حوارات عمان مساعدة؟

المواقع الاخبارية الاردنية

بلال45
من: بلال ابولاوي |قبل: 3 أعوام ضمن: بشكل عام
أضف رد


السلام عليكم
انا اطرح الموضوع لاني احب قرأة الاخبار
المواقع الاخبارية الاردنية
((لن اعمم او اذكر اسم واعرف انكم تعرفوهم )) من اهبط ما رأيت
رأيي الشخصي هي تدعوا لرذيلة واخبارها نقل عن اخرى ومنها الزائف ومنها الهابط والكثير منها غير موثق فقط نقل .
هم يضعوا صور اباحية مخلة في مواضيع لا تهم الا محب الغرائب والفضائح
هم يكتبوا اخبار تسبب فتنة بطرق ملتوية القليل من العسل عليه الكثير من السم .
يمارسون هز الذنب ومقالات عن الزوجية والفراش وخمس طرق لترضي رغبت زوج ومدري شو .
انا ارى انه يجب الضغط على زمبرك الاقلام وتشديد الرقابة ان وجدت اصلا!!!!

ahm5
من: ahm ad |  قبل 3 أعوام
أضف رد

إذا ما انكشف توجه الموقع من أخباره أو طريقة عرض الخبر بنكشف من مقالات الصحفيين ومن التعليقات اللي بسمح فيها أو بكتبوها نفسهم وعادة بتكون في بداية التعليقات ففيه منها توجهه نحو الحكومة أخطأت أم أصابت وفيه منها توجهه لرؤوس الفتنة يلمعونهم ومنها توجهه للحزب اللي بتمثله أخطؤوا أو أصابوا .وموقع العراب نيوز بطلب منك تقرأ الخبر على مسؤليتك يعني هل قصدهم ناويين على الكذب؟! والبقية مهم أسوأ ليش ما بكتبوا نفس العبارة . وموقع ياهو مكتوب أخباره اللي عن الأردن مدوكرة ومدوزنة لتوافق أهواء القائمين على الموقع والتعليقات المسموحة كذلك . والجزيرة نت إلهم موقف واضح داعم للإخوان المسلمين وضد أي من ينتقدهم في الأردن

ديمة20
من: ديمة زيدان |  قبل 3 أعوام
أضف رد

انا ضد مراقبة صحافة انا مع يكتب شو ما بدو ( مع احترام اديان وعدم التطاول على رموزها ) والباقي يظل لقارىء وللقضاء يعني يكون قارىء متسلح بالفكر ومحيط بكل الامور الي حوليه رح يكون قادر على تصديق او تكذيب الخبر اما ازا حس احد انو خبر كاذب وفيه اساءة فالطريق الى محكمة والي معو دليل رح ينتصر يعني في بريطانيا اكتشفوا انو اقوى صحف عندهم راشت الشرطة ليتجسسوا على تلفونات رموز واشخاص عشان يكون الهم سبق صحفي وبعد ما انكشفوا خسروا الي فوقهم والي تحتهم

سما34
من: سما خالد |  قبل 3 أعوام
أضف رد

شكرا جاري بلال عالموضوع الحلو واسألني انا عن مواقع الاخبار الالكترونية ؟؟؟
والله اكبر خطأانه الشخص يدخل يعلق على هيك مواقع باسمه الحقيقي لانه فعلا مكان لا يستحق انك تنزل اسمك واسم عيلتك فيه من وقاحة المعلقين اللي طبعا سياسة الموقع بتسمحلهم بهالشي وبمجرد انك كتبت رأي مخالف لرايك على طول بهدروا دمك التافهين ؟؟؟ هاد غير تغطية كاملة لفضائح الفنانين وكأنه شي مهم ؟؟ والاهم من هاد كله فعلا كل موقع بكون يعبر عن انتماء معين وحزب معين وبكون ابعد ما يمكن عن الموضوعية بنقل الخبر وهاد شي بخليك تنجلط وانت بتقرا الخبر وانت عارف انه مو هيك ابدا ......
في الاردن بالذات انا مع الرقابة الاعلامية ومع عدم السماح بالتعبير الحر الغير مقيد بضوابط اخلاقية اولا ....

والله عندي كلام كتير يا بلال لاني جد تعلمت درس كبير منهم ...

رامي22
من: رامي طراونه |  قبل 3 أعوام
أضف رد

كنت قد اطلعت سابقا على آليه عمل احد أهم المواقع الإخبارية الأردنية -إن لم يكن أهمها- وعملت وكتبت -للأسف - في بعضها....
وللأسف ... تدور هذه المواقع بمجملها في فلك المصالح الشخصة وأبعد ما تكون عن الواقعية والمهنية والمصداقية ...
فتراهم يستفزون هذا لمصلحة ذاك ...ومتدحون ذاك نكاية بهذا ....

ولأجل المصادفة .... كنت قد كتبت على صفحتي الشخصية في فيسبوك مقال بعنوان "إعلامنا مسخره" أوضحت فيه بعض ممارسات الصحافة الالكترونية وما يعتريها من فساد ...
أكرر شكري لك على طرح هذا الموضوع ... واتمنى من الجميع الارتقاء بأنفسهم عن هذا التلوث المسيّس والفوّض والموجه لإفساد العقل والذوق الأردني ..
حمى الله الأردن ...

فراس578
من: فراس قاسم |  قبل 3 أعوام
أضف رد

يا عزيزي بلال كل المواقع الاخبارية على النت غالبيتها بحب تعمل فبركة اعلامية حتى تشد الناس الها وماعندها مشكلة في انو الخبر صحيح او لا وماعندها مشكلة في التدقيق على صحة الخبر ايضا
المهم عندها انو اللي بتابعة الموقع يكثرو واكيد في مربح من هيك امر وزيادة دخل اكيد من ورا الاعلانات يللي بنلاقيها في هاي المواقع
هاي وجهة نظري

ديمة20
من: ديمة زيدان |  قبل 3 أعوام
أضف رد

http://www.ejjbed.com/
مثلا من شو بشكي هاد موقع اكيد في اخبار ما بتعجبنا بس بظل تعبير حر عن راي كاتبها ولازم نقرأ الي بعجبنا ولي ما بعجبنا

ديمة20
من: ديمة زيدان |  قبل 3 أعوام
أضف رد

http://tanfis.com/

جرب هاد الموقع يمكن يكون اسم من عنوانه تنفيس

فراس578
من: فراس قاسم |  قبل 3 أعوام
أضف رد

انا بصراحة بدخل على 3 مواقع بشكل يومي وبحس انو اخبارهم مية المية

وكالة عمان جو الاخبارية http://ammanjo.net/

اخبار الاردن اليومية http://www.khaberni.com/

وكالة انباء سرايا الاخبارية http://www.sarayanews.com/

انس38
من: انس العضايله |  قبل 3 أعوام
أضف رد

المواقع الاخبارية كثرت هاي الايام .. لكن المواقع صاحبة الثقة عند المتصفحين معدودة على الاصابع

محمد18
من: محمد جعابو |  قبل 3 أعوام
أضف رد

أنا مش مع الرقابة ....

وبالآخر كل واحد بوخذ الخبر من وين ما بده ..
ليش مثلاً أنا أفتح الموقع س أو الموقع ص .. وأنا عارف إنو كلو أخبار مسخرة ولا أساس لها من الصحة وكلها شغلات تافهة
لأ ، بروح على مواقع مضمونة زي عمان نت أو عمون وبشوف الخبر اللي بدي إياه

هل لديك وجهة نظر عن هذا الموضوع؟ شاركنا
(يجب إدخال 20 حرف على الأقل)
عدد الأحرف المتبقية (250) حرف
حمّل تطبيقات جيران على هاتفك المتنقل الان!