو (الله جل جلاله) بلعب معك في الشارع ولا (سيد محمد صلى الله عليه وسلم ) بلعب طابه او شده معك والله حرااااااام
*اذا كان بمقدورك ان تمنع ولو على الاقل سب الذات الالهية فلك الاجر عند رب العالمين ولكن بطريقة بحيث لا تسبب لك الاحراج او الاذى من الشباب الطائش
وباااااي عفوا والسلام عليكم ورحمة الله وبركاته

هدى335
من: هدى العقرباوي |  قبل عامين

وانا بدي ارد عليك بتحية الاسلام جاري خليل وعليكم السلام ورحمة الله وبركاته (^_^)

وبالنسبه لكلامك ما هو كيف الاب بدو يمنع ابنه من المسبات البذيئه ازا هو نازل يحكيهم على كل كبيره وصغيره .... الطفل ما الو ذنب هو متل العجينه بتشكلوا متل مابدك بس كل اللوم على الاب والاخ والام

وانشالله انو اتخف هالظاهره بوجود الناس المحترمه يلي رح يدافعوا عن دينهم وشرفهم .
وشكرا الك على هالمشاركه الحلوه

zaid14
من: zaid Shresh |  قبل عامين

انا بقترح انو يرجعوا خدمة الجيش طبعا باشراف قيادة حكيمة وصارمة لانو الجيش احسن حل للجيل الصاعد بنموا روح القيادة وحب الوطن من جهة وبطلعوا جيل (رجال)من جهة تانية

مين معي بهالفكرة..............

هدى335
من: هدى العقرباوي |  قبل عامين

مرحبا زيد (^_^)

فكرتك كتير حلوه وممكن وفعلا شبابنا الاردني بحاجه انو يندعك شوي بالحياه لحتى يكون في رجال حقيقين.......وقبل فتره اسمعنا انهم بدهم يرجعوا خدمة العلم والكل كان يحكي بالموضوع بس ما بعرف لوين وصل هلاء لسا الفكره قائمه ولا لغوها؟؟؟؟

zaid14
من: zaid Shresh |  قبل عامين

شكرا هدى على التأييد بس القرار كان في غموض ومش واضح يعني كان بدهم اللي ما خدموا من زمان (مواليد 1971الى 1993 بس مش معقول واحد عمرو اربعين سنة يروح يركض ويتسلق يعني الفكرة مش منطقية كان لازم بلشوا من جديد يعني القدام يسيبوهم والجداد يبلشوا فيهم يعني القرار مش واضح لحد الان.

هدى335
من: هدى العقرباوي |  قبل عامين

والله يا زيد انا ما بعرف شو أسس هالقرار بس بالعكس فكره كتير حلوه انو الاشخاص يلي بسن الـ 40 سنه يشاركوا بالخدمة ليش ما يركض ويتسلق ووو......الخ
من ناحيه رياضيه ومن ناحية وطنية ومن كل النواحي بيقدر وانا بشوف انو الرجال بهالعمر بكونوا اكتر نضجاً بس لساتهم شباب

zaid14
من: zaid Shresh |  قبل عامين

طيب ماشي خليهم يشاركو......بس الوظائف اللي بقوموا فيها مين بدو يسد مكانهم يعني لما تاخد الحكومة 50 الف مواطن عشان يخدموا هدول شو اثرهم على الاردن شو بدو يصير رح تصير فجوة كبيرة يعني نوخد مثال موظف في دائرة الارصاد الجوية تخصصوا نادر وما في كتير ناس زيو وراح يخدم كيف بدهم يلاقو بديل الو؟؟؟؟؟؟؟
الموضوع بحاجة لدراسة ودقة اكثر

Jawad19
من: Jawad Shhaltough |  قبل عامين

المشكله الموجوده عنا بالبلد من ناحية التكفير الشاب اللي بكفر هيك علنناً بكون مفكر حالو إنو زلمه وزجرت إنو لما يسب هيك انها زلومية التكفير .. أما بالنسبه لل مسبات اللي بتكون بين الشباب الأصحاب وبتكون عادي طعن بالشرف والعرض هي إلي كيف ما الواحد يفكر فيها ما بلاقيلها سبب واضح!

هدى335
من: هدى العقرباوي |  قبل عامين

مرحبا جواد (^_^)
مزبوط كلامك يعني للاسف انو الناس بيفكروا الرجوله بأنك تسب الرب او الدين ..... وعم يستعرض عضلاته قدام فلان وعلتان وناسي انو ربنا رح يسخطوا سخط بنار جهنم

اما المسبات اللأخلاقيه فهي سببها انو بعض الاشخاص ما عنده شرف وصار متمسح وعادي ينسب عليه وعكل عيلته لانو ما عندو اي قيم اخلاقيه ودينيه

فراس571
من: فراس قاسم |  قبل عامين

مرحبا بالجميع ومرحبا بهدى
والله كلامك مزبوط وتعليقات الجيران كلها صحيح والمشكلة الاساسية تعود بنظري الى الاهل؟ يعني هل معقول انو الاهل مابسمعو اولادهم بغلطو او بسبو؟
اوك انا شب وعصبي كتير واوقات بغلط بس بحاول قدر الامكان انو ما اغلط او سب قدام حد علشان ما اجرحو او احرجو
بس عنا في ناس للاسف الشديد ماعندهم لادين ولاشرف ولااخلاق وبصراحة (اولاد حرام) مابسئلو بمشاعر الناس يللي بكونو حوالهيم وبضلو يغلطو على اساس انو هاي زلمنة (او رجولة) ومش عارفين جد انهم اصلا ساقطين من عيون الناس
بس المشكلة انو حتى الشرطة مابقدرو يعملو شي طالما ماحد شكى عليهم

هدى335
من: هدى العقرباوي |  قبل عامين

يا اهلا وسهلا بجارنا فراس (^_^)

مزبوط كلامك عن العصبيه يعني كلنا بنعصب ومن الممكن انو انسب بس مش على كل صغيره وكبيره الواحد يضل يسبسب والواحد لازم يمسك اعصابه قدر الامكان

وفعلا الانسان يلي عنده شرف وبيخاف على شرفوا لا بسب هالمسبات ولا بيسمح لحدا يسبهم عليه
وبتمنى انو كل واحد منا بيقابل شخص من هالنوعيات يحاول يغير من افكاره الغبيه ويبينلوا خطأه على امل انو يحس على دمه ويحاول يغير من هالعادات السيئه

احمد4
من: احمد عادل |  قبل عامين

جارتي العزيزه هدى
شكرا لطرحك هالموضوع الحلو هذا ...يعني بصراحة قد ما شفت شعوب من المغرب للامارات بحياتي ما شفت شعب بيسب الدين والرب استغفر الله العظيم الا الشعب الاردني ...وكأنو هالشي بيفكروا انها رجوله والعياذ بالله ...والله بصراحة الفقر والبطاله موجودة ومنتشره بالاردن منشان الشي هذا ..لا وبل وازيدك في نسبه من الناس في الاردن بتستهزأ بالدين استغفر الله العظيم ..انا مابعرف شو مغزاهم وشو الاحوادث النفسيه اللي بتخليهم يعملو هيك ما بعرف بصراحة ..بس بغض النظر عن اي سبب هذا مليون خط احمر استهزاء بالدين او سب الرب والعياذ بالله ...

هدى335
من: هدى العقرباوي |  قبل عامين

اهلا وسهلا بجارنا احمد (^_^) الله يسعدك يا رب وشكرا كتير الك على التشجيع

وفعلا كلامك صحيح يعني في اشخاص طول نهارهم بيكفروا وبسبسبوا وبالاخر بيحكي ليش ربنا مش موفقني ؟؟؟؟
وبالنسبه للاستهزاء بالدين في ناس بيخترعوا نكت وبيكفروا بالله فيها عشان يبيبن حالوا انو بيمزح وخفيف قدام اصحابه
وانا متلك والله نفسي اعرف شو المغزى انو نسبه كبيره من من العمانيين صار الموضوع بالنسبه الهم هالكلام متل كلمة مرحبا
شيء محزن للغايه

فراس571
من: فراس قاسم |  قبل عامين

والله يا احمد كلامك صح، انا مستغرب لما اسمع مسبات الدين والرب والعياذ بالله من الناس بكل بساطة وسهولة بصيرو يسبو ولاكانو في رقيب او حسيب وبالعكس بفكروها مزحة وشطارة بتلاقيهم بتغنو وبألفو مسبات وكانها مسابقة؟؟؟
انا بتزكر لما كنت بالكويت والله عمري ماسمعت شخص خليجي او كويتي خص نص بكفر او بسب لكن احنا كنا نبدع في المسبات؟؟؟
الله يجيرنا ويستر علينا ويرحمنا برحمتو

احمد4
من: احمد عادل |  قبل عامين

يسعد صباحك جاري فارس...بس والله العظيم ما في شعب بيعمل الشي هذا مستغرب انا ليش هذا الشي منتشر بيننا .. والله ما في بلد عربي بروح عليه مابسمع هذا الشي بالمره ..

فراس571
من: فراس قاسم |  قبل عامين

كلامك صحيح وللاسف مابعرف الحل ولي بعملو هيك؟ مابعرف بتحس يا اخي انهم مريضين نفسيين وبفكرو انو شتم الذات الالهية بنفس عنهم هم كبير او انو في راحة الهم؟ ويمكن يكون جكر وتحدي الو؟؟ استغفر الله العظيم

Waleed3
من: Waleed Hasan |  قبل عامين

يعني بصراحه ما في اشي احكيه ما شاء الله عنكم ما خليتوا حكي يسلمو على الموضوع اخت هدى والله يهدي الجميع .

هدى335
من: هدى العقرباوي |  قبل عامين

مرحبا جاري وليد (^_^)
شكرا الك عالتشجيع والله يسعدك يا رب وعلى رأيك ما النا غير ندعي الله يهديهم يا رب

فراس571
من: فراس قاسم |  قبل عامين

تحديث للوضع:
امبارح وانا مروح من وسط البلد كالعادة عم اسمع تغاريد من الشباب في بعض والكل مشالله عم يتغنى ويتفنن بالمسبات على بعض وللاسف هاي المرة تهديدات كرمال مباراة برشلونة ومدريد وكل واحد بتفنن انو بدنا (.........) اختو لمدريد او العكس؟؟
مع احترامي لجميع الصبايا والجيران، انا مابفهم شغلة وحدة شو خص الاخت في مباراة برشلونة او مدريد؟؟ او اليلة كلها شو الها علاقة بالمباراة اصلا لتحكي عليها او انك تهدد انك بدك تعمل هيك؟؟

هدى335
من: هدى العقرباوي |  قبل عامين

والله يا جاري فراس مشكلة ريال مدريد وبرشلونه صارت ألعن من مشكلة الفيصلي والوحدات .... وانا هاد يلي بتحكي فيه يا جاري هو يلي نفسي افهموا شو دخل الام والدين الاخت وغيرها بالتعصب والمسبات ؟؟؟ وعادي بسمع انو في ناس بيجيبوا حلوان بس يفوز ريال او برشا فريقهم من كتر الهوس والمبالغه بهالمواضيع التافهه

حمّل تطبيقات جيران على هاتفك المتنقل الان!